From StotraSamhita

prathamO'dhyAyaH - arjunaviSAdayOgaH

dhRtarASTra uvAca

dharmakSEtrE kurukSEtrE samavEtA yuyutsavaH| mAmakAH pANDavAzcaiva kimakurvata saJjaya||1|| dharmakSEtrE kurukSEtrE samavEtAH yuyutsavaH| mAmakAH pANDavAH ca Eva kim akurvata saJjaya||1|| +

saJjaya uvAca

dRSTvA tu pANDavAnIkaM vyUDhaM duryOdhanastadA| AcAryamupasaGgamya rAjA vacanamabravIt||2|| dRSTvA tu pANDavAnIkaM vyUDhaM duryOdhanaH tadA| AcAryam upasaGgamya rAjA vacanam abravIt||2|| +

pazyaitAM pANDuputrANAmAcArya mahatIM camUm| vyUDhAM drupadaputrENa tava ziSyENa dhImatA||3|| pazya EtAM pANDuputrANAm AcArya mahatIM camUm| vyUDhAM drupadaputrENa tava ziSyENa dhImatA||3|| +

atra zUrA mahESvAsA bhImArjunasamA yudhi| yuyudhAnO virATazca drupadazca mahArathaH||4|| atra zUrAH mahESvAsAH bhImArjunasamAH yudhi| yuyudhAnaH virATaH ca drupadaH ca mahArathaH||4|| +

dhRSTakEtuzcEkitAnaH kAzirAjazca vIryavAn| purujit kuntibhOjazca zaibyazca narapuGgavaH||5|| dhRSTakEtuH cEkitAnaH kAzirAjaH ca vIryavAn| purujit kuntibhOjaH ca zaibyaH ca narapuGgavaH||5|| +

yudhAmanyuzca vikrAnta uttamaujAzca vIryavAn| saubhadrO draupadEyAzca sarva Eva mahArathAH||6|| yudhAmanyuH ca vikrAntaH uttamaujAH ca vIryavAn| saubhadraH draupadEyAH ca sarvE Eva mahArathAH||6|| +

asmAkaM tu viziSTA yE tAnnibOdha dvijOttama| nAyakA mama sainyasya saMjJArthaM tAn bravImi tE||7|| asmAkaM tu viziSTAH yE tAn nibOdha dvijOttama| nAyakAH mama sainyasya saMjJArthaM tAn bravImi tE||7|| +

bhavAn bhISmazca karNazca kRpazca samitiJjayaH| azvatthAmA vikarNazca saumadattistathaiva ca||8|| bhavAn bhISmaH ca karNaH ca kRpaH ca samitiJjayaH| azvatthAmA vikarNaH ca saumadattiH tathA Eva ca||8|| +

anyE ca bahavaH zUrA madarthE tyaktajIvitAH| nAnAzastrapraharaNAH sarvE yuddhavizAradAH||9|| anyE ca bahavaH zUrAH madarthE tyaktajIvitAH| nAnAzastrapraharaNAH sarvE yuddhavizAradAH||9|| +

aparyAptaM tadasmAkaM balaM bhISmAbhirakSitam| paryAptaM tvidamEtESAM balaM bhImAbhirakSitam||10|| aparyAptaM tat asmAkaM balaM bhISmAbhirakSitam| paryAptaM tu idam EtESAM balaM bhImAbhirakSitam||10|| +

ayanESu ca sarvESu yathAbhAgamavasthitAH| bhISmamEvAbhirakSantu bhavantaH sarva Eva hi||11|| ayanESu ca sarvESu yathAbhAgamavasthitAH| bhISmam Eva abhirakSantu bhavantaH sarvE Eva hi||11|| +

tasya saJjanayan harSaM kuruvRddhaH pitAmahaH| siMhanAdaM vinadyOccaiH zaGkhaM dadhmau pratApavAn||12|| tasya saJjanayan harSaM kuruvRddhaH pitAmahaH| siMhanAdaM vinadya uccaiH zaGkhaM dadhmau pratApavAn||12|| +

tataH zaGkhAzca bhEryazca paNavAnakagOmukhAH| sahasaivAbhyahanyanta sa zabdastumulO'bhavat||13|| tataH zaGkhAH ca bhEryaH ca paNavAnakagOmukhAH| sahasA Eva abhyahanyanta saH zabdastumulaH abhavat||13|| +

tataH zvEtairhayairyuktE mahati syandanE sthitau| mAdhavaH pANDavazcaiva divyau zaGkhau pradadhmatuH||14|| tataH zvEtaiH hayaiH yuktE mahati syandanE sthitau| mAdhavaH pANDavaH ca Eva divyau zaGkhau pradadhmatuH||14|| +

pAJcajanyaM hRSIkEzO dEvadattaM dhanaJjayaH| pauNDraM dadhmau mahAzaGkhaM bhImakarmA vRkOdaraH||15|| pAJcajanyaM hRSIkEzaH dEvadattaM dhanaJjayaH| pauNDraM dadhmau mahAzaGkhaM bhImakarmA vRkOdaraH||15|| +

anantavijayaM rAjA kuntIputrO yudhiSThiraH| nakulaH sahadEvazca sughOSamaNipuSpakau||16|| anantavijayaM rAjA kuntIputraH yudhiSThiraH| nakulaH sahadEvaH ca sughOSamaNipuSpakau||16|| +

kAzyazca paramESvAsaH zikhaNDI ca mahArathaH| dhRSTadyumnO virATazca sAtyakizcAparAjitaH||17|| kAzyaH ca paramESvAsaH zikhaNDI ca mahArathaH| dhRSTadyumnaH virATaH ca sAtyakiH ca aparAjitaH||17|| +

drupadO draupadEyAzca sarvazaH pRthivIpatE| saubhadrazca mahAbAhuH zaGkhAn dadhmuH pRthak pRthak||18|| drupadaH draupadEyAH ca sarvazaH pRthivIpatE| saubhadraH ca mahAbAhuH zaGkhAn dadhmuH pRthakpRthak||18|| +

sa ghOSO dhArtarASTrANAM hRdayAni vyadArayat| nabhazca pRthivIM caiva tumulO vyanunAdayan||19|| saH ghOSaH dhArtarASTrANAM hRdayAni vyadArayat| nabhaH ca pRthivIM ca Eva tumulaH abhyanunAdayan||19|| +

atha vyavasthitAn dRSTvA dhArtarASTrAn kapidhvajaH| pravRttE zastrasampAtE dhanurudyamya pANDavaH||20|| atha vyavasthitAn dRSTvA dhArtarASTrAn kapidhvajaH| pravRttE zastrasampAtE dhanuH udyamya pANDavaH||20|| +

hRSIkEzaM tadA vAkyamidamAha mahIpatE| hRSIkEzaM tadA vAkyam idam Aha mahIpatE| +

arjuna uvAca

sEnayOrubhayOrmadhyE rathaM sthApaya mE'cyuta||21|| sEnayOH ubhayOH madhyE rathaM sthApaya mE acyuta||21|| +

yAvadEtAnnirIkSE'haM yOddhukAmAnavasthitAn| kairmayA saha yOddhavyamasmin raNasamudyamE||22|| yAvat EtAn nirIkSE ahaM yOddhukAmAn avasthitAn| kaiH mayA saha yOddhavyam asmin raNasamudyamE||22|| +

yOtsyamAnAnavEkSE'haM ya EtE'tra samAgatAH| dhArtarASTrasya durbuddhEryuddhE priyacikIrSavaH||23|| yOtsyamAnAn avEkSE ahaM yE EtE atra samAgatAH| dhArtarASTrasya durbuddhEH yuddhE priyacikIrSavaH||23|| +

saJjaya uvAca

EvamuktO hRSIkEzO guDAkEzEna bhArata| sEnayOrubhayOrmadhyE sthApayitvA rathOttamam||24|| Evam uktaH hRSIkEzaH guDAkEzEna bhArata| sEnayOH ubhayOrmadhyE sthApayitvA rathOttamam||24|| +

bhISmadrONapramukhataH sarvESAM ca mahIkSitAm| uvAca pArtha pazyaitAn samavEtAn kurUniti||25|| bhISmadrONapramukhataH sarvESAM ca mahIkSitAm| uvAca pArtha pazya EtAn samavEtAn kurUn iti||25|| +

tatrApazyat sthitAn pArthaH pitRRnatha pitAmahAn| AcAryAn mAtulAn bhrAtRRn putrAn pautrAn sakhIMstathA||26|| tatra apazyat sthitAn pArthaH pitRRn atha pitAmahAn| AcAryAn mAtulAn bhrAtRRn putrAn pautrAn sakhIn tathA||26|| +

zvazurAn suhRdazcaiva sEnayOrubhayOrapi| tAn samIkSya sa kauntEyaH sarvAn bandhUnavasthitAn||27|| zvazurAn suhRdaH ca Eva sEnayOH ubhayOH api| tAn samIkSya saH kauntEyaH sarvAn bandhUn avasthitAn||27|| +

kRpayA parayA''viSTO viSIdannidamabravIt| kRpayA parayA AviSTaH viSIdan idam abravIt| +

arjuna uvAca

dRSTvEmaM svajanaM kRSNa yuyutsuM samupasthitam||28|| dRSTvA imaM svajanaM kRSNa yuyutsuM samupasthitam||28|| +

sIdanti mama gAtrANi mukhaM ca parizuSyati| vEpathuzca zarIrE mE rOmaharSazca jAyatE||29|| sIdanti mama gAtrANi mukhaM ca parizuSyati| vEpathuH ca zarIrE mE rOmaharSaH ca jAyatE||29|| +

gANDIvaM sraMsatE hastAt tvakcaiva paridahyatE| na ca zaknOmyavasthAtuM bhramatIva ca mE manaH||30|| gANDIvaM sraMsatE hastAt tvak ca Eva paridahyatE| na ca zaknOmi avasthAtuM bhramati iva ca mE manaH||30|| +

nimittAni ca pazyAmi viparItAni kEzava| na ca zrEyO'nupazyAmi hatvA svajanamAhavE||31|| nimittAni ca pazyAmi viparItAni kEzava| na ca zrEyaH anupazyAmi hatvA svajanam AhavE||31|| +

na kAGkSE vijayaM kRSNa na ca rAjyaM sukhAni ca| kiM nO rAjyEna gOvinda kiM bhOgairjIvitEna vA||32|| na kAGkSE vijayaM kRSNa na ca rAjyaM sukhAni ca| kiM naH rAjyEna gOvinda kiM bhOgaiH jIvitEna vA||32|| +

yESAmarthE kAGkSitaM nO rAjyaM bhOgAH sukhAni ca| ta imE'vasthitA yuddhE prANAMstyaktvA dhanAni ca||33|| yESAm arthE kAGkSitaM naH rAjyaM bhOgAH sukhAni ca| tE imE avasthitA yuddhE prANAn tyaktvA dhanAni ca||33|| +

AcAryAH pitaraH putrAstathaiva ca pitAmahAH| mAtulAH zvazurAH pautrAH zyAlAH sambandhinastathA||34|| AcAryAH pitaraH putrAH tathA Eva ca pitAmahAH| mAtulAH zvazurAH pautrAH zyAlAH sambandhinaH tathA||34|| +

EtAnna hantumicchAmi ghnatO'pi madhusUdana| api trailOkyarAjyasya hEtOH kiM nu mahIkRtE||35|| EtAn na hantum icchAmi ghnataH api madhusUdana| api trailOkyarAjyasya hEtOH kiM nu mahIkRtE||35|| +

nihatya dhArtarASTrAnnaH kA prItiH syAjjanArdana| pApamEva''zrayEdasmAn hatvaitAnAtatAyinaH||36|| nihatya dhArtarASTrAn naH kA prItiH syAt janArdana| pApam Eva AzrayEt asmAn hatvA EtAn AtatAyinaH||36|| +

tasmAnna''rhA vayaM hantuM dhArtarASTrAn svabAndhavAn| svajanaM hi kathaM hatvA sukhinaH syAma mAdhava||37|| tasmAn na arhAH vayaM hantuM dhArtarASTrAn svabAndhavAn| svajanaM hi kathaM hatvA sukhinaH syAma mAdhava||37|| +

yadyapyEtE na pazyanti lObhOpahatacEtasaH| kulakSayakRtaM dOSaM mitradrOhE ca pAtakam||38|| yadi api EtE na pazyanti lObhOpahatacEtasaH| kulakSayakRtaM dOSaM mitradrOhE ca pAtakam||38|| +

kathaM na jJEyamasmAbhiH pApAdasmAnnivartitum| kulakSayakRtaM dOSaM prapazyadbhirjanArdana||39|| kathaM na jJEyam asmAbhiH pApAt asmAn nivartitum| kulakSayakRtaM dOSaM prapazyadbhiH janArdana||39|| +

kulakSayE praNazyanti kuladharmAH sanAtanAH| dharmE naSTE kulaM kRtsnamadharmO'bhibhavatyuta||40|| kulakSayE praNazyanti kuladharmAH sanAtanAH| dharmE naSTE kulaM kRtsnam adharmaH abhibhavati uta||40|| +

adharmAbhibhavAt kRSNa praduSyanti kulastriyaH| strISu duSTAsu vArSNEya jAyatE varNasaGkaraH||41||

saGkarO narakAyaiva kulaghnAnAM kulasya ca| patanti pitarO hyESAM luptapiNDOdakakriyAH||42|| saGkaraH narakAya Eva kulaghnAnAM kulasya ca| patanti pitaraH hi ESAM luptapiNDOdakakriyAH||42|| +

dOSairEtaiH kulaghnAnAM varNasaGkarakArakaiH| utsAdyantE jAtidharmAH kuladharmAzca zAzvatAH||43|| dOSaiH EtaiH kulaghnAnAM varNasaGkarakArakaiH| utsAdyantE jAtidharmAH kuladharmAH ca zAzvatAH||43|| +

utsannakuladharmANAM manuSyANAM janArdana| narakE'niyataM vAsO bhavatItyanuzuzruma||44|| utsannakuladharmANAM manuSyANAM janArdana| narakE aniyataM vAsaH bhavati iti anuzuzruma||44|| +

ahO bata mahatpApaM kartuM vyavasitA vayam| yadrAjyasukhalObhEna hantuM svajanamudyatAH||45|| ahO bata mahatpApaM kartuM vyavasitAH vayam| yat rAjyasukhalObhEna hantuM svajanam udyatAH||45|| +

yadi mAmapratIkAram azastraM zastrapANayaH| dhArtarASTrA raNE hanyustanmE kSEmataraM bhavEt||46|| yadi mAm apratIkAram azastraM zastrapANayaH| dhArtarASTrAH raNE hanyuH tat mE kSEmataraM bhavEt||46|| +

saJjaya uvAca

EvamuktvA'rjunaH saGkhyE rathOpastha upAvizat| visRjya sazaraM cApaM zOkasaMvignamAnasaH||47|| Evam uktvA arjunaH saGkhyE rathOpasthE upAvizat| visRjya sazaraM cApaM zOkasaMvignamAnasaH||47|| +

||OM tatsaditi zrImadbhagavadgItAsUpaniSatsu brahmavidyAyAM yOgazAstrE zrIkRSNArjunasaMvAdE arjunaviSAdayOgO nAma prathamO'dhyAyaH||

Template:Mahabharatam