From StotraSamhita

||caturthO'dhyAyaH - jJAnakarmasannyAsa-yOgaH||

zrIbhagavAnuvAca

imaM vivasvatE yOgaM prOktavAnahamavyayam| vivasvAn manavE prAha manurikSvAkavE'bravIt||1|| imaM vivasvatE yOgaM prOktavAn aham avyayam| vivasvAn manavE prAha manuH ikSvAkavE abravIt||1|| +

EvaM paramparAprAptamimaM rAjarSayO viduH| sa kAlEnEha mahatA yOgO naSTaH parantapa||2|| EvaM paramparAprAptam imaM rAjarSayaH viduH| saH kAlEna iha mahatA yOgaH naSTaH parantapa||2|| +

sa EvAyaM mayA tE'dya yOgaH prOktaH purAtanaH| bhaktO'si mE sakhA cEti rahasyaM hyEtaduttamam||3|| saH Eva ayaM mayA tE adya yOgaH prOktaH purAtanaH| bhaktaH asi mE sakhA ca iti rahasyaM hi Etat uttamam||3|| +

arjuna uvAca

aparaM bhavatO janma paraM janma vivasvataH| kathamEtadvijAnIyAM tvamAdau prOktavAniti||4|| aparaM bhavataH janma paraM janma vivasvataH| katham Etat vijAnIyAM tvam Adau prOktavAn iti||4|| +

zrIbhagavAnuvAca

bahUni mE vyatItAni janmAni tava cArjuna| tAnyahaM vEda sarvANi na tvaM vEttha parantapa||5|| bahUni mE vyatItAni janmAni tava ca arjuna| tAni ahaM vEda sarvANi na tvaM vEttha parantapa||5|| +

ajO'pi sannavyayAtmA bhUtAnAmIzvarO'pi san| prakRtiM svAmadhiSThAya sambhavAmyAtmamAyayA||6|| ajaH api san avyayAtmA bhUtAnAm IzvaraH api san| prakRtiM svAm adhiSThAya sambhavAmi AtmamAyayA||6|| +

yadA yadA hi dharmasya glAnirbhavati bhArata| abhyutthAnamadharmasya tadA''tmAnaM sRjAmyaham||7|| yadA yadA hi dharmasya glAniH bhavati bhArata| abhyutthAnam adharmasya tadA AtmAnaM sRjAmi aham||7|| +

paritrANAya sAdhUnAM vinAzAya ca duSkRtAm| dharmasaMsthApanArthAya sambhavAmi yugE yugE||8||

janma karma ca mE divyamEvaM yO vEtti tattvataH| tyaktvA dEhaM punarjanma naiti mAmEti sO'rjuna||9|| janma karma ca mE divyam EvaM yaH vEtti tattvataH| tyaktvA dEhaM punaH janma na Eti mAm Eti saH arjuna||9|| +

vItarAgabhayakrOdhA manmayA mAmupAzritAH| bahavO jJAnatapasA pUtA madbhAvamAgatAH||10|| vItarAgabhayakrOdhAH manmayAH mAm upAzritAH| bahavaH jJAnatapasA pUtAH madbhAvam AgatAH||10|| +

yE yathA mAM prapadyantE tAMstathaiva bhajAmyaham| mama vartmAnuvartantE manuSyAH pArtha sarvazaH||11|| yE yathA mAM prapadyantE tAn tathA Eva bhajAmi aham| mama vartma anuvartantE manuSyAH pArtha sarvazaH||11|| +

kAGkSantaH karmaNAM siddhiM yajanta iha dEvatAH| kSipraM hi mAnuSE lOkE siddhirbhavati karmajA||12|| kAGkSantaH karmaNAM siddhiM yajantE iha dEvatAH| kSipraM hi mAnuSE lOkE siddhiH bhavati karmajA||12|| +

cAturvarNyaM mayA sRSTaM guNakarmavibhAgazaH| tasya kartAramapi mAM viddhyakartAramavyayam||13|| cAturvarNyaM mayA sRSTaM guNakarmavibhAgazaH| tasya kartAram api mAM viddhi akartAram avyayam||13|| +

na mAM karmANi limpanti na mE karmaphalE spRhA| iti mAM yO'bhijAnAti karmabhirna sa badhyatE||14|| na mAM karmANi limpanti na mE karmaphalE spRhA| iti mAM yaH abhijAnAti karmabhiH na saH badhyatE||14|| +

EvaM jJAtvA kRtaM karma pUrvairapi mumukSubhiH| kuru karmaiva tasmAttvaM pUrvaiH pUrvataraM kRtam||15|| EvaM jJAtvA kRtaM karma pUrvaiH api mumukSubhiH| kuru karma Eva tasmAt tvaM pUrvaiH pUrvataraM kRtam||15|| +

kiM karma kimakarmEti kavayO'pyatra mOhitAH| tattE karma pravakSyAmi yajjJAtvA mOkSyasE'zubhAt||16|| kiM karma kim akarma iti kavayaH api atra mOhitAH| tat tE karma pravakSyAmi yat jJAtvA mOkSyasE azubhAt||16|| +

karmaNO hyapi bOddhavyaM bOddhavyaM ca vikarmaNaH| akarmaNazca bOddhavyaM gahanA karmaNO gatiH||17|| karmaNaH hi api bOddhavyaM bOddhavyaM ca vikarmaNaH| akarmaNaH ca bOddhavyaM gahanA karmaNaH gatiH||17|| +

karmaNyakarma yaH pazyEdakarmaNi ca karma yaH| sa buddhimAn manuSyESu sa yuktaH kRtsnakarmakRt||18|| karmaNi akarma yaH pazyEt akarmaNi ca karma yaH| saH buddhimAn manuSyESu saH yuktaH kRtsnakarmakRt||18|| +

yasya sarvE samArambhAH kAmasaGkalpavarjitAH| jJAnAgnidagdhakarmANaM tamAhuH paNDitaM budhAH||19|| yasya sarvE samArambhAH kAmasaGkalpavarjitAH| jJAnAgnidagdhakarmANaM tam AhuH paNDitaM budhAH||19|| +

tyaktvA karmaphalAsaGgaM nityatRptO nirAzrayaH| karmaNyabhipravRttO'pi naiva kiJcit karOti saH||20|| tyaktvA karmaphalAsaGgaM nityatRptaH nirAzrayaH| karmaNi abhipravRttaH api na Eva kiJcit karOti saH||20|| +

nirAzIryatacittAtmA tyaktasarvaparigrahaH| zArIraM kEvalaM karma kurvanna''pnOti kilbiSam||21|| nirAzIH yatacittAtmA tyaktasarvaparigrahaH| zArIraM kEvalaM karma kurvan na ApnOti kilbiSam||21|| +

yadRcchAlAbhasantuSTO dvandvAtItO vimatsaraH| samaH siddhAvasiddhau ca kRtvA'pi na nibadhyatE||22|| yadRcchAlAbhasantuSTaH dvandvAtItaH vimatsaraH| samaH siddhau asiddhau ca kRtvA api na nibadhyatE||22|| +

gatasaGgasya muktasya jJAnAvasthitacEtasaH| yajJAya''carataH karma samagraM pravilIyatE||23|| gatasaGgasya muktasya jJAnAvasthitacEtasaH| yajJAya AcarataH karma samagraM pravilIyatE||23|| +

brahmArpaNaM brahma havirbrahmAgnau brahmaNA hutam| brahmaiva tEna gantavyaM brahmakarmasamAdhinA||24|| brahmArpaNaM brahma haviH brahmAgnau brahmaNA hutam| brahma Eva tEna gantavyaM brahmakarmasamAdhinA||24|| +

daivamEvAparE yajJaM yOginaH paryupAsatE| brahmAgnAvaparE yajJaM yajJEnaivOpajuhvati||25|| daivam Eva aparE yajJaM yOginaH paryupAsatE| brahmAgnau aparE yajJaM yajJEna Eva upajuhvati||25|| +

zrOtrAdInIndriyANyanyE saMyamAgniSu juhvati| zabdAdIn viSayAnanya indriyAgniSu juhvati||26|| zrOtrAdInIndriyANi anyE saMyamAgniSu juhvati| zabdAdIn viSayAn anyE indriyAgniSu juhvati||26|| +

sarvANIndriyakarmANi prANakarmANi cAparE| AtmasaMyamayOgAgnau juhvati jJAnadIpitE||27|| sarvANi indriyakarmANi prANakarmANi ca aparE| AtmasaMyamayOgAgnau juhvati jJAnadIpitE||27|| +

dravyayajJAstapOyajJA yOgayajJAstathA'parE| svAdhyAyajJAnayajJAzca yatayaH saMzitavratAH||28|| dravyayajJAH tapOyajJAH yOgayajJAH tathA aparE| svAdhyAyajJAnayajJAH ca yatayaH saMzitavratAH||28|| +

apAnE juhvati prANaM prANE'pAnaM tathA'parE| prANApAnagatI ruddhvA prANAyAmaparAyaNAH||29|| apAnE juhvati prANaM prANE apAnaM tathA aparE| prANApAnagatI ruddhvA prANAyAmaparAyaNAH||29|| +

aparE niyatAhArAH prANAn prANESu juhvati| sarvE'pyEtE yajJavidO yajJakSapitakalmaSAH||30|| aparE niyatAhArAH prANAn prANESu juhvati| sarvE api EtE yajJavidaH yajJakSapitakalmaSAH||30|| +

yajJaziSTAmRtabhujO yAnti brahma sanAtanam| nAyaM lOkO'styayajJasya kutO'nyaH kurusattama||31|| yajJaziSTAmRtabhujaH yAnti brahma sanAtanam| nAyaM lOkaH asti ayajJasya kutaH anyaH kurusattama||31|| +

EvaM bahuvidhA yajJA vitatA brahmaNO mukhE| karmajAn viddhi tAn sarvAnEvaM jJAtvA vimOkSyasE||32|| EvaM bahuvidhAH yajJAH vitatAH brahmaNaH mukhE| karmajAn viddhi tAn sarvAn EvaM jJAtvA vimOkSyasE||32|| +

zrEyAn dravyamayAdyajJAjjJAnayajJaH parantapa| sarvaM karmAkhilaM pArtha jJAnE parisamApyatE||33|| zrEyAn dravyamayAt yajJAt jJAnayajJaH parantapa| sarvaM karmAkhilaM pArtha jJAnE parisamApyatE||33|| +

tadviddhi praNipAtEna paripraznEna sEvayA| upadEkSyanti tE jJAnaM jJAninastattvadarzinaH||34|| tat viddhi praNipAtEna paripraznEna sEvayA| upadEkSyanti tE jJAnaM jJAninaH tattvadarzinaH||34|| +

yajjJAtvA na punarmOhamEvaM yAsyasi pANDava| yEna bhUtAnyazESENa drakSyasyAtmanyathO mayi||35|| yat jJAtvA na punaH mOham EvaM yAsyasi pANDava| yEna bhUtAni azESENa drakSyasi Atmani athO mayi||35|| +

api cEdasi pApEbhyaH sarvEbhyaH pApakRttamaH| sarvaM jJAnaplavEnaiva vRjinaM santariSyasi||36|| api cEt asi pApEbhyaH sarvEbhyaH pApakRttamaH| sarvaM jJAnaplavEna Eva vRjinaM santariSyasi||36|| +

yathaidhAMsi samiddhO'gnirbhasmasAt kurutE'rjuna| jJAnAgniH sarvakarmANi bhasmasAt kurutE tathA||37|| yathA EdhAMsi samiddhaH agniH bhasmasAt kurutE arjuna| jJAnAgniH sarvakarmANi bhasmasAt kurutE tathA||37|| +

na hi jJAnEna sadRzaM pavitramiha vidyatE| tat svayaM yOgasaMsiddhaH kAlEna''tmani vindati||38|| na hi jJAnEna sadRzaM pavitram iha vidyatE| tat svayaM yOgasaMsiddhaH kAlEna Atmani vindati||38|| +

zraddhAvA^llabhatE jJAnaM tatparaH saMyatEndriyaH| jJAnaM labdhvA parAM zAntimacirENAdhigacchati||39|| zraddhAvAn labhatE jJAnaM tatparaH saMyatEndriyaH| jJAnaM labdhvA parAM zAntim acirENAdhigacchati||39|| +

ajJazcAzraddadhAnazca saMzayAtmA vinazyati| nAyaM lOkO'sti na parO na sukhaM saMzayAtmanaH||40|| ajJaH ca azraddadhAnaH ca saMzayAtmA vinazyati| na ayaM lOkaH asti na paraH na sukhaM saMzayAtmanaH||40|| +

yOgasannyastakarmANaM jJAnasaJchinnasaMzayam| AtmavantaM na karmANi nibadhnanti dhanaJjaya||41||

tasmAdajJAnasambhUtaM hRtsthaM jJAnAsinA''tmanaH| chittvainaM saMzayaM yOgamAtiSThOttiSTha bhArata||42|| tasmAt ajJAnasambhUtaM hRtsthaM jJAnAsinAtmanaH| chittvA EnaM saMzayaM yOgam AtiSTha uttiSTha bhArata||42|| +

||OM tatsaditi zrImadbhagavadgItAsUpaniSatsu brahmavidyAyAM yOgazAstrE zrIkRSNArjunasaMvAdE jJAnakarmasannyAsayOgO nAma caturthO'dhyAyaH||