From StotraSamhita

||SaSThO'dhyAyaH - AtmasaMyama-yOgaH||

zrIbhagavAnuvAca

anAzritaH karmaphalaM kAryaM karma karOti yaH| sa sannyAsI ca yOgI ca na niragnirna cAkriyaH||1|| anAzritaH karmaphalaM kAryaM karma karOti yaH| saH sannyAsI ca yOgI ca na niragniH na ca akriyaH||1|| +

yaM sannyAsamiti prAhuryOgaM taM viddhi pANDava| na hyasannyastasaGkalpO yOgI bhavati kazcana||2|| yaM sannyAsam iti prAhuH yOgaM taM viddhi pANDava| na hi asannyastasaGkalpaH yOgI bhavati kazcana||2|| +

ArurukSOrmunEryOgaM karma kAraNamucyatE| yOgArUDhasya tasyaiva zamaH kAraNamucyatE||3|| ArurukSOH munEH yOgaM karma kAraNam ucyatE| yOgArUDhasya tasya Eva zamaH kAraNam ucyatE||3|| +

yadA hi nEndriyArthESu na karmasvanuSajjatE| sarvasaGkalpasannyAsI yOgArUDhastadOcyatE||4|| yadA hi na indriyArthESu na karmasu anuSajjatE| sarvasaGkalpasannyAsI yOgArUDhaH tadA ucyatE||4|| +

uddharEdAtmana''tmAnaM na''tmAnamavasAdayEt| Atmaiva hyAtmanO bandhurAtmaiva ripurAtmanaH||5|| uddharEt AtmanA AtmAnaM na AtmAnam avasAdayEt| AtmA Eva hi AtmanaH bandhuH AtmA Eva ripuH AtmanaH||5|| +

bandhurAtmA''tmanastasya yEna''tmaiva''tmanA jitaH| anAtmanastu zatrutvE vartEta''tmaiva zatruvat||6|| bandhuH AtmA AtmanaH tasya yEna AtmA Eva AtmanA jitaH| anAtmanaH tu zatrutvE vartEta AtmA Eva zatruvat||6|| +

jitAtmanaH prazAntasya paramAtmA samAhitaH| zItOSNasukhaduHkhESu tathA mAnApamAnayOH||7||

jJAnavijJAnatRptAtmA kUTasthO vijitEndriyaH| yukta ityucyatE yOgI samalOSTAzmakAJcanaH||8|| jJAnavijJAnatRptAtmA kUTasthaH vijitEndriyaH| yuktaH iti ucyatE yOgI samalOSTAzmakAJcanaH||8|| +

suhRnmitrAryudAsInamadhyasthadvESyabandhuSu| sAdhuSvapi ca pApESu samabuddhirviziSyatE||9|| suhRt mitrAryudAsInamadhyasthadvESyabandhuSu| sAdhuSu api ca pApESu samabuddhiH viziSyatE||9|| +

yOgI yuJjIta satatamAtmAnaM rahasi sthitaH| EkAkI yatacittAtmA nirAzIraparigrahaH||10|| yOgI yuJjIta satatam AtmAnaM rahasi sthitaH| EkAkI yatacittAtmA nirAzIH aparigrahaH||10|| +

zucau dEzE pratiSThApya sthiramAsanamAtmanaH| nAtyucchritaM nAtinIcaM cailAjinakuzOttaram||11|| zucau dEzE pratiSThApya sthiram Asanam AtmanaH| na atyucchritaM na atinIcaM cailAjinakuzOttaram||11|| +

tatraikAgraM manaH kRtvA yatacittEndriyakriyaH| upavizya''sanE yuJjyAdyOgamAtmavizuddhayE||12|| tatra EkAgraM manaH kRtvA yatacittEndriyakriyaH| upavizya AsanE yuJjyAt yOgam AtmavizuddhayE||12|| +

samaM kAyazirOgrIvaM dhArayannacalaM sthiraH| samprEkSya nAsikAgraM svaM dizazcAnavalOkayan||13|| samaM kAyazirOgrIvaM dhArayan acalaM sthiraH| samprEkSya nAsikAgraM svaM dizaH ca anavalOkayan||13|| +

prazAntAtmA vigatabhIrbrahmacArivratE sthitaH| manaH saMyamya maccittO yukta AsIta matparaH||14|| prazAntAtmA vigatabhIH brahmacArivratE sthitaH| manaH saMyamya maccittaH yuktaH AsIta matparaH||14|| +

yuJjannEvaM sadA''tmAnaM yOgI niyatamAnasaH| zAntiM nirvANaparamAM matsaMsthAmadhigacchati||15|| yuJjan EvaM sadA AtmAnaM yOgI niyatamAnasaH| zAntiM nirvANaparamAM matsaMsthAm adhigacchati||15|| +

nAtyaznatastu yOgO'sti na caikAntamanaznataH| na cAtisvapnazIlasya jAgratO naiva cArjuna||16|| na ati aznataH tu yOgaH asti na ca EkAntam anaznataH| na ca atisvapnazIlasya jAgrataH na Eva ca arjuna||16|| +

yuktAhAravihArasya yuktacESTasya karmasu| yuktasvapnAvabOdhasya yOgO bhavati duHkhahA||17|| yuktAhAravihArasya yuktacESTasya karmasu| yuktasvapnAvabOdhasya yOgaH bhavati duHkhahA||17|| +

yadA viniyataM cittamAtmanyEvAvatiSThatE| niHspRhaH sarvakAmEbhyO yukta ityucyatE tadA||18|| yadA viniyataM cittam Atmani Eva avatiSThatE| niHspRhaH sarvakAmEbhyaH yuktaH iti ucyatE tadA||18|| +

yathA dIpO nivAtasthO nEGgatE sOpamA smRtA| yOginO yatacittasya yuJjatO yOgamAtmanaH||19|| yathA dIpaH nivAtasthaH na iGgatE sA upamA smRtA| yOginaH yatacittasya yuJjataH yOgam AtmanaH||19|| +

yatrOparamatE cittaM niruddhaM yOgasEvayA| yatra caiva''tmanA''tmAnaM pazyannAtmani tuSyati||20|| yatra uparamatE cittaM niruddhaM yOgasEvayA| yatra ca Eva AtmanA AtmAnaM pazyan Atmani tuSyati||20|| +

sukhamAtyantikaM yattad-buddhigrAhyamatIndriyam| vEtti yatra na caivAyaM sthitazcalati tattvataH||21|| sukham AtyantikaM yat tat buddhigrAhyam atIndriyam| vEtti yatra na ca Eva ayaM sthitaH calati tattvataH||21|| +

yaM labdhvA cAparaM lAbhaM manyatE nAdhikaM tataH| yasmin sthitO na duHkhEna guruNA'pi vicAlyatE||22|| yaM labdhvA ca aparaM lAbhaM manyatE na adhikaM tataH| yasmin sthitaH na duHkhEna guruNA api vicAlyatE||22|| +

taM vidyAd-duHkhasaMyOgaviyOgaM yOgasaMjJitam| sa nizcayEna yOktavyO yOgO'nirviNNacEtasA||23|| taM vidyAt duHkhasaMyOgaviyOgaM yOgasaMjJitam| saH nizcayEna yOktavyaH yOgaH anirviNNacEtasA||23|| +

saGkalpaprabhavAn kAmAMstyaktvA sarvAnazESataH| manasaivEndriyagrAmaM viniyamya samantataH||24|| saGkalpaprabhavAn kAmAn tyaktvA sarvAn azESataH| manasA Eva indriyagrAmaM viniyamya samantataH||24|| +

zanaiH zanairuparamEd-buddhyA dhRtigRhItayA| AtmasaMsthaM manaH kRtvA na kiJcidapi cintayEt||25|| zanaiH zanaiH uparamEt buddhyA dhRtigRhItayA| AtmasaMsthaM manaH kRtvA na kiJcit api cintayEt||25|| +

yatO yatO nizcarati manazcaJcalamasthiram| tatastatO niyamyaitadAtmanyEva vazaM nayEt||26|| yataH yataH nizcarati manaH caJcalam asthiram| tataH tataH niyamya Etat Atmani Eva vazaM nayEt||26|| +

prazAntamanasaM hyEnaM yOginaM sukhamuttamam| upaiti zAntarajasaM brahmabhUtamakalmaSam||27|| prazAntamanasaM hi EnaM yOginaM sukham uttamam| upaiti zAntarajasaM brahmabhUtam akalmaSam||27|| +

yuJjannEvaM sadA''tmAnaM yOgI vigatakalmaSaH| sukhEna brahmasaMsparzamatyantaM sukhamaznutE||28|| yuJjan EvaM sadA AtmAnaM yOgI vigatakalmaSaH| sukhEna brahmasaMsparzam atyantaM sukham aznutE||28|| +

sarvabhUtasthamAtmAnaM sarvabhUtAni ca''tmani| IkSatE yOgayuktAtmA sarvatra samadarzanaH||29|| sarvabhUtastham AtmAnaM sarvabhUtAni ca Atmani| IkSatE yOgayuktAtmA sarvatra samadarzanaH||29|| +

yO mAM pazyati sarvatra sarvaM ca mayi pazyati| tasyAhaM na praNazyAmi sa ca mE na praNazyati||30|| yaH mAM pazyati sarvatra sarvaM ca mayi pazyati| tasya ahaM na praNazyAmi saH ca mE na praNazyati||30|| +

sarvabhUtasthitaM yO mAM bhajatyEkatvamAsthitaH| sarvathA vartamAnO'pi sa yOgI mayi vartatE||31|| sarvabhUtasthitaM yaH mAM bhajati Ekatvam AsthitaH| sarvathA vartamAnaH api saH yOgI mayi vartatE||31|| +

AtmaupamyEna sarvatra samaM pazyati yO'rjuna| sukhaM vA yadi vA duHkhaM sa yOgI paramO mataH||32|| AtmaupamyEna sarvatra samaM pazyati yaH arjuna| sukhaM vA yadi vA duHkhaM saH yOgI paramaH mataH||32|| +

arjuna uvAca

yO'yaM yOgastvayA prOktaH sAmyEna madhusUdana| EtasyAhaM na pazyAmi caJcalatvAt sthitiM sthirAm||33|| yaH ayaM yOgaH tvayA prOktaH sAmyEna madhusUdana| Etasya ahaM na pazyAmi caJcalatvAt sthitiM sthirAm||33|| +

caJcalaM hi manaH kRSNa pramAthi balavad-dRDham| tasyAhaM nigrahaM manyE vAyOriva suduSkaram||34|| caJcalaM hi manaH kRSNa pramAthi balavat dRDham| tasya ahaM nigrahaM manyE vAyOH iva suduSkaram||34|| +

zrIbhagavAnuvAca

asaMzayaM mahAbAhO manO durnigrahaM calam| abhyAsEna tu kauntEya vairAgyENa ca gRhyatE||35|| asaMzayaM mahAbAhO manaH durnigrahaM calam| abhyAsEna tu kauntEya vairAgyENa ca gRhyatE||35|| +

asaMyatAtmanA yOgO duSprApa iti mE matiH| vazyAtmanA tu yatatA zakyO'vAptumupAyataH||36|| asaMyatAtmanA yOgaH duSprApaH iti mE matiH| vazyAtmanA tu yatatA zakyaH avAptum upAyataH||36|| +

arjuna uvAca

ayatiH zraddhayOpEtO yOgAccalitamAnasaH| aprApya yOgasaMsiddhiM kAM gatiM kRSNa gacchati||37|| ayatiH zraddhayA upEtaH yOgAt calitamAnasaH| aprApya yOgasaMsiddhiM kAM gatiM kRSNa gacchati||37|| +

kaccinnObhayavibhraSTazchinnAbhramiva nazyati| apratiSThO mahAbAhO vimUDhO brahmaNaH pathi||38|| kaccit na ubhayavibhraSTaH chinnAbhram iva nazyati| apratiSThaH mahAbAhO vimUDhaH brahmaNaH pathi||38|| +

EtanmE saMzayaM kRSNa chEttumarhasyazESataH| tvadanyaH saMzayasyAsya chEttA na hyupapadyatE||39|| Etat mE saMzayaM kRSNa chEttum arhasi azESataH| tvat anyaH saMzayasya asya chEttA na hi upapadyatE||39|| +

zrIbhagavAnuvAca

pArtha naivEha nAmutra vinAzastasya vidyatE| na hi kalyANakRt kazcid-durgatiM tAta gacchati||40|| pArtha na Eva iha na amutra vinAzaH tasya vidyatE| na hi kalyANakRt kazcit durgatiM tAta gacchati||40|| +

prApya puNyakRtAM lOkAnuSitvA zAzvatIH samAH| zucInAM zrImatAM gEhE yOgabhraSTO'bhijAyatE||41|| prApya puNyakRtAM lOkAn uSitvA zAzvatIH samAH| zucInAM zrImatAM gEhE yOgabhraSTaH abhijAyatE||41|| +

athavA yOginAmEva kulE bhavati dhImatAm| Etaddhi durlabhataraM lOkE janma yadIdRzam||42|| athavA yOginAm Eva kulE bhavati dhImatAm| Etat hi durlabhataraM lOkE janma yat IdRzam||42|| +

tatra taM buddhisaMyOgaM labhatE paurvadEhikam| yatatE ca tatO bhUyaH saMsiddhau kurunandana||43|| tatra taM buddhisaMyOgaM labhatE paurvadEhikam| yatatE ca tataH bhUyaH saMsiddhau kurunandana||43|| +

pUrvAbhyAsEna tEnaiva hriyatE hyavazO'pi saH| jijJAsurapi yOgasya zabdabrahmAtivartatE||44|| pUrvAbhyAsEna tEna Eva hriyatE hi avazaH api saH| jijJAsuH api yOgasya zabdabrahma ativartatE||44|| +

prayatnAdyatamAnastu yOgI saMzuddhakilbiSaH| anEkajanmasaMsiddhastatO yAti parAM gatim||45|| prayatnAt yatamAnaH tu yOgI saMzuddhakilbiSaH| anEkajanmasaMsiddhaH tataH yAti parAM gatim||45|| +

tapasvibhyO'dhikO yOgI jJAnibhyO'pi matO'dhikaH| karmibhyazcAdhikO yOgI tasmAdyOgI bhavArjuna||46|| tapasvibhyaH adhikaH yOgI jJAnibhyaH api mataH adhikaH| karmibhyaH ca adhikaH yOgI tasmAt yOgI bhava arjuna||46|| +

yOginAmapi sarvESAM madgatEnAntarAtmanA| zraddhAvAn bhajatE yO mAM sa mE yuktatamO mataH||47|| yOginAm api sarvESAM mat gatEna antarAtmanA| zraddhAvAn bhajatE yaH mAM saH mE yuktatamaH mataH||47|| +

||OM tatsaditi zrImadbhagavadgItAsUpaniSatsu brahmavidyAyAM yOgazAstrE zrIkRSNArjunasaMvAdE AtmasaMyamayOgO nAma SaSThO'dhyAyaH||