From StotraSamhita

||saptamO'dhyAyaH - jJAnavijJAna-yOgaH||

zrIbhagavAnuvAca

mayyAsaktamanAH pArtha yOgaM yuJjanmadAzrayaH| asaMzayaM samagraM mAM yathA jJAsyasi tacchRNu||1|| mayi AsaktamanAH pArtha yOgaM yuJjan mat AzrayaH| asaMzayaM samagraM mAM yathA jJAsyasi tat zRNu||1|| +

jJAnaM tE'haM savijJAnamidaM vakSyAmyazESataH| yajjJAtvA nEha bhUyO'nyajjJAtavyamavaziSyatE||2|| jJAnaM tE ahaM savijJAnam idaM vakSyAmi azESataH| yat jJAtvA na iha bhUyaH anyat jJAtavyam avaziSyatE||2|| +

manuSyANAM sahasrESu kazcidyatati siddhayE| yatatAmapi siddhAnAM kazcinmAM vEtti tattvataH||3|| manuSyANAM sahasrESu kazcit yatati siddhayE| yatatAm api siddhAnAM kazcit mAM vEtti tattvataH||3|| +

bhUmirApO'nalO vAyuH khaM manO buddhirEva ca| ahaGkAra itIyaM mE bhinnA prakRtiraSTadhA||4|| bhUmiH ApaH analaH vAyuH khaM manaH buddhiH Eva ca| ahaGkAraH iti iyaM mE bhinnA prakRtiH aSTadhA||4|| +

aparEyamitastvanyAM prakRtiM viddhi mE parAm| jIvabhUtAM mahAbAhO yayEdaM dhAryatE jagat||5|| aparA iyam itaH tu anyAM prakRtiM viddhi mE parAm| jIvabhUtAM mahAbAhO yayA idaM dhAryatE jagat||5|| +

EtadyOnIni bhUtAni sarvANItyupadhAraya| ahaM kRtsnasya jagataH prabhavaH pralayastathA||6|| Etat yOnIni bhUtAni sarvANi iti upadhAraya| ahaM kRtsnasya jagataH prabhavaH pralayaH tathA||6|| +

mattaH parataraM nAnyat kiJcidasti dhanaJjaya| mayi sarvamidaM prOtaM sUtrE maNigaNA iva||7|| mattaH parataraM na anyat kiJcit asti dhanaJjaya| mayi sarvam idaM prOtaM sUtrE maNigaNAH iva||7|| +

rasO'hamapsu kauntEya prabhA'smi zazisUryayOH| praNavaH sarvavEdESu zabdaH khE pauruSaM nRSu||8|| rasaH aham apsu kauntEya prabhA asmi zazisUryayOH| praNavaH sarvavEdESu zabdaH khE pauruSaM nRSu||8|| +

puNyO gandhaH pRthivyAM ca tEjazcAsmi vibhAvasau| jIvanaM sarvabhUtESu tapazcAsmi tapasviSu||9|| puNyaH gandhaH pRthivyAM ca tEjaH ca asmi vibhAvasau| jIvanaM sarvabhUtESu tapaH ca asmi tapasviSu||9|| +

bIjaM mAM sarvabhUtAnAM viddhi pArtha sanAtanam| buddhirbuddhimatAmasmi tEjastEjasvinAmaham||10|| bIjaM mAM sarvabhUtAnAM viddhi pArtha sanAtanam| buddhiH buddhimatAm asmi tEjaH tEjasvinAm aham||10|| +

balaM balavatAM cAhaM kAmarAgavivarjitam| dharmAviruddhO bhUtESu kAmO'smi bharatarSabha||11|| balaM balavatAM ca ahaM kAmarAgavivarjitam| dharmAviruddhaH bhUtESu kAmaH asmi bharatarSabha||11|| +

yE caiva sAttvikA bhAvA rAjasAstAmasAzca yE| matta EvEti tAn viddhi na tvahaM tESu tE mayi||12|| yE ca Eva sAttvikAH bhAvAH rAjasAH tAmasAH ca yE| mattaH Eva iti tAn viddhi na tu ahaM tESu tE mayi||12|| +

tribhirguNamayairbhAvairEbhiH sarvamidaM jagat| mOhitaM nAbhijAnAti mAmEbhyaH paramavyayam||13|| tribhiH guNamayaiH bhAvaiH EbhiH sarvam idaM jagat| mOhitaM na abhijAnAti mAm EbhyaH param avyayam||13|| +

daivI hyESA guNamayI mama mAyA duratyayA| mAmEva yE prapadyantE mAyAmEtAM taranti tE||14|| daivI hi ESA guNamayI mama mAyA duratyayA| mAm Eva yE prapadyantE mAyAm EtAM taranti tE||14|| +

na mAM duSkRtinO mUDhAH prapadyantE narAdhamAH| mAyayA'pahRtajJAnA AsuraM bhAvamAzritAH||15|| na mAM duSkRtinaH mUDhAH prapadyantE narAdhamAH| mAyayA apahRtajJAnAH AsuraM bhAvam AzritAH||15|| +

caturvidhA bhajantE mAM janAH sukRtinO'rjuna| ArtO jijJAsurarthArthI jJAnI ca bharatarSabha||16|| caturvidhAH bhajantE mAM janAH sukRtinaH arjuna| ArtaH jijJAsuH arthArthI jJAnI ca bharatarSabha||16|| +

tESAM jJAnI nityayukta EkabhaktirviziSyatE| priyO hi jJAninO'tyarthamahaM sa ca mama priyaH||17|| tESAM jJAnI nityayuktaH EkabhaktiH viziSyatE| priyaH hi jJAninaH atyartham ahaM saH ca mama priyaH||17|| +

udArAH sarva EvaitE jJAnI tvAtmaiva mE matam| AsthitaH sa hi yuktAtmA mAmEvAnuttamAM gatim||18|| udArAH sarvE Eva EtE jJAnI tu AtmA Eva mE matam| AsthitaH saH hi yuktAtmA mAm Eva anuttamAM gatim||18|| +

bahUnAM janmanAmantE jJAnavAn mAM prapadyatE| vAsudEvaH sarvamiti sa mahAtmA sudurlabhaH||19|| bahUnAM janmanAm antE jJAnavAn mAM prapadyatE| vAsudEvaH sarvam iti saH mahAtmA sudurlabhaH||19|| +

kAmaistaistairhRtajJAnAH prapadyantE'nyadEvatAH| taM taM niyamamAsthAya prakRtyA niyatAH svayA||20|| kAmaiH taiH taiH hRtajJAnAH prapadyantE anyadEvatAH| taM taM niyamam AsthAya prakRtyA niyatAH svayA||20|| +

yO yO yAM yAM tanuM bhaktaH zraddhayA'rcitumicchati| tasya tasyAcalAM zraddhAM tAmEva vidadhAmyaham||21|| yaH yaH yAM yAM tanuM bhaktaH zraddhayA arcitum icchati| tasya tasya acalAM zraddhAM tAm Eva vidadhAmi aham||21|| +

sa tayA zraddhayA yuktastasya''rAdhanamIhatE| labhatE ca tataH kAmAn mayaiva vihitAn hi tAn||22|| saH tayA zraddhayA yuktaH tasyAH rAdhanam IhatE| labhatE ca tataH kAmAn mayA Eva vihitAn hi tAn||22|| +

antavattu phalaM tESAM tadbhavatyalpamEdhasAm| dEvAn dEvayajO yAnti madbhaktA yAnti mAmapi||23|| antavat tu phalaM tESAM tat bhavati alpamEdhasAm| dEvAn dEvayajaH yAnti mat bhaktAH yAnti mAm api||23|| +

avyaktaM vyaktimApannaM manyantE mAmabuddhayaH| paraM bhAvamajAnantO mamAvyayamanuttamam||24|| avyaktaM vyaktim ApannaM manyantE mAm abuddhayaH| paraM bhAvam ajAnantaH mama avyayam anuttamam||24|| +

nAhaM prakAzaH sarvasya yOgamAyAsamAvRtaH| mUDhO'yaM nAbhijAnAti lOkO mAmajamavyayam||25|| na ahaM prakAzaH sarvasya yOgamAyAsamAvRtaH| mUDhaH ayaM na abhijAnAti lOkaH mAm ajam avyayam||25|| +

vEdAhaM samatItAni vartamAnAni cArjuna| bhaviSyANi ca bhUtAni mAM tu vEda na kazcana||26|| vEda ahaM samatItAni vartamAnAni ca arjuna| bhaviSyANi ca bhUtAni mAM tu vEda na kazcana||26|| +

icchAdvESasamutthEna dvandvamOhEna bhArata| sarvabhUtAni sammOhaM sargE yAnti parantapa||27||

yESAM tvantagataM pApaM janAnAM puNyakarmaNAm| tE dvandvamOhanirmuktA bhajantE mAM dRDhavratAH||28|| yESAM tu antagataM pApaM janAnAM puNyakarmaNAm| tE dvandvamOhanirmuktAH bhajantE mAM dRDhavratAH||28|| +

jarAmaraNamOkSAya mAmAzritya yatanti yE| tE brahma tadviduH kRtsnamadhyAtmaM karma cAkhilam||29|| jarAmaraNamOkSAya mAm Azritya yatanti yE| tE brahma tat viduH kRtsnam adhyAtmaM karma ca akhilam||29|| +

sAdhibhUtAdhidaivaM mAM sAdhiyajJaM ca yE viduH| prayANakAlE'pi ca mAM tE viduryuktacEtasaH||30|| sAdhibhUtAdhidaivaM mAM sAdhiyajJaM ca yE viduH| prayANakAlE api ca mAM tE viduH yuktacEtasaH||30|| +

||OM tatsaditi zrImadbhagavadgItAsUpaniSatsu brahmavidyAyAM yOgazAstrE zrIkRSNArjunasaMvAdE jJAnavijJAnayOgO nAma saptamO'dhyAyaH||