From StotraSamhita

||aSTamO'dhyAyaH - akSarabrahma-yOgaH||

arjuna uvAca

kiM tad-brahma kimadhyAtmaM kiM karma puruSOttama| adhibhUtaM ca kiM prOktamadhidaivaM kimucyatE||1|| kiM tat brahma kim adhyAtmaM kiM karma puruSOttama| adhibhUtaM ca kiM prOktam adhidaivaM kim ucyatE||1|| +

adhiyajJaH kathaM kO'tra dEhE'smin madhusUdana| prayANakAlE ca kathaM jJEyO'si niyatAtmabhiH||2|| adhiyajJaH kathaM kaH atra dEhE asmin madhusUdana| prayANakAlE ca kathaM jJEyaH asi niyatAtmabhiH||2|| +

zrIbhagavAnuvAca

akSaraM brahma paramaM svabhAvO'dhyAtmamucyatE| bhUtabhAvOdbhavakarO visargaH karmasaMjJitaH||3|| akSaraM brahma paramaM svabhAvaH adhyAtmam ucyatE| bhUtabhAvOdbhavakaraH visargaH karmasaMjJitaH||3|| +

adhibhUtaM kSarO bhAvaH puruSazcAdhidaivatam| adhiyajJO'hamEvAtra dEhE dEhabhRtAM vara||4|| adhibhUtaM kSaraH bhAvaH puruSaH ca adhidaivatam| adhiyajJaH aham Eva atra dEhE dEhabhRtAM vara||4|| +

antakAlE ca mAmEva smaran muktvA kalEvaram| yaH prayAti sa madbhAvaM yAti nAstyatra saMzayaH||5|| antakAlE ca mAm Eva smaran muktvA kalEvaram| yaH prayAti saH mat bhAvaM yAti na asti atra saMzayaH||5|| +

yaM yaM vA'pi smaran bhAvaM tyajatyantE kalEvaram| taM tamEvaiti kauntEya sadA tadbhAvabhAvitaH||6|| yaM yaM vA api smaran bhAvaM tyajati antE kalEvaram| taM tam Eva Eti kauntEya sadA tat bhAvabhAvitaH||6|| +

tasmAt sarvESu kAlESu mAmanusmara yudhya ca| mayyarpitamanObuddhirmAmEvaiSyasyasaMzayaH||7|| tasmAt sarvESu kAlESu mAm anusmara yudhya ca| mayi arpitamanObuddhiH mAm Eva ESyasi asaMzayaH||7|| +

abhyAsayOgayuktEna cEtasA nAnyagAminA| paramaM puruSaM divyaM yAti pArthAnucintayan||8|| abhyAsayOgayuktEna cEtasA na anyagAminA| paramaM puruSaM divyaM yAti pArtha anucintayan||8|| +

kaviM purANam anuzAsitAram anOraNIyAMsam anusmarEdyaH| sarvasya dhAtAram acintyarUpam AdityavarNaM tamasaH parastAt||9|| kaviM purANam anuzAsitAram aNOH aNIyAMsam anusmarEt yaH| sarvasya dhAtAram acintyarUpam AdityavarNaM tamasaH parastAt||9|| +

prayANakAlE manasA'calEna bhaktyA yuktO yOgabalEna caiva| bhruvOrmadhyE prANamAvEzya samyak sa taM paraM puruSamupaiti divyam||10|| prayANakAlE manasA acalEna bhaktyA yuktaH yOgabalEna ca Eva| bhruvOH madhyE prANam AvEzya samyak saH taM paraM puruSam upaiti divyam||10|| +

yadakSaraM vEdavidO vadanti vizanti yadyatayO vItarAgAH| yadicchantO brahmacaryaM caranti tat tE padaM saGgrahENa pravakSyE||11|| yat akSaraM vEdavidaH vadanti vizanti yat yatayaH vItarAgAH| yat icchantaH brahmacaryaM caranti tat tE padaM saGgrahENa pravakSyE||11|| +

sarvadvArANi saMyamya manO hRdi nirudhya ca| mUrdhnyAdhAya''tmanaH prANamAsthitO yOgadhAraNAm||12|| sarvadvArANi saMyamya manaH hRdi nirudhya ca| mUrdhni AdhAya AtmanaH prANam AsthitaH yOgadhAraNAm||12|| +

OmityEkAkSaraM brahma vyAharan mAmanusmaran| yaH prayAti tyajan dEhaM sa yAti paramAM gatim||13|| Om iti EkAkSaraM brahma vyAharan mAm anusmaran| yaH prayAti tyajan dEhaM saH yAti paramAM gatim||13|| +

ananyacEtAH satataM yO mAM smarati nityazaH| tasyAhaM sulabhaH pArtha nityayuktasya yOginaH||14|| ananyacEtAH satataM yaH mAM smarati nityazaH| tasya ahaM sulabhaH pArtha nityayuktasya yOginaH||14|| +

mAmupEtya punarjanma duHkhAlayamazAzvatam| na''pnuvanti mahAtmAnaH saMsiddhiM paramAM gatAH||15|| mAm upEtya c janma duHkhAlayam azAzvatam| na Apnuvanti mahAtmAnaH saMsiddhiM paramAM gatAH||15|| +

AbrahmabhuvanAllOkAH punarAvartinO'rjuna| mAmupEtya tu kauntEya punarjanma na vidyatE||16|| AbrahmabhuvanAt lOkAH punarAvartinaH arjuna| mAm upEtya tu kauntEya punaH janma na vidyatE||16|| +

sahasrayugaparyantamaharyad-brahmaNO viduH| rAtriM yugasahasrAntAM tE'hOrAtravidO janAH||17|| sahasrayugaparyantam ahaH yat brahmaNaH viduH| rAtriM yugasahasrAntAM tE ahOrAtravidaH janAH||17|| +

avyaktAd-vyaktayaH sarvAH prabhavantyaharAgamE| rAtryAgamE pralIyantE tatraivAvyaktasaMjJakE||18|| avyaktAt vyaktayaH sarvAH prabhavanti ahaH AgamE| rAtri AgamE pralIyantE tatra Eva avyaktasaMjJakE||18|| +

bhUtagrAmaH sa EvAyaM bhUtvA bhUtvA pralIyatE| rAtryAgamE'vazaH pArtha prabhavatyaharAgamE||19|| bhUtagrAmaH saH Eva ayaM bhUtvA bhUtvA pralIyatE| rAtri AgamE avazaH pArtha prabhavati ahaH AgamE||19|| +

parastasmAttu bhAvO'nyO'vyaktO'vyaktAtsanAtanaH| yaH sa sarvESu bhUtESu nazyatsu na vinazyati||20|| paraH tasmAt tu bhAvaH anyaH avyaktaH avyaktAt sanAtanaH| yaH saH sarvESu bhUtESu nazyatsu na vinazyati||20|| +

avyaktO'kSara ityuktastamAhuH paramAM gatim| yaM prApya na nivartantE taddhAma paramaM mama||21|| avyaktaH akSaraH iti uktaH tam AhuH paramAM gatim| yaM prApya na nivartantE tat dhAma paramaM mama||21|| +

puruSaH sa paraH pArtha bhaktyA labhyastvananyayA| yasyAntaHsthAni bhUtAni yEna sarvamidaM tatam||22|| puruSaH saH paraH pArtha bhaktyA labhyaH tu ananyayA| yasya antaHsthAni bhUtAni yEna sarvam idaM tatam||22|| +

yatra kAlE tvanAvRttimAvRttiM caiva yOginaH| prayAtA yAnti taM kAlaM vakSyAmi bharatarSabha||23|| yatra kAlE tu anAvRttim AvRttiM ca Eva yOginaH| prayAtAH yAnti taM kAlaM vakSyAmi bharatarSabha||23|| +

agnirjOtirahaH zuklaH SaNmAsA uttarAyaNam| tatra prayAtA gacchanti brahma brahmavidO janAH||24|| agniH jyOtiH ahaH zuklaH SaNmAsAH uttarAyaNam| tatra prayAtAH gacchanti brahma brahmavidaH janAH||24|| +

dhUmO rAtristathA kRSNaH SaNmAsA dakSiNAyanam| tatra cAndramasaM jyOtiryOgI prApya nivartatE||25|| dhUmaH rAtriH tathA kRSNaH SaNmAsAH dakSiNAyanam| tatra cAndramasaM jyOtiH yOgI prApya nivartatE||25|| +

zuklakRSNE gatI hyEtE jagataH zAzvatE matE| EkayA yAtyanAvRttimanyayA''vartatE punaH||26|| zuklakRSNE gatI hi EtE jagataH zAzvatE matE| EkayA yAti anAvRttim anyayA AvartatE punaH||26|| +

naitE sRtI pArtha jAnan yOgI muhyati kazcana| tasmAt sarvESu kAlESu yOgayuktO bhavArjuna||27|| na EtE sRtI pArtha jAnan yOgI muhyati kazcana| tasmAt sarvESu kAlESu yOgayuktaH bhava arjuna||27|| +

vEdESu yajJESu tapaHsu caiva dAnESu yat puNyaphalaM pradiSTam| atyEti tatsarvamidaM viditvA yOgI paraM sthAnamupaiti ca''dyam||28|| vEdESu yajJESu tapaHsu ca Eva dAnESu yat puNyaphalaM pradiSTam| atyEti tat sarvam idaM viditvA yOgI paraM sthAnam upaiti ca Adyam||28|| +

||OM tatsaditi zrImadbhagavadgItAsUpaniSatsu brahmavidyAyAM yOgazAstrE zrIkRSNArjunasaMvAdE akSarabrahmayOgO nAma aSTamO'dhyAyaH||