From StotraSamhita

||trayOdazO'dhyAyaH - kSEtrakSEtrajJa-vibhAga-yOgaH||

zrIbhagavAnuvAca

idaM zarIraM kauntEya kSEtramityabhidhIyatE| EtadyO vEtti taM prAhuH kSEtrajJa iti tadvidaH||1|| idaM zarIraM kauntEya kSEtram iti abhidhIyatE| Etat yaH vEtti taM prAhuH kSEtrajJaH iti tadvidaH||1|| +

kSEtrajJaM cApi mAM viddhi sarvakSEtrESu bhArata| kSEtrakSEtrajJayOrjJAnaM yattajjJAnaM mataM mama||2|| kSEtrajJaM ca api mAM viddhi sarvakSEtrESu bhArata| kSEtrakSEtrajJayOH jJAnaM yat tat jJAnaM mataM mama||2|| +

tat kSEtraM yacca yAdRkca yadvikAri yatazca yat| sa ca yO yatprabhAvazca tatsamAsEna mE zRNu||3|| tat kSEtraM yat ca yAdRk ca yat vikAri yataH ca yat| saH ca yaH yat prabhAvaH ca tat samAsEna mE zRNu||3|| +

RSibhirbahudhA gItaM chandObhirvividhaiH pRthak| brahmasUtrapadaizcaiva hEtumadbhirvinizcitaiH||4|| RSibhiH bahudhA gItaM chandObhiH vividhaiH pRthak| brahmasUtrapadaiH ca Eva hEtumadbhiH vinizcitaiH||4|| +

mahAbhUtAnyahaGkArO buddhiravyaktamEva ca| indriyANi dazaikaM ca paJca cEndriyagOcarAH||5|| mahAbhUtAni ahaGkAraH buddhiH avyaktam Eva ca| indriyANi dazaikaM ca paJca ca indriyagOcarAH||5|| +

icchA dvESaH sukhaM duHkhaM saGghAtazcEtanA dhRtiH| Etat kSEtraM samAsEna savikAramudAhRtam||6|| icchA dvESaH sukhaM duHkhaM saGghAtaH cEtanA dhRtiH| Etat kSEtraM samAsEna savikAram udAhRtam||6|| +

amAnitvamadambhitvamahiMsA kSAntirArjavam| AcAryOpAsanaM zaucaM sthairyamAtmavinigrahaH||7|| amAnitvam adambhitvam ahiMsA kSAntiH Arjavam| AcAryOpAsanaM zaucaM sthairyam AtmavinigrahaH||7|| +

indriyArthESu vairAgyamanahaGkAra Eva ca| janmamRtyujarAvyAdhiduHkhadOSAnudarzanam||8|| indriyArthESu vairAgyam anahaGkAraH Eva ca| janmamRtyujarAvyAdhiduHkhadOSAnudarzanam||8|| +

asaktiranabhiSvaGgaH putradAragRhAdiSu| nityaM ca samacittatvamiSTAniSTOpapattiSu||9|| asaktiH anabhiSvaGgaH putradAragRhAdiSu| nityaM ca samacittatvam iSTa aniSTOpapattiSu||9|| +

mayi cAnanyayOgEna bhaktiravyabhicAriNI| viviktadEzasEvitvam aratirjanasaMsadi||10|| mayi ca ananyayOgEna bhaktiH avyabhicAriNI| viviktadEzasEvitvam aratiH janasaMsadi||10|| +

adhyAtmajJAnanityatvaM tattvajJAnArthadarzanam| EtajjJAnamiti prOktamajJAnaM yadatO'nyathA||11|| adhyAtmajJAnanityatvaM tattvajJAnArthadarzanam| Etat jJAnam iti prOktam ajJAnaM yat ataH anyathA||11|| +

jJEyaM yattatpravakSyAmi yajjJAtvA'mRtamaznutE| anAdimatparaM brahma na sattannAsaducyatE||12|| jJEyaM yat tat pravakSyAmi yat jJAtvA amRtam aznutE| anAdimat paraM brahma na sat tat na asat ucyatE||12|| +

sarvataH pANipAdaM tat sarvatO'kSizirOmukham| sarvataH zrutimallOkE sarvamAvRtya tiSThati||13|| sarvataH pANipAdaM tat sarvataH akSizirOmukham| sarvataH zrutimat lOkE sarvam AvRtya tiSThati||13|| +

sarvEndriyaguNAbhAsaM sarvEndriyavivarjitam| asaktaM sarvabhRccaiva nirguNaM guNabhOktR ca||14|| sarvEndriyaguNAbhAsaM sarvEndriyavivarjitam| asaktaM sarvabhRt ca Eva nirguNaM guNabhOktR ca||14|| +

bahirantazca bhUtAnAmacaraM caramEva ca| sUkSmatvAttadavijJEyaM dUrasthaM cAntikE ca tat||15|| bahirantaH ca bhUtAnAm acaraM caram Eva ca| sUkSmatvAt tat avijJEyaM dUrasthaM ca antikE ca tat||15|| +

avibhaktaM ca bhUtESu vibhaktamiva ca sthitam| bhUtabhartR ca tajjJEyaM grasiSNu prabhaviSNu ca||16|| avibhaktaM ca bhUtESu vibhaktam iva ca sthitam| bhUtabhartR ca tat jJEyaM grasiSNu prabhaviSNu ca||16|| +

jyOtiSAmapi tajjyOtistamasaH paramucyatE| jJAnaM jJEyaM jJAnagamyaM hRdi sarvasya viSThitam||17|| jyOtiSAm api tat jyOtiH tamasaH param ucyatE| jJAnaM jJEyaM jJAnagamyaM hRdi sarvasya viSThitam||17|| +

iti kSEtraM tathA jJAnaM jJEyaM cOktaM samAsataH| madbhakta EtadvijJAya madbhAvAyOpapadyatE||18|| iti kSEtraM tathA jJAnaM jJEyaM ca uktaM samAsataH| madbhaktaH Etat vijJAya madbhAvAya upapadyatE||18|| +

prakRtiM puruSaM caiva viddhyanAdi ubhAvapi| vikArAMzca guNAMzcaiva viddhi prakRtisambhavAn||19|| prakRtiM puruSaM ca Eva viddhi anAdI ubhau api| vikArAn ca guNAn ca Eva viddhi prakRtisambhavAn||19|| +

kAryakAraNakartRtvE hEtuH prakRtirucyatE| puruSaH sukhaduHkhAnAM bhOktRtvE hEturucyatE||20|| kAryakAraNakartRtvE hEtuH prakRtiH ucyatE| puruSaH sukhaduHkhAnAM bhOktRtvE hEtuH ucyatE||20|| +

puruSaH prakRtisthO hi bhuGktE prakRtijAn guNAn| kAraNaM guNasaGgO'sya sadasadyOnijanmasu||21|| puruSaH prakRtisthaH hi bhuGktE prakRtijAn guNAn| kAraNaM guNasaGgaH asya sat asat yOnijanmasu||21|| +

upadraSTA'numantA ca bhartA bhOktA mahEzvaraH| paramAtmEti cApyuktO dEhE'smin puruSaH paraH||22|| upadraSTA anumantA ca bhartA bhOktA mahEzvaraH| paramAtmA iti ca api uktaH dEhE asmin puruSaH paraH||22|| +

ya EvaM vEtti puruSaM prakRtiM ca guNaiH saha| sarvathA vartamAnO'pi na sa bhUyO'bhijAyatE||23|| yaH EvaM vEtti puruSaM prakRtiM ca guNaiH saha| sarvathA vartamAnaH api na saH bhUyaH abhijAyatE||23|| +

dhyAnEna''tmani pazyanti kEcidAtmAnamAtmanA| anyE sAGkhyEna yOgEna karmayOgEna cAparE||24|| dhyAnEna Atmani pazyanti kEcit AtmAnam AtmanA| anyE sAGkhyEna yOgEna karmayOgEna ca aparE||24|| +

anyE tvEvamajAnantaH zrutvA'nyEbhya upAsatE| tE'pi cAtitarantyEva mRtyuM zrutiparAyaNAH||25|| anyE tu Evam ajAnantaH zrutvA anyEbhyaH upAsatE| tE api ca atitaranti Eva mRtyuM zrutiparAyaNAH||25|| +

yAvat saJjAyatE kiJcit sattvaM sthAvarajaGgamam| kSEtrakSEtrajJasaMyOgAt tadviddhi bharatarSabha||26|| yAvat saJjAyatE kiJcit sattvaM sthAvarajaGgamam| kSEtrakSEtrajJasaMyOgAt tat viddhi bharatarSabha||26|| +

samaM sarvESu bhUtESu tiSThantaM paramEzvaram| vinazyatsvavinazyantaM yaH pazyati sa pazyati||27|| samaM sarvESu bhUtESu tiSThantaM paramEzvaram| vinazyatsu avinazyantaM yaH pazyati saH pazyati||27|| +

samaM pazyan hi sarvatra samavasthitamIzvaram| na hinastyAtmanA''tmAnaM tatO yAti parAM gatim||28|| samaM pazyan hi sarvatra samavasthitam Izvaram| na hinasti AtmanA AtmAnaM tataH yAti parAM gatim||28|| +

prakRtyaiva ca karmANi kriyamANAni sarvazaH| yaH pazyati tathA''tmAnamakartAraM sa pazyati||29|| prakRtyA Eva ca karmANi kriyamANAni sarvazaH| yaH pazyati tathA AtmAnam akartAraM saH pazyati||29|| +

yadA bhUtapRthagbhAvamEkasthamanupazyati| tata Eva ca vistAraM brahma sampadyatE tadA||30|| yadA bhUtapRthagbhAvam Ekastham anupazyati| tataH Eva ca vistAraM brahma sampadyatE tadA||30|| +

anAditvAnnirguNatvAt paramAtmA'yamavyayaH| zarIrasthO'pi kauntEya na karOti na lipyatE||31|| anAditvAt nirguNatvAt paramAtmA ayam avyayaH| zarIrasthaH api kauntEya na karOti na lipyatE||31|| +

yathA sarvagataM saukSmyAdAkAzaM nOpalipyatE| sarvatrAvasthitO dEhE tathA''tmA nOpalipyatE||32|| yathA sarvagataM saukSmyAt AkAzaM na upalipyatE| sarvatrAvasthitaH dEhE tathA AtmA na upalipyatE||32|| +

yathA prakAzayatyEkaH kRtsnaM lOkamimaM raviH| kSEtraM kSEtrI tathA kRtsnaM prakAzayati bhArata||33|| yathA prakAzayati EkaH kRtsnaM lOkam imaM raviH| kSEtraM kSEtrI tathA kRtsnaM prakAzayati bhArata||33|| +

kSEtrakSEtrajJayOrEvam antaraM jJAnacakSuSA| bhUtaprakRtimOkSaM ca yE viduryAnti tE param||34|| kSEtrakSEtrajJayOH Evam antaraM jJAnacakSuSA| bhUtaprakRtimOkSaM ca yE viduH yAnti tE param||34|| +

||OM tatsaditi zrImadbhagavadgItAsUpaniSatsu brahmavidyAyAM yOgazAstrE zrIkRSNArjunasaMvAdE kSEtrakSEtrajJavibhAgayOgO nAma trayOdazO'dhyAyaH||