From StotraSamhita

||caturdazO'dhyAyaH - guNatraya-vibhAga-yOgaH||

zrIbhagavAnuvAca

paraM bhUyaH pravakSyAmi jJAnAnAM jJAnamuttamam| yajjJAtvA munayaH sarvE parAM siddhimitO gatAH||1|| paraM bhUyaH pravakSyAmi jJAnAnAM jJAnam uttamam| yat jJAtvA munayaH sarvE parAM siddhim itaH gatAH||1|| +

idaM jJAnamupAzritya mama sAdharmyamAgatAH| sargE'pi nOpajAyantE pralayE na vyathanti ca||2|| idaM jJAnam upAzritya mama sAdharmyam AgatAH| sargE api na upajAyantE pralayE na vyathanti ca||2|| +

mama yOnirmahad-brahma tasmingarbhaM dadhAmyaham| sambhavaH sarvabhUtAnAM tatO bhavati bhArata||3|| mama yOniH mahat brahma tasmin garbhaM dadhAmi aham| sambhavaH sarvabhUtAnAM tataH bhavati bhArata||3|| +

sarvayOniSu kauntEya mUrtayaH sambhavanti yAH| tAsAM brahma mahadyOnirahaM bIjapradaH pitA||4|| sarvayOniSu kauntEya mUrtayaH sambhavanti yAH| tAsAM brahma mahat yOniH ahaM bIjapradaH pitA||4|| +

sattvaM rajastama iti guNAH prakRtisambhavAH| nibadhnanti mahAbAhO dEhE dEhinamavyayam||5|| sattvaM rajaH tamaH iti guNAH prakRtisambhavAH| nibadhnanti mahAbAhO dEhE dEhinam avyayam||5|| +

tatra sattvaM nirmalatvAt prakAzakamanAmayam| sukhasaGgEna badhnAti jJAnasaGgEna cAnagha||6|| tatra sattvaM nirmalatvAt prakAzakam anAmayam| sukhasaGgEna badhnAti jJAnasaGgEna ca anagha||6|| +

rajO rAgAtmakaM viddhi tRSNAsaGgasamudbhavam| tannibadhnAti kauntEya karmasaGgEna dEhinam||7|| rajaH rAgAtmakaM viddhi tRSNAsaGgasamudbhavam| tat nibadhnAti kauntEya karmasaGgEna dEhinam||7|| +

tamastvajJAnajaM viddhi mOhanaM sarvadEhinAm| pramAdAlasyanidrAbhistannibadhnAti bhArata||8|| tamaH tu ajJAnajaM viddhi mOhanaM sarvadEhinAm| pramAdAlasyanidrAbhiH tat nibadhnAti bhArata||8|| +

sattvaM sukhE saJjayati rajaH karmaNi bhArata| jJAnamAvRtya tu tamaH pramAdE saJjayatyuta||9|| sattvaM sukhE saJjayati rajaH karmaNi bhArata| jJAnam AvRtya tu tamaH pramAdE saJjayati uta||9|| +

rajastamazcAbhibhUya sattvaM bhavati bhArata| rajaH sattvaM tamazcaiva tamaH sattvaM rajastathA||10|| rajaH tamaH ca abhibhUya sattvaM bhavati bhArata| rajaH sattvaM tamaH ca Eva tamaH sattvaM rajaH tathA||10|| +

sarvadvArESu dEhE'smin prakAza upajAyatE| jJAnaM yadA tadA vidyAdvivRddhaM sattvamityuta||11|| sarvadvArESu dEhE asmin prakAzaH upajAyatE| jJAnaM yadA tadA vidyAt vivRddhaM sattvam iti uta||11|| +

lObhaH pravRttirArambhaH karmaNAmazamaH spRhA| rajasyEtAni jAyantE vivRddhE bharatarSabha||12|| lObhaH pravRttiH ArambhaH karmaNAm azamaH spRhA| rajasi EtAni jAyantE vivRddhE bharatarSabha||12|| +

aprakAzO'pravRttizca pramAdO mOha Eva ca| tamasyEtAni jAyantE vivRddhE kurunandana||13|| aprakAzaH apravRttiH ca pramAdaH mOhaH Eva ca| tamasi EtAni jAyantE vivRddhE kurunandana||13|| +

yadA sattvE pravRddhE tu pralayaM yAti dEhabhRt| tadOttamavidAM lOkAnamalAn pratipadyatE||14|| yadA sattvE pravRddhE tu pralayaM yAti dEhabhRt| tadA uttamavidAM lOkAn amalAn pratipadyatE||14|| +

rajasi pralayaM gatvA karmasaGgiSu jAyatE| tathA pralInastamasi mUDhayOniSu jAyatE||15|| rajasi pralayaM gatvA karmasaGgiSu jAyatE| tathA pralInaH tamasi mUDhayOniSu jAyatE||15|| +

karmaNaH sukRtasya''huH sAttvikaM nirmalaM phalam| rajasastu phalaM duHkhamajJAnaM tamasaH phalam||16|| karmaNaH sukRtasya AhuH sAttvikaM nirmalaM phalam| rajasaH tu phalaM duHkham ajJAnaM tamasaH phalam||16|| +

sattvAtsaJjAyatE jJAnaM rajasO lObha Eva ca| pramAdamOhau tamasO bhavatO'jJAnamEva ca||17|| sattvAt saJjAyatE jJAnaM rajasaH lObhaH Eva ca| pramAdamOhau tamasaH bhavataH ajJAnam Eva ca||17|| +

UrdhvaM gacchanti sattvasthA madhyE tiSThanti rAjasAH| jaghanyaguNavRttisthA adhO gacchanti tAmasAH||18|| UrdhvaM gacchanti sattvasthAH madhyE tiSThanti rAjasAH| jaghanyaguNavRttisthAH adhaH gacchanti tAmasAH||18|| +

nAnyaM guNEbhyaH kartAraM yadA draSTA'nupazyati| guNEbhyazca paraM vEtti madbhAvaM sO'dhigacchati||19|| na anyaM guNEbhyaH kartAraM yadA draSTA anupazyati| guNEbhyaH ca paraM vEtti madbhAvaM saH adhigacchati||19|| +

guNAnEtAnatItya trIn dEhI dEhasamudbhavAn| janmamRtyujarAduHkhairvimuktO'mRtamaznutE||20|| guNAn EtAn atItya trIn dEhI dEhasamudbhavAn| janmamRtyujarAduHkhaiH vimuktaH amRtam aznutE||20|| +

arjuna uvAca

kairliGgaistrIn guNAnEtAnatItO bhavati prabhO| kimAcAraH kathaM caitAMstrIn guNAnativartatE||21|| kaiH liGgaiH trIn guNAn EtAn atItaH bhavati prabhO| kim AcAraH kathaM ca EtAn trIn guNAn ativartatE||21|| +

zrIbhagavAnuvAca

prakAzaM ca pravRttiM ca mOhamEva ca pANDava| ta dvESTi sampravRttAni na nivRttAni kAGkSati||22|| prakAzaM ca pravRttiM ca mOham Eva ca pANDava| na dvESTi sampravRttAni na nivRttAni kAGkSati||22|| +

udAsInavadAsInO guNairyO na vicAlyatE| guNA vartanta ityEva yO'vatiSThati nEGgatE||23|| udAsInavat AsInaH guNaiH yaH na vicAlyatE| guNAH vartantE iti EvaM yaH avatiSThati na iGgatE||23|| +

samaduHkhasukhaH svasthaH samalOSTAzmakAJcanaH| tulyapriyApriyO dhIrastulyanindAtmasaMstutiH||24|| samaduHkhasukhaH svasthaH samalOSTAzmakAJcanaH| tulyapriyApriyaH dhIraH tulyanindAtmasaMstutiH||24|| +

mAnApamAnayOstulyastulyO mitrAripakSayOH| sarvArambhaparityAgI guNAtItaH sa ucyatE||25|| mAnApamAnayOH tulyaH tulyaH mitrAripakSayOH| sarvArambhaparityAgI guNAtItaH saH ucyatE||25|| +

mAM ca yO'vyabhicArENa bhaktiyOgEna sEvatE| sa guNAn samatItyaitAn brahmabhUyAya kalpatE||26|| mAM ca yaH avyabhicArENa bhaktiyOgEna sEvatE| saH guNAn samatItya EtAn brahmabhUyAya kalpatE||26|| +

brahmaNO hi pratiSThA'hamamRtasyAvyayasya ca| zAzvatasya ca dharmasya sukhasyaikAntikasya ca||27|| brahmaNaH hi pratiSThA aham amRtasya avyayasya ca| zAzvatasya ca dharmasya sukhasya EkAntikasya ca||27|| +

||OM tatsaditi zrImadbhagavadgItAsUpaniSatsu brahmavidyAyAM yOgazAstrE zrIkRSNArjunasaMvAdE guNatrayavibhAgayOgO nAma caturdazO'dhyAyaH||