From StotraSamhita

||SODazO'dhyAyaH - daivAsurasampad-vibhAga-yOgaH||

zrIbhagavAnuvAca

abhayaM sattvasaMzuddhirjJAnayOgavyavasthitiH| dAnaM damazca yajJazca svAdhyAyastapa Arjavam||1|| abhayaM sattvasaMzuddhiH jJAnayOgavyavasthitiH| dAnaM damaH ca yajJaH ca svAdhyAyaH tapaH Arjavam||1|| +

ahiMsA satyamakrOdhastyAgaH zAntirapaizunam| dayA bhUtESvalOluptvaM mArdavaM hrIracApalam||2|| ahiMsA satyam akrOdhaH tyAgaH zAntiH apaizunam| dayA bhUtESu alOluptvaM mArdavaM hrIH acApalam||2|| +

tEjaH kSamA dhRtiH zaucamadrOhO nAtimAnitA| bhavanti sampadaM daivImabhijAtasya bhArata||3|| tEjaH kSamA dhRtiH zaucam adrOhaH na atimAnitA| bhavanti sampadaM daivIm abhijAtasya bhArata||3|| +

dambhO darpO'bhimAnazca krOdhaH pAruSyamEva ca| ajJAnaM cAbhijAtasya pArtha sampadamAsurIm||4|| dambhaH darpaH abhimAnaH ca krOdhaH pAruSyam Eva ca| ajJAnaM ca abhijAtasya pArtha sampadam AsurIm||4|| +

daivI sampadvimOkSAya nibandhAya''surI matA| mA zucaH sampadaM daivImabhijAtO'si pANDava||5|| daivI sampat vimOkSAya nibandhAya AsurI matA| mA zucaH sampadaM daivIm abhijAtaH asi pANDava||5|| +

dvau bhUtasargau lOkE'smin daiva Asura Eva ca| daivO vistarazaH prOkta AsuraM pArtha mE zRNu||6|| dvau bhUtasargau lOkE asmin daivaH AsuraH Eva ca| daivaH vistarazaH prOktaH AsuraM pArtha mE zRNu||6|| +

pravRttiM ca nivRttiM ca janA na vidurAsurAH| na zaucaM nApi ca''cArO na satyaM tESu vidyatE||7|| pravRttiM ca nivRttiM ca janAH na viduH AsurAH| na zaucaM na api ca AcAraH na satyaM tESu vidyatE||7|| +

asatyamapratiSThaM tE jagadAhuranIzvaram| aparasparasambhUtaM kimanyat kAmahaitukam||8|| asatyam apratiSThaM tE jagat AhuH anIzvaram| aparasparasambhUtaM kim anyat kAmahaitukam||8|| +

EtAM dRSTimavaSTabhya naSTAtmAnO'lpabuddhayaH| prabhavantyugrakarmANaH kSayAya jagatO'hitAH||9|| EtAM dRSTim avaSTabhya naSTAtmAnaH alpabuddhayaH| prabhavanti ugrakarmANaH kSayAya jagataH ahitAH||9|| +

kAmamAzritya duSpUraM dambhamAnamadAnvitAH| mOhAdgRhItvA'sadgrAhAn pravartantE'zucivratAH||10|| kAmam Azritya duSpUraM dambhamAnamadAnvitAH| mOhAt gRhItvA asat grAhAn pravartantE azucivratAH||10|| +

cintAmaparimEyAM ca pralayAntAmupAzritAH| kAmOpabhOgaparamA EtAvaditi nizcitAH||11|| cintAm aparimEyAM ca pralayAntAm upAzritAH| kAmOpabhOgaparamAH EtAvat iti nizcitAH||11|| +

AzApAzazatairbaddhAH kAmakrOdhaparAyaNAH| IhantE kAmabhOgArtham anyAyEnArthasaJcayAn||12|| AzApAzazataiH baddhAH kAmakrOdhaparAyaNAH| IhantE kAmabhOgArtham anyAyEna arthasaJcayAn||12|| +

idamadya mayA labdhamimaM prApsyE manOratham| idamastIdamapi mE bhaviSyati punardhanam||13|| idam adya mayA labdham imaM prApsyE manOratham| idam asti idam api mE bhaviSyati punaH dhanam||13|| +

asau mayA hataH zatrurhaniSyE cAparAnapi| IzvarO'hamahaM bhOgI siddhO'haM balavAn sukhI||14|| asau mayA hataH zatruH haniSyE ca aparAn api| IzvaraH aham ahaM bhOgI siddhaH ahaM balavAn sukhI||14|| +

ADhyO'bhijanavAnasmi kO'nyOsti sadRzO mayA| yakSyE dAsyAmi mOdiSya ityajJAnavimOhitAH||15|| ADhyaH abhijanavAn asmi kaH anyaH asti sadRzaH mayA| yakSyE dAsyAmi mOdiSyE iti ajJAnavimOhitAH||15|| +

anEkacittavibhrAntA mOhajAlasamAvRtAH| prasaktAH kAmabhOgESu patanti narakE'zucau||16|| anEkacittavibhrAntAH mOhajAlasamAvRtAH| prasaktAH kAmabhOgESu patanti narakE azucau||16|| +

AtmasambhAvitAH stabdhA dhanamAnamadAnvitAH| yajantE nAmayajJaistE dambhEnAvidhipUrvakam||17|| AtmasambhAvitAH stabdhAH dhanamAnamadAnvitAH| yajantE nAmayajJaiH tE dambhEna avidhipUrvakam||17|| +

ahaGkAraM balaM darpaM kAmaM krOdhaM ca saMzritAH| mAmAtmaparadEhESu pradviSantO'bhyasUyakAH||18|| ahaGkAraM balaM darpaM kAmaM krOdhaM ca saMzritAH| mAm AtmaparadEhESu pradviSantaH abhyasUyakAH||18|| +

tAnahaM dviSataH krUrAn saMsArESu narAdhamAn| kSipAmyajasramazubhAn AsurISvEva yOniSu||19|| tAn ahaM dviSataH krUrAn saMsArESu narAdhamAn| kSipAmi ajasram azubhAn AsurISu Eva yOniSu||19|| +

AsurIM yOnimApannA mUDhA janmani janmani| mAmaprApyaiva kauntEya tatO yAntyadhamAM gatim||20|| AsurIM yOnim ApannAH mUDhAH janmani janmani| mAm aprApya Eva kauntEya tataH yAnti adhamAM gatim||20|| +

trividhaM narakasyEdaM dvAraM nAzanamAtmanaH| kAmaH krOdhastathA lObhastasmAdEtattrayaM tyajEt||21|| trividhaM narakasya idaM dvAraM nAzanam AtmanaH| kAmaH krOdhaH tathA lObhaH tasmAt Etat trayaM tyajEt||21|| +

EtairvimuktaH kauntEya tamOdvAraistribhirnaraH| AcaratyAtmanaH zrEyastatO yAti parAM gatim||22|| EtaiH vimuktaH kauntEya tamOdvAraiH tribhiH naraH| Acarati AtmanaH zrEyaH tataH yAti parAM gatim||22|| +

yaH zAstravidhimutsRjya vartatE kAmakArataH| na sa siddhimavApnOti na sukhaM na parAM gatim||23|| yaH zAstravidhim utsRjya vartatE kAmakArataH| na saH siddhim avApnOti na sukhaM na parAM gatim||23|| +

tasmAcchAstraM pramANaM tE kAryAkAryavyavasthitau| jJAtvA zAstravidhAnOktaM karma kartumihArhasi||24|| tasmAt zAstraM pramANaM tE kAryAkAryavyavasthitau| jJAtvA zAstravidhAnOktaM karma kartum iha arhasi||24|| +

||OM tatsaditi zrImadbhagavadgItAsUpaniSatsu brahmavidyAyAM yOgazAstrE zrIkRSNArjunasaMvAdE daivAsurasampadvibhAgayOgO nAma SODazO'dhyAyaH||