From StotraSamhita

||saptadazO'dhyAyaH - zraddhAtraya-vibhAga-yOgaH||

arjuna uvAca

yE zAstravidhimutsRjya yajantE zraddhayA'nvitAH| tESAM niSThA tu kA kRSNa sattvamAhO rajastamaH||1|| yE zAstravidhim utsRjya yajantE zraddhayA anvitAH| tESAM niSThA tu kA kRSNa sattvam AhO rajaH tamaH||1|| +

zrIbhagavAnuvAca

trividhA bhavati zraddhA dEhinAM sA svabhAvajA| sAttvikI rAjasI caiva tAmasI cEti tAM zRNu||2|| trividhA bhavati zraddhA dEhinAM sA svabhAvajA| sAttvikI rAjasI ca Eva tAmasI ca iti tAM zRNu||2|| +

sattvAnurUpA sarvasya zraddhA bhavati bhArata| zraddhAmayO'yaM puruSO yO yacchraddhaH sa Eva saH||3|| sattvAnurUpA sarvasya zraddhA bhavati bhArata| zraddhAmayaH ayaM puruSaH yaH yat zraddhaH saH Eva saH||3|| +

yajantE sAttvikA dEvAn yakSarakSAMsi rAjasAH| prEtAn bhUtagaNAMzcAnyE yajantE tAmasA janAH||4|| yajantE sAttvikAH dEvAn yakSarakSAMsi rAjasAH| prEtAn bhUtagaNAn ca anyE yajantE tAmasAH janAH||4|| +

azAstravihitaM ghOraM tapyantE yE tapO janAH| dambhAhaGkArasaMyuktAH kAmarAgabalAnvitAH||5|| azAstravihitaM ghOraM tapyantE yE tapaH janAH| dambhAhaGkArasaMyuktAH kAmarAgabalAnvitAH||5|| +

karzayantaH zarIrasthaM bhUtagrAmamacEtasaH| mAM caivAntaHzarIrasthaM tAn viddhyAsuranizcayAn||6|| karSayantaH zarIrasthaM bhUtagrAmam acEtasaH| mAM ca Eva antaHzarIrasthaM tAn viddhi AsuranizcayAn||6|| +

AhArastvapi sarvasya trividhO bhavati priyaH| yajJastapastathA dAnaM tESAM bhEdamimaM zRNu||7|| AhAraH tu api sarvasya trividhaH bhavati priyaH| yajJaH tapaH tathA dAnaM tESAM bhEdam imaM zRNu||7|| +

AyuHsattvabalArOgyasukhaprItivivardhanAH| rasyAH snigdhAH sthirA hRdyA AhArAH sAttvikapriyAH||8|| AyuHsattvabalArOgyasukhaprItivivardhanAH| rasyAH snigdhAH sthirAH hRdyAH AhArAH sAttvikapriyAH||8|| +

kaTvamlalavaNAtyuSNatIkSNarUkSavidAhinaH| AhArA rAjasasyESTA duHkhazOkAmayapradAH||9|| kaTvamlalavaNAtyuSNatIkSNarUkSavidAhinaH| AhArAH rAjasasya iSTAH duHkhazOkAmayapradAH||9|| +

yAtayAmaM gatarasaM pUti paryuSitaM ca yat| ucchiSTamapi cAmEdhyaM bhOjanaM tAmasapriyam||10|| yAtayAmaM gatarasaM pUti paryuSitaM ca yat| ucchiSTam api ca amEdhyaM bhOjanaM tAmasapriyam||10|| +

aphalAkAGkSibhiryajJO vidhidRSTO ya ijyatE| yaSTavyamEvEti manaH samAdhAya sa sAttvikaH||11|| aphalAkAGkSibhiH yajJaH vidhidRSTaH yaH ijyatE| yaSTavyam Eva iti manaH samAdhAya saH sAttvikaH||11|| +

abhisandhAya tu phalaM dambhArthamapi caiva yat| ijyatE bharatazrESTha taM yajJaM viddhi rAjasam||12|| abhisandhAya tu phalaM dambhArtham api ca Eva yat| ijyatE bharatazrESTha taM yajJaM viddhi rAjasam||12|| +

vidhihInamasRSTAnnaM mantrahInamadakSiNam| zraddhAvirahitaM yajJaM tAmasaM paricakSatE||13|| vidhihInam asRSTAnnaM mantrahInam adakSiNam| zraddhAvirahitaM yajJaM tAmasaM paricakSatE||13|| +

dEvadvijaguruprAjJapUjanaM zaucamArjavam| brahmacaryamahiMsA ca zArIraM tapa ucyatE||14|| dEvadvijaguruprAjJapUjanaM zaucam Arjavam| brahmacaryam ahiMsA ca zArIraM tapaH ucyatE||14|| +

anudvEgakaraM vAkyaM satyaM priyahitaM ca yat| svAdhyAyAbhyasanaM caiva vAGmayaM tapa ucyatE||15|| anudvEgakaraM vAkyaM satyaM priyahitaM ca yat| svAdhyAyAbhyasanaM ca Eva vAGmayaM tapaH ucyatE||15|| +

manaH prasAdaH saumyatvaM maunamAtmavinigrahaH| bhAvasaMzuddhirityEtat tapO mAnasamucyatE||16|| manaH prasAdaH saumyatvaM maunam AtmavinigrahaH| bhAvasaMzuddhiH iti Etat tapaH mAnasam ucyatE||16|| +

zraddhayA parayA taptaM tapastat trividhaM naraiH| aphalAkAGkSibhiryuktaiH sAttvikaM paricakSatE||17|| zraddhayA parayA taptaM tapaH tat trividhaM naraiH| aphalAkAGkSibhiH yuktaiH sAttvikaM paricakSatE||17|| +

satkAramAnapUjArthaM tapO dambhEna caiva yat| kriyatE tadiha prOktaM rAjasaM calamadhruvam||18|| satkAramAnapUjArthaM tapaH dambhEna ca Eva yat| kriyatE tat iha prOktaM rAjasaM calam adhruvam||18|| +

mUDhagrAhENa''tmanO yat pIDayA kriyatE tapaH| parasyOtsAdanArthaM vA tattAmasamudAhRtam||19|| mUDhagrAhENa AtmanaH yat pIDayA kriyatE tapaH| parasya utsAdanArthaM vA tat tAmasam udAhRtam||19|| +

dAtavyamiti yaddAnaM dIyatE'nupakAriNE| dEzE kAlE ca pAtrE ca taddAnaM sAttvikaM smRtam||20|| dAtavyam iti yat dAnaM dIyatE anupakAriNE| dEzE kAlE ca pAtrE ca tat dAnaM sAttvikaM smRtam||20|| +

yattu pratyupakArArthaM phalamuddizya vA punaH| dIyatE ca parikliSTaM taddAnaM rAjasaM smRtam||21|| yat tu pratyupakArArthaM phalam uddizya vA punaH| dIyatE ca parikliSTaM tat dAnaM rAjasaM smRtam||21|| +

adEzakAlE yaddAnam apAtrEbhyazca dIyatE| asatkRtamavajJAtaM tattAmasamudAhRtam||22|| adEzakAlE yat dAnam apAtrEbhyaH ca dIyatE| asatkRtam avajJAtaM tat tAmasam udAhRtam||22|| +

OM tatsaditi nirdEzO brahmaNastrividhaH smRtaH| brAhmaNAstEna vEdAzca yajJAzca vihitAH purA||23|| OM tat sat iti nirdEzaH brahmaNaH trividhaH smRtaH| brAhmaNAH tEna vEdAH ca yajJAH ca vihitAH purA||23|| +

tasmAdOmityudAhRtya yajJadAnatapaHkriyAH| pravartantE vidhAnOktAH satataM brahmavAdinAm||24|| tasmAt Om iti udAhRtya yajJadAnatapaHkriyAH| pravartantE vidhAnOktAH satataM brahmavAdinAm||24|| +

tadityanabhisandhAya phalaM yajJatapaHkriyAH| dAnakriyAzca vividhAH kriyantE mOkSakAGkSibhiH||25|| tat iti anabhisandhAya phalaM yajJatapaHkriyAH| dAnakriyAH ca vividhAH kriyantE mOkSakAGkSibhiH||25|| +

sadbhAvE sAdhubhAvE ca sadityEtat prayujyatE| prazastE karmaNi tathA sacchabdaH pArtha yujyatE||26|| sadbhAvE sAdhubhAvE ca sat iti Etat prayujyatE| prazastE karmaNi tathA sat zabdaH pArtha yujyatE||26|| +

yajJE tapasi dAnE ca sthitiH saditi cOcyatE| karma caiva tadarthIyaM sadityEvAbhidhIyatE||27|| yajJE tapasi dAnE ca sthitiH sat iti ca ucyatE| karma ca Eva tadarthIyaM sat iti Eva abhidhIyatE||27|| +

azraddhayA hutaM dattaM tapastaptaM kRtaM ca yat| asadityucyatE pArtha na ca tat prEtya nO iha||28|| azraddhayA hutaM dattaM tapaH taptaM kRtaM ca yat| asat iti ucyatE pArtha na ca tat prEtya na u iha||28|| +

||OM tatsaditi zrImadbhagavadgItAsUpaniSatsu brahmavidyAyAM yOgazAstrE zrIkRSNArjunasaMvAdE zraddhAtrayavibhAgayOgO nAma saptadazO'dhyAyaH||