From StotraSamhita

||aSTAdazO'dhyAyaH - mOkSa-sannyAsa-yOgaH||

arjuna uvAca

sannyAsasya mahAbAhO tattvamicchAmi vEditum| tyAgasya ca hRSIkEza pRthakkEziniSUdana||1|| sannyAsasya mahAbAhO tattvam icchAmi vEditum| tyAgasya ca hRSIkEza pRthak kEziniSUdana||1|| +

zrIbhagavAnuvAca

kAmyAnAM karmaNAM nyAsaM sannyAsaM kavayO viduH| sarvakarmaphalatyAgaM prAhustyAgaM vicakSaNAH||2|| kAmyAnAM karmaNAM nyAsaM sannyAsaM kavayaH viduH| sarvakarmaphalatyAgaM prAhuH tyAgaM vicakSaNAH||2|| +

tyAjyaM dOSavadityEkE karma prAhurmanISiNaH| yajJadAnatapaHkarma na tyAjyamiti cAparE||3|| tyAjyaM dOSavat iti EkE karma prAhuH manISiNaH| yajJadAnatapaHkarma na tyAjyam iti ca aparE||3|| +

nizcayaM zRNu mE tatra tyAgE bharatasattama| tyAgO hi puruSavyAghra trividhaH samprakIrtitaH||4|| nizcayaM zRNu mE tatra tyAgE bharatasattama| tyAgaH hi puruSavyAghra trividhaH samprakIrtitaH||4|| +

yajJadAnatapaHkarma na tyAjyaM kAryamEva tat| yajJO dAnaM tapazcaiva pAvanAni manISiNAm||5|| yajJadAnatapaHkarma na tyAjyaM kAryam Eva tat| yajJaH dAnaM tapaH ca Eva pAvanAni manISiNAm||5|| +

EtAnyapi tu karmANi saGgaM tyaktvA phalAni ca| kartavyAnIti mE pArtha nizcitaM matamuttamam||6|| EtAni api tu karmANi saGgaM tyaktvA phalAni ca| kartavyAni iti mE pArtha nizcitaM matam uttamam||6|| +

niyatasya tu sannyAsaH karmaNO nOpapadyatE| mOhAttasya parityAgastAmasaH parikIrtitaH||7|| niyatasya tu sannyAsaH karmaNaH na upapadyatE| mOhAt tasya parityAgaH tAmasaH parikIrtitaH||7|| +

duHkhamityEva yatkarma kAyaklEzabhayAt tyajEt| sa kRtvA rAjasaM tyAgaM naiva tyAgaphalaM labhEt||8|| duHkham iti Eva yat karma kAyaklEzabhayAt tyajEt| saH kRtvA rAjasaM tyAgaM na Eva tyAgaphalaM labhEt||8|| +

kAryamityEva yatkarma niyataM kriyatE'rjuna| saGgaM tyaktvA phalaM caiva sa tyAgaH sAttvikO mataH||9|| kAryam iti Eva yat karma niyataM kriyatE arjuna| saGgaM tyaktvA phalaM ca Eva saH tyAgaH sAttvikaH mataH||9|| +

na dvESTyakuzalaM karma kuzalE nAnuSajjatE| tyAgI sattvasamAviSTO mEdhAvI chinnasaMzayaH||10|| na dvESTi akuzalaM karma kuzalE na anuSajjatE| tyAgI sattvasamAviSTaH mEdhAvI chinnasaMzayaH||10|| +

na hi dEhabhRtA zakyaM tyaktuM karmANyazESataH| yastu karmaphalatyAgI sa tyAgItyabhidhIyatE||11|| na hi dEhabhRtA zakyaM tyaktuM karmANi azESataH| yaH tu karmaphalatyAgI saH tyAgI iti abhidhIyatE||11|| +

aniSTamiSTaM mizraM ca trividhaM karmaNaH phalam| bhavatyatyAginAM prEtya na tu sannyAsinAM kvacit||12|| aniSTam iSTaM mizraM ca trividhaM karmaNaH phalam| bhavati atyAginAM prEtya na tu sannyAsinAM kvacit||12|| +

paJcaitAni mahAbAhO kAraNAni nibOdha mE| sAGkhyE kRtAntE prOktAni siddhayE sarvakarmaNAm||13|| paJca EtAni mahAbAhO kAraNAni nibOdha mE| sAGkhyE kRtAntE prOktAni siddhayE sarvakarmaNAm||13|| +

adhiSThAnaM tathA kartA karaNaM ca pRthagvidham| vividhAzca pRthakcESTA daivaM caivAtra paJcamam||14|| adhiSThAnaM tathA kartA karaNaM ca pRthagvidham| vividhAH ca pRthak cESTAH daivaM ca Eva atra paJcamam||14|| +

zarIravAGmanObhiryat karma prArabhatE naraH| nyAyyaM vA viparItaM vA paJcaitE tasya hEtavaH||15|| zarIravAGmanObhiH yat karma prArabhatE naraH| nyAyyaM vA viparItaM vA paJca EtE tasya hEtavaH||15|| +

tatraivaM sati kartAramAtmAnaM kEvalaM tu yaH| pazyatyakRtabuddhitvAnna sa pazyati durmatiH||16|| tatra EvaM sati kartAram AtmAnaM kEvalaM tu yaH| pazyati akRtabuddhitvAt na saH pazyati durmatiH||16|| +

yasya nAhaM kRtO bhAvO buddhiryasya na lipyatE| hatvA'pi sa imA^llOkAnna hanti na nibadhyatE||17|| yasya na ahaGkRtaH bhAvaH buddhiH yasya na lipyatE| hatvA api saH imAn lOkAn na hanti na nibadhyatE||17|| +

jJAnaM jJEyaM parijJAtA trividhA karmacOdanA| karaNaM karma kartEti trividhaH karmasaGgrahaH||18|| jJAnaM jJEyaM parijJAtA trividhA karmacOdanA| karaNaM karma kartA iti trividhaH karmasaGgrahaH||18|| +

jJAnaM karma ca kartA ca tridhaiva guNabhEdataH| prOcyatE guNasaGkhyAnE yathAvacchRNu tAnyapi||19|| jJAnaM karma ca kartA ca tridhA Eva guNabhEdataH| prOcyatE guNasaGkhyAnE yathAvat zRNu tAni api||19|| +

sarvabhUtESu yEnaikaM bhAvamavyayamIkSatE| avibhaktaM vibhaktESu tajjJAnaM viddhi sAttvikam||20|| sarvabhUtESu yEna EkaM bhAvam avyayam IkSatE| avibhaktaM vibhaktESu tat jJAnaM viddhi sAttvikam||20|| +

pRthaktvEna tu yajjJAnaM nAnAbhAvAn pRthagvidhAn| vEtti sarvESu bhUtESu tajjJAnaM viddhi rAjasam||21|| pRthaktvEna tu yat jJAnaM nAnAbhAvAn pRthagvidhAn| vEtti sarvESu bhUtESu tat jJAnaM viddhi rAjasam||21|| +

yattu kRtsnavadEkasmin kAryE saktamahaitukam| atattvArthavadalpaM ca tattAmasamudAhRtam||22|| yat tu kRtsnavat Ekasmin kAryE saktam ahaitukam| atattvArthavat alpaM ca tat tAmasam udAhRtam||22|| +

niyataM saGgarahitamarAgadvESataH kRtam| aphalaprEpsunA karma yattatsAttvikamucyatE||23|| niyataM saGgarahitam arAgadvESataH kRtam| aphalaprEpsunA karma yat tat sAttvikam ucyatE||23|| +

yattu kAmEpsunA karma sAhaGkArENa vA punaH| kriyatE bahulAyAsaM tadrAjasamudAhRtam||24|| yat tu kAmEpsunA karma sAhaGkArENa vA punaH| kriyatE bahula AyAsaM tat rAjasam udAhRtam||24|| +

anubandhaM kSayaM hiMsAmanapEkSya ca pauruSam| mOhAdArabhyatE karma yattattAmasamucyatE||25|| anubandhaM kSayaM hiMsAm anapEkSya ca pauruSam| mOhAt ArabhyatE karma yat tat tAmasam ucyatE||25|| +

muktasaGgO'nahaMvAdI dhRtyutsAhasamanvitaH| siddhyasiddhyOrnirvikAraH kartA sAttvika ucyatE||26|| muktasaGgaH anahaMvAdI dhRtyutsAhasamanvitaH| siddhyasiddhyOH nirvikAraH kartA sAttvikaH ucyatE||26|| +

rAgI karmaphalaprEpsurlubdhO hiMsAtmakO'zuciH| harSazOkAnvitaH kartA rAjasaH parikIrtitaH||27|| rAgI karmaphalaprEpsuH lubdhaH hiMsAtmakaH azuciH| harSazOkAnvitaH kartA rAjasaH parikIrtitaH||27|| +

ayuktaH prAkRtaH stabdhaH zaThO naiSkRtikO'lasaH| viSAdI dIrghasUtrI ca kartA tAmasa ucyatE||28|| ayuktaH prAkRtaH stabdhaH zaThaH naiSkRtikaH alasaH| viSAdI dIrghasUtrI ca kartA tAmasaH ucyatE||28|| +

buddhErbhEdaM dhRtEzcaiva guNatastrividhaM zRNu| prOcyamAnamazESENa pRthaktvEna dhanaJjaya||29|| buddhEH bhEdaM dhRtEH ca Eva guNataH trividhaM zRNu| prOcyamAnam azESENa pRthaktvEna dhanaJjaya||29|| +

pravRttiM ca nivRttiM ca kAryAkAryE bhayAbhayE| bandhaM mOkSaM ca yA vEtti buddhiH sA pArtha sAttvikI||30||

yayA dharmamadharmaM ca kAryaM cAkAryamEva ca| ayathAvat prajAnAti buddhiH sA pArtha rAjasI||31|| yayA dharmam adharmaM ca kAryaM ca akAryam Eva ca| ayathAvat prajAnAti buddhiH sA pArtha rAjasI||31|| +

adharmaM dharmamiti yA manyatE tamasA'vRtA| sarvArthAn viparItAMzca buddhiH sA pArtha tAmasI||32|| adharmaM dharmam iti yA manyatE tamasA AvRtA| sarvArthAn viparItAn ca buddhiH sA pArtha tAmasI||32|| +

dhRtyA yayA dhArayatE manaHprANEndriyakriyAH| yOgEnAvyabhicAriNyA dhRtiH sA pArtha sAttvikI||33|| dhRtyA yayA dhArayatE manaHprANEndriyakriyAH| yOgEna avyabhicAriNyA dhRtiH sA pArtha sAttvikI||33|| +

yayA tu dharmakAmArthAn dhRtyA dhArayatE'rjuna| prasaGgEna phalAkAGkSI dhRtiH sA pArtha rAjasI||34|| yayA tu dharmakAmArthAn dhRtyA dhArayatE arjuna| prasaGgEna phalAkAGkSI dhRtiH sA pArtha rAjasI||34|| +

yayA svapnaM bhayaM zOkaM viSAdaM madamEva ca| na vimuJcati durmEdhA dhRtiH sA pArtha tAmasI||35|| yayA svapnaM bhayaM zOkaM viSAdaM madam Eva ca| na vimuJcati durmEdhA dhRtiH sA pArtha tAmasI||35|| +

sukhaM tvidAnIM trividhaM zRNu mE bharatarSabha| abhyAsAdramatE yatra duHkhAntaM ca nigacchati||36|| sukhaM tu idAnIM trividhaM zRNu mE bharatarSabha| abhyAsAt ramatE yatra duHkhAntaM ca nigacchati||36|| +

yattadagrE viSamiva pariNAmE'mRtOpamam| tatsukhaM sAttvikaM prOktam AtmabuddhiprasAdajam||37|| yat tat agrE viSam iva pariNAmE amRtOpamam| tat sukhaM sAttvikaM prOktam AtmabuddhiprasAdajam||37|| +

viSayEndriyasaMyOgAd-yattadagrE'mRtOpamam| pariNAmE viSamiva tatsukhaM rAjasaM smRtam||38|| viSayEndriyasaMyOgAt yat tat agrE amRtOpamam| pariNAmE viSam iva tat sukhaM rAjasaM smRtam||38|| +

yadagrE cAnubandhE ca sukhaM mOhanamAtmanaH| nidrAlasyapramAdOtthaM tattAmasamudAhRtam||39|| yat agrE ca anubandhE ca sukhaM mOhanam AtmanaH| nidrAlasyapramAdOtthaM tat tAmasam udAhRtam||39|| +

na tadasti pRthivyAM vA divi dEvESu vA punaH| sattvaM prakRtijairmuktaM yadEbhiH syAt tribhirguNaiH||40|| na tat asti pRthivyAM vA divi dEvESu vA punaH| sattvaM prakRtijaiH muktaM yat EbhiH syAt tribhiH guNaiH||40|| +

brAhmaNakSatriyavizAM zUdrANAM ca parantapa| karmANi pravibhaktAni svabhAvaprabhavairguNaiH||41|| brAhmaNakSatriyavizAM zUdrANAM ca parantapa| karmANi pravibhaktAni svabhAvaprabhavaiH guNaiH||41|| +

zamO damastapaH zaucaM kSAntirArjavamEva ca| jJAnaM vijJAnamAstikyaM brahmakarma svabhAvajam||42|| zamaH damaH tapaH zaucaM kSAntiH Arjavam Eva ca| jJAnaM vijJAnam AstikyaM brahmakarma svabhAvajam||42|| +

zauryaM tEjO dhRtirdAkSyaM yuddhE cApyapalAyanam| dAnamIzvarabhAvazca kSAtraM karma svabhAvajam||43|| zauryaM tEjaH dhRtiH dAkSyaM yuddhE ca api apalAyanam| dAnam IzvarabhAvaH ca kSAtraM karma svabhAvajam||43|| +

kRSigaurakSyavANijyaM vaizyakarma svabhAvajam| paricaryAtmakaM karma zUdrasyApi svabhAvajam||44|| kRSigaurakSyavANijyaM vaizyakarma svabhAvajam| paricaryAtmakaM karma zUdrasya api svabhAvajam||44|| +

svE svE karmaNyabhirataH saMsiddhiM labhatE naraH| svakarmanirataH siddhiM yathA vindati tacchRNu||45|| svE svE karmaNi abhirataH saMsiddhiM labhatE naraH| svakarmanirataH siddhiM yathA vindati tat zRNu||45|| +

yataH pravRttirbhUtAnAM yEna sarvamidaM tatam| svakarmaNA tamabhyarcya siddhiM vindati mAnavaH||46|| yataH pravRttiH bhUtAnAM yEna sarvam idaM tatam| svakarmaNA tam abhyarcya siddhiM vindati mAnavaH||46|| +

zrEyAn svadharmO viguNaH paradharmAtsvanuSThitAt| svabhAvaniyataM karma kurvanna''pnOti kilbiSam||47|| zrEyAn svadharmaH viguNaH paradharmAt svanuSThitAt| svabhAvaniyataM karma kurvan na ApnOti kilbiSam||47|| +

sahajaM karma kauntEya sadOSamapi na tyajEt| sarvArambhA hi dOSENa dhUmEnAgniriva''vRtAH||48|| sahajaM karma kauntEya sadOSam api na tyajEt| sarvArambhAH hi dOSENa dhUmEna agniH iva AvRtAH||48|| +

asaktabuddhiH sarvatra jitAtmA vigataspRhaH| naiSkarmyasiddhiM paramAM sannyAsEnAdhigacchati||49|| asaktabuddhiH sarvatra jitAtmA vigataspRhaH| naiSkarmyasiddhiM paramAM sannyAsEna adhigacchati||49|| +

siddhiM prAptO yathA brahma tathA''pnOti nibOdha mE| samAsEnaiva kauntEya niSThA jJAnasya yA parA||50|| siddhiM prAptaH yathA brahma tathA ApnOti nibOdha mE| samAsEna Eva kauntEya niSThA jJAnasya yA parA||50|| +

buddhyA vizuddhayA yuktO dhRtyA''tmAnaM niyamya ca| zabdAdIn viSayAMstyaktvA rAgadvESau vyudasya ca||51|| buddhyA vizuddhayA yuktaH dhRtyA AtmAnaM niyamya ca| zabdAdIn viSayAn tyaktvA rAgadvESau vyudasya ca||51|| +

viviktasEvI laghvAzI yatavAkkAyamAnasaH| dhyAnayOgaparO nityaM vairAgyaM samupAzritaH||52|| viviktasEvI laghvAzI yatavAkkAyamAnasaH| dhyAnayOgaparaH nityaM vairAgyaM samupAzritaH||52|| +

ahaGkAraM balaM darpaM kAmaM krOdhaM parigraham| vimucya nirmamaH zAntO brahmabhUyAya kalpatE||53|| ahaGkAraM balaM darpaM kAmaM krOdhaM parigraham| vimucya nirmamaH zAntaH brahmabhUyAya kalpatE||53|| +

brahmabhUtaH prasannAtmA na zOcati na kAGkSati| samaH sarvESu bhUtESu madbhaktiM labhatE parAm||54||

bhaktyA mAmabhijAnAti yAvAn yazcAsmi tattvataH| tatO mAM tattvatO jJAtvA vizatE tadanantaram||55|| bhaktyA mAm abhijAnAti yAvAn yaH ca asmi tattvataH| tataH mAM tattvataH jJAtvA vizatE tat anantaram||55|| +

sarvakarmANyapi sadA kurvANO madvyapAzrayaH| matprasAdAdavApnOti zAzvataM padamavyayam||56|| sarvakarmANi api sadA kurvANaH madvyapAzrayaH| matprasAdAt avApnOti zAzvataM padam avyayam||56|| +

cEtasA sarvakarmANi mayi sannyasya matparaH| buddhiyOgamupAzritya maccittaH satataM bhava||57|| cEtasA sarvakarmANi mayi sannyasya matparaH| buddhiyOgam upAzritya maccittaH satataM bhava||57|| +

maccittaH sarvadurgANi matprasAdAt tariSyasi| atha cEttvamahaGkArAnna zrOSyasi vinaGkSyasi||58|| maccittaH sarvadurgANi matprasAdAt tariSyasi| atha cEt tvam ahaGkArAt na zrOSyasi vinaGkSyasi||58|| +

yadahaGkAramAzritya na yOtsya iti manyasE| mithyaiSa vyavasAyastE prakRtistvAM niyOkSyati||59|| yat ahaGkAram Azritya na yOtsyE iti manyasE| mithyA ESaH vyavasAyaH tE prakRtiH tvAM niyOkSyati||59|| +

svabhAvajEna kauntEya nibaddhaH svEna karmaNA| kartuM nEcchasi yanmOhAt kariSyasyavazO'pi tat||60|| svabhAvajEna kauntEya nibaddhaH svEna karmaNA| kartuM na icchasi yat mOhAt kariSyasi avazaH api tat||60|| +

IzvaraH sarvabhUtAnAM hRddEzE'rjuna tiSThati| bhrAmayan sarvabhUtAni yantrArUDhAni mAyayA||61|| IzvaraH sarvabhUtAnAM hRddEzE arjuna tiSThati| bhrAmayan sarvabhUtAni yantrArUDhAni mAyayA||61|| +

tamEva zaraNaM gaccha sarvabhAvEna bhArata| tatprasAdAtparAM zAntiM sthAnaM prApsyasi zAzvatam||62|| tam Eva zaraNaM gaccha sarvabhAvEna bhArata| tat prasAdAt parAM zAntiM sthAnaM prApsyasi zAzvatam||62|| +

iti tE jJAnamAkhyAtaM guhyAdguhyataraM mayA| vimRzyaitadazESENa yathEcchasi tathA kuru||63|| iti tE jJAnam AkhyAtaM guhyAt guhyataraM mayA| vimRzya Etat azESENa yathA icchasi tathA kuru||63|| +

sarvaguhyatamaM bhUyaH zRNu mE paramaM vacaH| iSTO'si mE dRDhamiti tatO vakSyAmi tE hitam||64|| sarvaguhyatamaM bhUyaH zRNu mE paramaM vacaH| iSTaH asi mE dRDham iti tataH vakSyAmi tE hitam||64|| +

manmanA bhava madbhaktO madyAjI mAM namaskuru| mAmEvaiSyasi satyaM tE pratijAnE priyO'si mE||65|| manmanAH bhava madbhaktaH madyAjI mAM namaskuru| mAm Eva ESyasi satyaM tE pratijAnE priyaH asi mE||65|| +

sarvadharmAn parityajya mAmEkaM zaraNaM vraja| ahaM tvA sarvapApEbhyO mOkSayiSyAmi mA zucaH||66|| sarvadharmAn parityajya mAm EkaM zaraNaM vraja| ahaM tvA sarvapApEbhyaH mOkSayiSyAmi mA zucaH||66|| +

idaM tE nAtapaskAya nAbhaktAya kadAcana| na cAzuzrUSavE vAcyaM na ca mAM yO'bhyasUyati||67|| idaM tE na atapaskAya na abhaktAya kadAcana| na ca azuzrUSavE vAcyaM na ca mAM yaH abhyasUyati||67|| +

ya idaM paramaM guhyaM madbhaktESvabhidhAsyati| bhaktiM mayi parAM kRtvA mAmEvaiSyatyasaMzayaH||68|| yaH idaM paramaM guhyaM madbhaktESu abhidhAsyati| bhaktiM mayi parAM kRtvA mAm Eva ESyati asaMzayaH||68|| +

na ca tasmAnmanuSyESu kazcinmE priyakRttamaH| bhavitA na ca mE tasmAdanyaH priyatarO bhuvi||69|| na ca tasmAt manuSyESu kazcit mE priyakRttamaH| bhavitA na ca mE tasmAt anyaH priyataraH bhuvi||69|| +

adhyESyatE ca ya imaM dharmyaM saMvAdamAvayOH| jJAnayajJEna tEnAhamiSTaH syAmiti mE matiH||70|| adhyESyatE ca yaH imaM dharmyaM saMvAdam AvayOH| jJAnayajJEna tEna aham iSTaH syAm iti mE matiH||70|| +

zraddhAvAnanasUyazca zRNuyAdapi yO naraH| sO'pi muktaH zubhA^llOkAn prApnuyAt puNyakarmaNAm||71|| zraddhAvAn anasUyaH ca zRNuyAt api yaH naraH| saH api muktaH zubhAn lOkAn prApnuyAt puNyakarmaNAm||71|| +

kaccidEtacchrutaM pArtha tvayaikAgrENa cEtasA| kaccidajJAnasammOhaH pranaSTastE dhanaJjaya||72|| kaccit Etat zrutaM pArtha tvayA EkAgrENa cEtasA| kaccit ajJAnasammOhaH pranaSTaH tE dhanaJjaya||72|| +

arjuna uvAca

naSTO mOhaH smRtirlabdhA tvatprasAdAnmayA'cyuta| sthitO'smi gatasandEhaH kariSyE vacanaM tava||73|| naSTaH mOhaH smRtiH labdhA tvat prasAdAt mayA acyuta| sthitaH asmi gatasandEhaH kariSyE vacanaM tava||73|| +

saJjaya uvAca

ityahaM vAsudEvasya pArthasya ca mahAtmanaH| saMvAdamimamazrauSamadbhutaM rOmaharSaNam||74|| iti ahaM vAsudEvasya pArthasya ca mahAtmanaH| saMvAdam imam azrauSam adbhutaM rOmaharSaNam||74|| +

vyAsaprasAdAcchrutavAn EtadguhyamahaM param| yOgaM yOgEzvarAt kRSNAt sAkSAt kathayataH svayam||75|| vyAsaprasAdAt zrutavAn Etat guhyam ahaM param| yOgaM yOgEzvarAt kRSNAt sAkSAt kathayataH svayam||75|| +

rAjan saMsmRtya saMsmRtya saMvAdamimamadbhutam| kEzavArjunayOH puNyaM hRSyAmi ca muhurmuhuH||76|| rAjan saMsmRtya saMsmRtya saMvAdam imam adbhutam| kEzavArjunayOH puNyaM hRSyAmi ca muhuH muhuH||76|| +

tacca saMsmRtya saMsmRtya rUpamatyadbhutaM harEH| vismayO mE mahAn rAjan hRSyAmi ca punaH punaH||77|| tat ca saMsmRtya saMsmRtya rUpam atyadbhutaM harEH| vismayaH mE mahAn rAjan hRSyAmi ca punaH punaH||77|| +

yatra yOgEzvaraH kRSNO yatra pArthO dhanurdharaH| tatra zrIrvijayO bhUtirdhruvA nItirmatirmama||78|| yatra yOgEzvaraH kRSNaH yatra pArthaH dhanurdharaH| tatra zrIH vijayaH bhUtiH dhruvA nItiH matiH mama||78|| +

||OM tatsaditi zrImadbhagavadgItAsUpaniSatsu brahmavidyAyAM yOgazAstrE zrIkRSNArjunasaMvAdE mOkSasannyAsayOgO nAma aSTAdazO'dhyAyaH||