mArgabandhustOtram

zambhO mahAdEva dEva
ziva zambhO mahAdEva dEvEza zambhO|
zambhO mahAdEva dEva||

phAlAvanamratkirITaM phAlanEtrArciSA-dagdha-paJcESukITam|
zUlAhatArAtikUTaM zuddhamardhEnducUDaM bhajE mArgabandhum||1||

aGgE virAjadbhujaGgam abhra-gaGgA-taraGgAbhi-rAmOttamAGgam|
OGkAravATI-kuraGgaM siddhasaMsEvitAGghriM bhajE mArgabandhum||2||

nityaM cidAnandarUpaM nihnutAzESa-lOkEza-vairipratApam|
kArtasvarAgEndra-cApaM kRttivAsaM bhajE divyasanmArgabandhum||3||

kandarpa-darpaghnamIzaM kAlakaNThaM mahEzaM mahAvyOmakEzam|
kundAbhadantaM surEzaM kOTisUryaprakAzaM bhajE mArgabandhum||4||

mandArabhUtErudAraM mandarAgEndrasAraM mahAgauryadUram|
sindhUra-dUra-pracAraM sindhurAjAtidhIraM bhajE mArgabandhum||5||

appayyayajvEndragItaM stOtrarAjaM paThEdyastu bhaktyA prayANE|
tasyArthasiddhiM vidhattE mArgamadhyE'bhayaM cA''zutOSO mahEzaH||