zrIkRSNArjunakRta-rudrastOtram

kRSNArjunAvUcatuH

namO bhavAya zarvAya rudrAya varadAya ca|
pazUnAM patayE nityamugrAya ca kapardinE||1||

mahAdEvAya bhImAya tryambakAya ca zAntayE|
IzAnAya makhaghnAya namO'stvandhakaghAtinE||2||

kumAraguravE tubhyaM nIlagrIvAya vEdhasE|
pinAkinE haviSyAya satyAya vibhavE sadA||3||

vilOhitAya dhUmrAya vyAdhAyAnaparAjitE|
nityaM nIlazikhaNDAya zUlinE divyacakSuSE||4||

hOtrE pOtrE trinEtrAya vyAdhAya vasurEtasE|
acintyAyAmbikAbhartrE sarvadEvastutAya ca||5||

vRSadhvajAya muNDAya jaTinE brahmacAriNE|
tapyamAnAya salilE brahmaNyAyAjitAya ca||6||

vizvAtmanE vizvasRjE vizvamAvRtya tiSThatE|
namO namastE sEvyAya bhUtAnAM prabhavE sadA||7||

brahmavaktrAya sarvAya zaMkarAya zivAya ca|
namOstu vAcaspatayE prajAnAM patayE namaH||8||

abhigamyAya kAmyAya stutyAyAryAya sarvadA
namO'stu dEvadEvAya mahAbhUtadharAya ca|
namO vizvasya patayE pattInAM patayE namaH||9||

namO vizvasya patayE mahatAM patayE namaH
namaH sahasrazirasE sahasrabhujamRtyavE|
sahasranEtrapAdAya namO'saGkhyEyakarmaNE||10||

namO hiraNyavarNAya hiraNyakavacAya ca|
bhaktAnukampinE nityaM sidhyatAM nO varaH prabhO||11||

saJjaya uvAca

EvaM stutvA mahAdEvaM vAsudEvaH sahArjunaH|
prasAdayAmAsa bhavaM tadA hyastrOpalabdhayE||12||

||iti zrImanmahAbhAratE drONaparvaNi pratijJAparvaNi azItitamO'dhyAyE zrIkRSNArjunakRtaM rudrastOtraM sampUrNam||