sarasvatI prArthanA

sarasvati namastubhyaM varadE kAmarUpiNi|
vidyArambhaM kariSyAmi siddhirbhavatu mE sadA||

padmapatravizAlAkSI padmakEsaravarNinI|
nityaM padmAlayA dEvI sA mAM pAtu sarasvatI||

yA kundEndu tuSArahAradhavalA yA zubhravastrAvRtA
yA vINA varadaNDamaNDitakarA yA zvEtapadmAsanA|
yA brahmAcyutazaGkaraprabhRtibhirdEvaiH sadA pUjitA
sA mAM pAtu sarasvatI bhagavatI niHzESajADyApahA||

dOrbhiryuktA caturbhiH sphaTikamaNinibhairakSamAlAM dadhAnA
hastEnaikEna padmaM sitamapi ca zukaM pustakaM cAparENa|
bhAsA kundEnduzaGkhasphaTikamaNinibhA bhAsamAnA'samAnA
sA mE vAgdEvatEyaM nivasatu vadanE sarvadA suprasannA||