From StotraSamhita

sarasvatIstOtraM bRhaspativiracitam

bRhaspatiruvAca

sarasvati namasyAmi cEtanAM hRdi saMsthitAm| kaNThasthAM padmayOniM tvAM hrIGkArAM supriyAM sadA||1||

matidAM varadAM caiva sarvakAmaphalapradAm| kEzavasya priyAM dEvIM vINAhastAM varapradAm||2||

mantrapriyAM sadA hRdyAM kumatidhvaMsakAriNIm| svaprakAzAM nirAlambAmajJAnatimirApahAm||3||

mOkSapriyAM zubhAM nityAM subhagAM zObhanapriyAm| padmOpaviSTAM kuNDalinIM zuklavastrAM manOharAm||4||

AdityamaNDalE lInAM praNamAmi janapriyAm| jJAnAkArAM jagaddvIpAM bhaktavighnavinAzinIm||5||

iti satyaM stutA dEvI vAgIzEna mahAtmanA| AtmAnaM darzayAmAsa zaradindusamaprabhAm||6||

zrIsarasvatyuvAca

varaM vRNISva bhadraM tvaM yattE manasi vartatE|
bRhaspatiruvAca

prasannA yadi mE dEvi paraM jJAnaM prayaccha mE||7||

zrIsarasvatyuvAca

dattaM tE nirmalaM jJAnaM kumatidhvaMsakArakam| stOtrENAnEna mAM bhaktyA yE stuvanti sadA narAH||7||

labhantE paramaM jJAnaM mama tulyaparAkramAH| kavitvaM matprasAdEna prApnuvanti manOgatam||8||

trisandhyaM prayatO bhUtvA yastvimaM paThatE naraH| tasya kaNThE sadA vAsaM kariSyAmi na saMzayaH||9||

||iti zrIrudrayAmalE zrIbRhaspativiracitaM sarasvatIstOtraM sampUrNam||