From StotraSamhita

zaktyaSTOttarazatadivyasthAnIyanAmastOtram

dakSa uvAca

EvamuktO'bravIddakSaH kESu kESu mayA'naghE| tIrthESu ca tvaM draSTavyA stOtavyA kaizca nAmabhiH||

dEvyuvAca

dEvIH sarvadA sarvabhUtESu draSTavyA sarvatO bhuvi| saptalOkESu yatkiJcidrahitaM na mayA hi tat||

tathApi yESu sthAnESu draSTavyA siddhi mIpsubhiH| smartavyA bhUtikAmairvA tAni vakSyAmi tattvataH||

||stOtram||

vArANasyAM vizAlAkSI naimiSE liGgadhAriNI| prayAgE lalitA dEvI kAmAkSI gandhamAdanE||1||

mAnasE kumudA nAma vizvakAyA tathAmbarE| gOmantE gOmatI nAma mandarE kAmacAriNI||2||

madOtkaTA caitrarathE jayantI hastinApurE| kAnyakubjE tathA gaurI rambhA malayaparvatE||3||

EkAmrakE kIrtimatI vizvE vizvEzvarIM viduH| puSkarE puruhUtEti kEdArE mArgadAyI||4||

nandA himavataHpRSThE gOkarNE bhadrakarNikA| sthAnEzvarE bhavAnI tu bilvakE bilvapatrikA||5||

zrIzailE mAdhavI nAma bhadrA bhadrEzvarE tathA| jayA varAhazailE tu kamalA kamalAlayE||6||

rudrakOTyAM ca rudrANI kAlI kAlaJjarE girau| mahAliGgE tu kapilA markOTE mukuTEzvarI||7||

zAlagrAmE mahAdEvI zivaliGgE jalapriyA| mAyApuryAM kumArI tu santAnE lalitA tathA||8||

utpalAkSI sahasrAkSE kamalAkSE mahOtpalA| gaGgAyAM maGgalA nAma vimalA puruSOttamE||9||

vipAzAyAmamOghAkSI pATalA puNDravardhanE| nArAyaNI supArzvE tu vikUTE bhadrasundarI||10||

vipulE vipulA nAma kalyANI malayAcalE| kOTavI kOTitIrthE tu sugandhA mAdhavE vanE||11||

kubjAmrakE trisandhyA tu gaGgAdvArE ratipriyA| zivakuNDE sunandA tu nandinI dEvikAtaTE||12||

rukmiNI dvAravatyAM tu rAdhA vRndAvanE vanE| dEvikA mathUrAyAM tu pAtAlE paramEzvarI||13||

citrakUTE tathA sItA vindhyE vindhyAdhivAsinI| sahyAdrAvEkavIrA tu harizcandrE tu candrikA||14||

ramaNA rAmatIrthE tu yamunAyAM mRgAvatI| karavIrE mahAlakSmIrumAdEvI vinAyakE||15||

arOgA vaidyanAthE tu mahAkAlE mahEzvarI| abhayEtyuSNatIrthESu cAmRtA vindhyakandarE||16||

mANDavyE mANDavI nAma svAhA mahEzvarE purE| chAgalANDE pracaNDA tu caNDikA makarandakE||17||

sOmEzvarE varArOhA prabhAsE puSkarAvatI| dEvamAtA sarasvatyAM pArAvArataTE matA||18||

mahAlayE mahAbhAgA payOSNyAM piGgalEzvarI| siMhikA kRtazaucE tu kArtikEyE yazaskarI||19||

utpalAvartakE lOlA subhadrA zONasaGgamE| mAtA siddhapurE lakSmIraGganA bharatAzramE||20||

jAlandharE vizvamukhI tArA kiSkindhaparvatE| dEvadAruvanE puSTirmEdhA kAzmIra maNDalE||21||

bhImAdEvI himAdrau tu puSTirvizvEzvarE tathA| kapAlamOcanE zuddhirmAtA kAyAvarOhaNE||22||

zaGkhOddhArE dhvanirnAma dhRtiH piNDArakE tathA| kAlA tu cadrabhAgAyAmaccOdE zivakAriNI||23||

vENAyAmamRtA nAma badaryAM urvazI tathA| auSadhI cOttarakurau kRzadvIpE kuzOdakA||24||

manmathA hEmakUTE tu mukuTE satyavAdinI| azvatthE vandanIyA tu nidhirvaizravaNAlayE||25||

gAyatrI vEdavadanE pArvatI zivasannidhau| dEvalOkE tathEndrANI brahmAsyESu sarasvatI||26||

sUryabimbE prabhA nAma mAtRRNAM vaiSNavI tathA| arundhatI satInAM tu rAmAsu ca tilOttamA||27||

cittE brahmakalAnAmazaktiH sarvazarIriNAm| EtaduddEzataH prOktaM nAmASTazatamuttamam||28||

aSTOttaraM ca tIrthAnAM zatamEtadudAhRtam| yaH paThEcchRNuyAdvA'pi sarvapApaiH pramucyatE||29||

ESu tIrthESu yaH kRtvA snAnaM pazyanti mAM naraH| sarvapApavinirmuktaH kalpaM zivapurE vasEt||30||

||iti zrImatsyamahApurANE zrIzaktyaSTOttarazatadivyasthAnIyanAmastOtraM sampUrNam||