From StotraSamhita

zambhukRta-rAmastavaH

mahAdEva uvAca

namO mUlaprakRtayE nityAya paramAtmanE| saccidAnandarUpAya vizvarUpAya vEdhasE||1||

namO nirantarAnanda kandamUlAya viSNavE| jagattrayakRtAnanda mUrtayE divyamUrttayE||2||

namO brahmEndrapUjyAya zaGkarAbhayadAya ca| namO viSNusvarUpAya sarvarUpa namO namaH||3||

utpattisthitisaMhArakAriNE triguNAtmanE| namOstu nirgatOpAdhisvarUpAya mahAtmanE||4||

anayA vidyayA dEvyA sItayOpAdhikAriNE| namaH pumprakRtibhyAM ca yuvAbhyAM jagatAM kRtE||5||

jaganmAtApitRbhyAM ca jananyai rAghavAya ca| namaH prapaJcarUpiNyai niSprapaJcasvarUpiNE||6||

namO dhyAnasvarUpiNyai yOgidhyEyAtmamUrtayE| pariNAmAparINAmariktAbhyAM ca namO namaH||7||

kUTasthabIjarUpiNyai sItAyai rAghavAya ca| sItA lakSmIrbhavAn viSNuH sItA gaurI bhavAnzivaH||8||

sItA svayaM hi sAvitri bhavAn brahmA caturmukhaH| sItA zacI bhavAn zakraH sItA svAhA'nalO bhavAn||9||

sItA saMhAriNI dEvI yamarUpadharO bhavAn| sItA hi sarvasampattiH kubErastvaM raghUttama||10||

sItA dEvI ca rudrANI bhavAnrudrO mahAbalaH| sItA tu rOhiNI dEvI candrastvaM lOkasaukhyadaH||11||

sItA saMjJA bhavAnsUryaH sItA rAtrirdivA bhavAn| sItAdEvI mahAkAlI mahAkAlO bhavAnsadA||12||

strIliGgESu trilOkESu yattatsarvaM hi jAnakI| punnAma lAJchitaM yattu tatsarvaM hi bhavAnprabhO||13||

sarvatra sarvadEvEza sItA sarvatra dhAriNI| tadA tvamapi ca trAtuM tacchaktirvizvadhAriNI||14||

tasmAtkOTiguNaM puNyaM yuvAbhyAM paricihnitam| cihnitaM zivazaktibhyAM caritaM tava zAntidam||15||

AvAM rAma jagatpUjyau mama pUjyau sadA yuvAm| tvannAmajApinI gaurI tvanmantrajapavAnaham||16||

mumUrSOrmaNikarNyAM tu ardhOdakanivAsinaH| ahaM dizAmi tE mantraM tArakaM brahmadAyakam||17||

atastvaM jAnakInAtha parabrahmAsi nizcitam| tvanmAyAmOhitAssarvE na tvAM jAnaMti tatvataH||18||

Izvara uvAca

ityuktaH zambhunA rAmaH prasAdapravaNO'bhavat| divyarUpadharaH zrImAnadbhutAdbhutadarzanaH||19||

tathA taM rUpamAlOkya naravAnaradEvatAH| na draSTumapizaktAstE tEjasaM mahadadbhutam||20||

bhayAdvai tridazazrESThAH praNEmuzcAtibhaktitaH
bhItA vijJAya rAmO'pi naravAnaradEvatAH|
mAyAmAnuSatAM prApya sa dEvAnabravItpunaH||21||

rAmacandra uvAca

zRNudhvaM dEvatA yO mAM pratyahaM saMstuviSyati| stavEna zambhunOktEna dEvatulyO bhavEnnaraH||22||

vimuktaH sarvapApEbhyO matsvarUpaM samaznutE| raNE jayamavApnOti na kvacitpratihanyatE||23||

bhUtavEtAlakRtyAbhirgrahaizcApi na bAdhyatE| aputrO labhatE putraM patiM vindati kanyakA||24||

daridraH zriyamApnOti satvavAn zIlavAnbhavEt| AtmatulyabalaH zrImAJjAyatE nAtra saMzayaH||25||

nirvighnaM sarvakAryESu sarvArambhESu vai nRNAm| yaM yaM kAmayatE martyaH sudurlabhamanOratham||26||

SaNmAsAtsiddhimApnOti stavasyAsya prasAdataH
yatpuNyaM sarvatIrthESu sarvayajJESu yatphalam|
tatphalaM kOTiguNitaM stavEnAnEna labhyatE||27||

||iti zrIpAdmE mahApurANE paJcapaJcAzatsAhasryAM saMhitAyAmuttarakhaNDE umAmahEzvarasaMvAdE vizvadarzanaM nAma tricatvAriMzadadhikadvizatatamO'dhyAyE zrI-zambhukRta-rAmastavaH sampUrNaH||