From StotraSamhita

zAradA prArthanA

namastE zAradE dEvi kAzmIrapuravAsini| tvAmahaM prArthayE nityaM vidyAdAnaM ca dEhi mE||1||

yA zraddhA dhAraNA mEdhA vAgdEvI vidhivallabhA| bhaktajihvAgrasadanA zamAdiguNadAyinI||2||

namAmi yAminIM nAthalEkhAlaGkRtakuntalAm| bhavAnIM bhavasantApanirvApaNasudhAnadIm||3||

bhadrakAlyai namO nityaM sarasvatyai namO namaH| vEdavEdAGgavEdAntavidyAsthAnEbhya Eva ca||4||

brahmasvarUpA paramA jyOtirUpA sanAtanI| sarvavidyAdhidEvI yA tasyai vANyai namO namaH||5||

yayA vinA jagatsarvaM zazvajjIvanmRtaM bhavEt| jJAnAdhidEvI yA tasyai sarasvatyai namO namaH||6||

yayA vinA jagatsarvaM mUkamunmattavat sadA| yA dEvI vAgadhiSThAtrI tasyai vANyai namO namaH||7||

||iti zrImacchaGkarAcAryaviracitA zrI zAradA prArthanA sampUrNA||