zukracaturviMzatinAmastOtram

zRNvantu munayaH sarvE zukrastOtramidaM zubham||
rahasyaM sarvabhUtAnAM zukraprItikaraM zubham|| 1||||1||

yESAM saGkIrtanAnnityaM sarvAn kAmAnavApnuyAt|
tAni zukrasya nAmAni kathayAmi zubhAni ca||2||

zukraH zubhagrahaH zrImAn varSakRdvarSavighnakRt|
tEjOnidhirjJAnadAtA yOgI yOgavidAM varaH||3||

daityasaJjIvanO dhIrO daityanEtOzanA kaviH|
nItikartA grahAdhIzO vizvAtmA lOkapUjitaH||4||

zuklamAlyAmbaradharaH zrIcandanasamaprabhaH|
akSamAlAdharaH kAvyaH tapOmUrtirdhanapradaH||5||

caturviMzatinAmAni aSTOttarazataM yathA|
dEvasyAgrE vizESENa pUjAM kRtvA vidhAnataH||6||

ya idaM paThati stOtraM bhArgavasya mahAtmanaH|
viSamasthO'pi bhagavAn tuSTaH syAnnAtra saMzayaH||7||

stOtraM bhRgOridamanantaguNapradaM yO
bhaktyA paThEcca manujO niyataH zuciH san|
prApnOti nityamatulAM zriyamIpsitArthAn
rAjyaM samastadhanadhAnyayutAM samRddhim||8||