umAmahEzvarastOtram

namaH zivAbhyAM navayauvanAbhyAm‌
parasparAzliSTavapurdharAbhyAm‌|
nagEndrakanyAvRSakEtanAbhyAm‌
namO namaH zaGkarapArvatIbhyAm‌||1||

namaH zivAbhyAM sarasOtsavAbhyAm‌
namaskRtAbhISTavarapradAbhyAm‌|
nArAyaNEnArcitapAdukAbhyAm
namO namaH zaGkarapArvatIbhyAm‌||2||

namaH zivAbhyAM vRSavAhanAbhyAm‌
viriJciviSNvindrasupUjitAbhyAm‌|
vibhUtipATIravilEpanAbhyAm‌
namO namaH zaGkarapArvatIbhyAm‌||3||

namaH zivAbhyAM jagadIzvarAbhyAm
jagatpatibhyAM jayavigrahAbhyAm‌|
jambhArimukhyairabhivanditAbhyAm‌
namO namaH zaGkarapArvatIbhyAm‌||4||

namaH zivAbhyAM paramauSadhAbhyAm‌
paJcAkSarI-paJjararaJjitAbhyAm‌|
prapaJca-sRSTi-sthiti-saMhRtAbhyAm‌
namO namaH zaGkarapArvatIbhyAm‌||5||

namaH zivAbhyAmatisundarAbhyAm‌
atyantamAsaktahRdambujAbhyAm‌|
azESalOkaikahitaGkarAbhyAm‌
namO namaH zaGkarapArvatIbhyAm‌||6||

namaH zivAbhyAM kalinAzanAbhyAm‌
kaGkAlakalyANavapurdharAbhyAm‌|
kailAsazailasthitadEvatAbhyAm‌
namO namaH zaGkarapArvatIbhyAm‌||7||

namaH zivAbhyAmazubhApahAbhyAm‌
azESalOkaikavizESitAbhyAm‌|
akuNThitAbhyAM smRtisambhRtAbhyAm‌
namO namaH zaGkarapArvatIbhyAm‌||8||

namaH zivAbhyAM rathavAhanAbhyAm‌
ravInduvaizvAnaralOcanAbhyAm‌|
rAkA-zazAGkAbha-mukhAmbujAbhyAm‌
namO namaH zaGkarapArvatIbhyAm‌||9||

namaH zivAbhyAM jaTilandharAbhyAm‌
jarAmRtibhyAM ca vivarjitAbhyAm‌|
janArdanAbjOdbhavapUjitAbhyAm‌
namO namaH zaGkarapArvatIbhyAm‌||10||

namaH zivAbhyAM viSamEkSaNAbhyAm‌
bilvacchadAmallikadAmabhRd‌bhyAm‌|
zObhAvatI-zAntavatIzvarAbhyAm‌
namO namaH zaGkarapArvatIbhyAm‌||11||

namaH zivAbhyAM pazupAlakAbhyAm‌
jagattrayIrakSaNa-baddhahRd‌bhyAm‌|
samastadEvAsurapUjitAbhyAm‌
namO namaH zaGkarapArvatIbhyAm‌||12||

stOtraM trisandhyaM zivapArvatIbhyAm‌
bhaktyA paThEd-dvAdazakaM narO yaH|
sa sarvasaubhAgya-phalAni bhuGktE
zatAyurantE zivalOkamEti||13||