vaidyanAthASTakam

zrIrAma-saumitri-jaTAyu-vEda-SaDAnanAditya-kujArcitAya|
zrInIlakaNThAya dayAmayAya zrIvaidyanAthAya namaH zivAya||1||

gaGgApravAhEndujaTAdharAya trilOcanAya smarakAlahantrE|
samastadEvairabhipUjitAya zrIvaidyanAthAya namaH zivAya||2||

bhaktaHpriyAya tripurAntakAya pinAkinE duSTaharAya nityam|
pratyakSalIlAya manuSyalOkE zrIvaidyanAthAya namaH zivAya||3||

prabhUtavAtAdi-samastarOgapranAzakartrE munivanditAya|
prabhAkarEndvagnivilOcanAya zrIvaidyanAthAya namaH zivAya||4||

vAkzrOtranEtrAGghri-vihInajantOrvAkzrOtranEtrAGghri-sukhapradAya|
kuSThAdisarvOnnatarOgahantrE zrIvaidyanAthAya namaH zivAya||5||

vEdAntavEdyAya jaganmayAya yOgIzvaradhyEyapadAmbujAya|
trimUrtirUpAya sahasranAmnE zrIvaidyanAthAya namaH zivAya||6||

svatIrthamRdbhasmabhRtAGgabhAjAM pizAcaduHkhArtibhayApahAya|
AtmasvarUpAya zarIrabhAjAM zrIvaidyanAthAya namaH zivAya||7||

zrInIlakaNThAya vRSadhvajAya sraggandhabhasmAdyabhizObhitAya|
suputradArAdisubhAgyadAya zrIvaidyanAthAya namaH zivAya||8||

vAlAmbikEza vaidyEza bhavarOgaharEti ca|
japEnnAmatrayannityaM mahArOganivAraNam||

mahAdEva mahAdEva mahAdEva mahAdEva mahAdEva mahAdEva mahAdEva mahAdEva|
mahAdEva mahAdEva mahAdEva mahAdEva mahAdEva mahAdEva mahAdEva mahAdEva||