From StotraSamhita
vEGkaTEza karAvalambastOtram
zrIzESazaila-sunikEtana divyamUrtE nArAyaNAcyuta harE nalinAyatAkSa| lIlAkaTAkSa-parirakSita-sarvalOka zrIvEGkaTEza mama dEhi karAvalambam||1|| |
brahmAdivanditapadAmbuja zaGkhapANE zrImatsudarzana-suzObhita-divyahasta| kAruNyasAgara zaraNya supuNyamUrtE zrIvEGkaTEza mama dEhi karAvalambam||2|| |
vEdAnta-vEdya bhavasAgara-karNadhAra zrIpadmanAbha kamalArcitapAdapadma| lOkaika-pAvana parAtpara pApahArin zrIvEGkaTEza mama dEhi karAvalambam||3|| |
lakSmIpatE nigamalakSya nijasvarUpa kAmAdidOSa-parihAraka bOdhadAyin| daityAdimardana janArdana vAsudEva zrIvEGkaTEza mama dEhi karAvalambam||4|| |
tApatrayaM hara vibhO rabhasA murArE saMrakSa mAM karuNayA sarasIruhAkSa| macchiSya ityanudinaM parirakSa viSNO zrIvEGkaTEza mama dEhi karAvalambam||5|| |
zrI jAtarUpanavaratna-lasatkirITa kastUrikAtilakazObhilalATadEza| rAkEndubimba-vadanAmbuja vArijAkSa zrIvEGkaTEza mama dEhi karAvalambam||6|| |
vandArulOka-varadAna-vacOvilAsa ratnADhyahAra-parizObhita-kambukaNTha| kEyUraratna-suvibhAsi-digantarAla zrIvEGkaTEza mama dEhi karAvalambam||7|| |
divyAGgadAJcita-bhujadvaya maGgalAtman kEyUrabhUSaNa-suzObhita-dIrghabAhO| nAgEndra-kaGkaNa-karadvaya kAmadAyin zrIvEGkaTEza mama dEhi karAvalambam||8|| |
svAmin jagaddharaNavAridhimadhyamagnam mAmuddharAdya kRpayA karuNApayOdhE| lakSmIM ca dEhi mama dharma-samRddhihEtum zrIvEGkaTEza mama dEhi karAvalambam||9|| |
divyAGgarAgaparicarcita-kOmalAGga pItAmbarAvRtatanO taruNArka-dIptE| satkAJcanAbha-paridhAna-supaTTabandha zrIvEGkaTEza mama dEhi karAvalambam||10|| |
ratnADhyadAma-sunibaddha-kaTi-pradEza mANikyadarpaNa-susannibha-jAnudEza| jaGghAdvayEna parimOhita sarvalOka zrIvEGkaTEza mama dEhi karAvalambam||11|| |
lOkaikapAvana-saritparizObhitAGghrE tvatpAdadarzana dinE ca mamAghamIza| hArdaM tamazca sakalaM layamApa bhUman zrIvEGkaTEza mama dEhi karAvalambam||12|| |
kAmAdi-vairi-nivahO'cyuta mE prayAtaH dAridryamapyapagataM sakalaM dayAlO| dInaM ca mAM samavalOkya dayArdra-dRSTyA zrIvEGkaTEza mama dEhi karAvalambam||13|| |
zrIvEGkaTEza-padapaGkaja-SaTpadEna zrImannRsiMhayatinA racitaM jagatyAm| yE tatpaThanti manujAH puruSOttamasya tE prApnuvanti paramAM padavIM murArEH||14|| |
||iti zrI zRGgEri-jagadguruNA zrI nRsiMhabhAratI-svAminA racitaM zrI vEGkaTEzakarAvalambastOtraM sampUrNam||
