From StotraSamhita
gaGgASTOttarazatanAmastOtram
||dhyAnam||
sitamakaraniSaNNAM zubhravarNAM trinEtrAM karadhRtakalazOdyatsOtpalAmatyabhISTAm| vidhiharihararUpAM sEndukOTIracUDAM kalitasitadukUlAM jAhnavIM tAM namAmi|| |
||stOtram||
zrI nArada uvAca
gaGgA nAma paraM puNyaM kathitaM paramEzvara| nAmAni kati zastAni gaGgAyAH praNizaMsa mE||1|| |
zrI mahAdEva uvAca
nAmnAM sahasramadhyE tu nAmASTazatamuttamam| jAhnavyA munizArdUla tAni mE zRNu tattvataH||2|| |
gaGgA tripathagA dEvI zambhumaulivihAriNI| jAhnavI pApahantrI ca mahApAtakanAzinI||3|| |
patitOddhAriNI srOtasvatI paramavEginI| viSNupAdAbjasambhUtA viSNudEhakRtAlayA||4|| |
svargAbdhinilayA sAdhvI svarNadI suranimnagA| mandAkinI mahAvEgA svarNazRGgaprabhEdinI||5|| |
dEvapUjyatamA divyA divyasthAnanivAsinI| sucArunIrarucirA mahAparvatabhEdinI||6|| |
bhAgIrathI bhagavatI mahAmOkSapradAyinI| sindhusaGgagatA zuddhA rasAtalanivAsinI||7|| |
mahAbhOgA bhOgavatI subhagAnandadAyinI| mahApApaharA puNyA paramAhlAdadAyinI||8|| |
pArvatI zivapatnI ca zivazIrSagatAlayA| zambhOrjaTAmadhyagatA nirmalA nirmalAnanA||9|| |
mahAkaluSahantrI ca jahnuputrI jagatpriyA| trailOkyapAvanI pUrNA pUrNabrahmasvarUpiNI||10|| |
jagatpUjyatamA cArurUpiNI jagadambikA| lOkAnugrahakartrI ca sarvalOkadayAparA||11|| |
yAmyabhItiharA tArA pArA saMsAratAriNI| brahmANDabhEdinI brahmakamaNDalukRtAlayA||12|| |
saubhAgyadAyinI puMsAM nirvANapadadAyinI| acintyacaritA cArurucirAtimanOharA||13|| |
martyasthA mRtyubhayahA svargamOkSapradAyinI| pApApahAriNI dUracAriNI vIcidhAriNI||14|| |
kAruNyapUrNA karuNAmayI duritanAzinI| girirAjasutA gaurIbhaginI girizapriyA||15|| |
mEnakAgarbhasambhUtA mainAkabhaginIpriyA| AdyA trilOkajananI trailOkyaparipAlinI||16|| |
tIrthazrESThatamA zrESThA sarvatIrthamayI zubhA| caturvEdamayI sarvA pitRsantRptidAyinI||17|| |
zivadA zivasAyujyadAyinI zivavallabhA| tEjasvinI trinayanA trilOcanamanOramA||18|| |
saptadhArA zatamukhI sagarAnvayatAriNI| munisEvyA munisutA jahnujAnuprabhEdinI||19|| |
makarasthA sarvagatA sarvAzubhanivAriNI| sudRzyA cAkSuSItRptidAyinI makarAlayA||20|| |
sadAnandamayI nityAnandadA nagapUjitA| sarvadEvAdhidEvaizca paripUjyapadAmbujA||21|| |
EtAni munizArdUla nAmAni kathitAni tE| zastAni jAhnavIdEvyAH sarvapApaharANi ca||22|| |
ya idaM paThatE bhaktyA prAtarutthAya nArada| gaGgAyAH paramaM puNyaM nAmASTazatamEva hi||23|| |
tasya pApAni nazyanti brahmahatyAdikAnyapi| ArOgyamatulaM saukhyaM labhatE nAtra saMzayaH||24|| |
yatra kutrApi saMsnAyAtpaThEtstOtramanuttamam| tatraiva gaGgAsnAnasya phalaM prApnOti nizcitam||25|| |
pratyahaM prapaThEdEtad gaGgAnAmazatASTakam| sO'ntE gaGgAmanuprApya prayAti paramaM padam||26|| |
gaGgAyAM snAnasamayE yaH paThEdbhaktisaMyutaH| sO'zvamEdhasahasrANAM phalamApnOti mAnavaH||27|| |
gavAmayutadAnasya yatphalaM samudIritam| tatphalaM samavApnOti paJcamyAM prapaThannaraH||28|| |
kArtikyAM paurNamAsyAM tu snAtvA sagarasaGgamE| yaH paThEtsa mahEzatvaM yAti satyaM na saMzayaH||29|| |
|| iti zrImahAbhAgavatE mahApurANE zrIgaGgASTOttarazatanAmastOtraM sampUrNam ||
