From StotraSamhita

||paJcadazO'dhyAyaH - puruSOttama-yOgaH||

zrIbhagavAnuvAca

UrdhvamUlamadhaHzAkhamazvatthaM prAhuravyayam| chandAMsi yasya parNAni yastaM vEda sa vEdavit||1|| UrdhvamUlam adhaHzAkham azvatthaM prAhuH avyayam| chandAMsi yasya parNAni yaH taM vEda saH vEdavit||1|| +

adhazcOrdhvaM prasRtAstasya zAkhAH guNapravRddhA viSayapravAlAH| adhazca mUlAnyanusantatAni karmAnubandhIni manuSyalOkE||2|| adhaH ca UrdhvaM prasRtAH tasya zAkhAH guNapravRddhAH viSayapravAlAH| adhaH ca mUlAni anusantatAni karmAnubandhIni manuSyalOkE||2|| +

na rUpamasyEha tathOpalabhyatE nAntO na ca''dirna ca sampratiSThA| azvatthamEnaM suvirUDhamUlam asaGgazastrENa dRDhEna chittvA||3|| na rUpam asya iha tathA upalabhyatE na antaH na ca AdiH na ca sampratiSThA| azvattham EnaM suvirUDhamUlam asaGgazastrENa dRDhEna chittvA||3|| +

tataH padaM tat parimArgitavyam yasmin gatA na nivartanti bhUyaH| tamEva ca''dyaM puruSaM prapadyE yataH pravRttiH prasRtA purANI||4|| tataH padaM tat parimArgitavyaM yasmin gatAH na nivartanti bhUyaH| tam Eva ca AdyaM puruSaM prapadyE yataH pravRttiH prasRtA purANI||4|| +

nirmAnamOhA jitasaGgadOSAH adhyAtmanityA vinivRttakAmAH| dvandvairvimuktAH sukhaduHkhasaMjJaiH gacchantyamUDhAH padamavyayaM tat||5|| nirmAnamOhAH jitasaGgadOSAH adhyAtmanityAH vinivRttakAmAH| dvandvaiH vimuktAH sukhaduHkhasaMjJaiH gacchanti amUDhAH padam avyayaM tat||5|| +

na tadbhAsayatE sUryO na zazAGkO na pAvakaH| yadgatvA na nivartantE taddhAma paramaM mama||6|| na tat bhAsayatE sUryaH na zazAGkaH na pAvakaH| yat gatvA na nivartantE tat dhAma paramaM mama||6|| +

mamaivAMzO jIvalOkE jIvabhUtaH sanAtanaH| manaHSaSThAnIndriyANi prakRtisthAni karSati||7|| mama Eva aMzaH jIvalOkE jIvabhUtaH sanAtanaH| manaHSaSThAnIndriyANi prakRtisthAni karSati||7|| +

zarIraM yadavApnOti yaccApyutkrAmatIzvaraH| gRhItvaitAni saMyAti vAyurgandhAnivAzayAt||8|| zarIraM yat avApnOti yat ca api utkrAmati IzvaraH| gRhItvA EtAni saMyAti vAyuH gandhAn iva AzayAt||8|| +

zrOtraM cakSuH sparzanaM ca rasanaM ghrANamEva ca| adhiSThAya manazcAyaM viSayAnupasEvatE||9|| zrOtraM cakSuH sparzanaM ca rasanaM ghrANam Eva ca| adhiSThAya manaH ca ayaM viSayAn upasEvatE||9|| +

utkrAmantaM sthitaM vA'pi bhuJjAnaM vA guNAnvitam| vimUDhA nAnupazyanti pazyanti jJAnacakSuSaH||10|| utkrAmantaM sthitaM vA api bhuJjAnaM vA guNAnvitam| vimUDhAH na anupazyanti pazyanti jJAnacakSuSaH||10|| +

yatantO yOginazcainaM pazyantyAtmanyavasthitam| yatantO'pyakRtAtmAnO nainaM pazyantyacEtasaH||11|| yatantaH yOginaH ca EnaM pazyanti Atmani avasthitam| yatantaH api akRtAtmAnaH na EnaM pazyanti acEtasaH||11|| +

yadA''dityagataM tEjO jagadbhAsayatE'khilam| yaccandramasi yaccAgnau tattEjO viddhi mAmakam||12|| yat AdityagataM tEjaH jagat bhAsayatE akhilam| yat candramasi yat ca agnau tat tEjaH viddhi mAmakam||12|| +

gAmAvizya ca bhUtAni dhArayAmyahamOjasA| puSNAmi cauSadhIH sarvAH sOmO bhUtvA rasAtmakaH||13|| gAm Avizya ca bhUtAni dhArayAmi aham OjasA| puSNAmi ca OSadhIH sarvAH sOmaH bhUtvA rasAtmakaH||13|| +

ahaM vaizvAnarO bhUtvA prANinAM dEhamAzritaH| prANApAnasamAyuktaH pacAmyannaM caturvidham||14|| ahaM vaizvAnaraH bhUtvA prANinAM dEham AzritaH| prANApAnasamAyuktaH pacAmi annaM caturvidham||14|| +

sarvasya cAhaM hRdi sanniviSTO- mattaH smRtirjJAnamapOhanaM ca| vEdaizca sarvairahamEva vEdyO- vEdAntakRdvEdavidEva cAham||15|| sarvasya ca ahaM hRdi sanniviSTaH mattaH smRtiH jJAnam apOhanaM ca| vEdaiH ca sarvaiH aham Eva vEdyaH vEdAntakRt vEdavit Eva ca aham||15|| +

dvAvimau puruSau lOkE kSarazcAkSara Eva ca| kSaraH sarvANi bhUtAni kUTasthO'kSara ucyatE||16|| dvau imau puruSau lOkE kSaraH ca akSaraH Eva ca| kSaraH sarvANi bhUtAni kUTasthaH akSaraH ucyatE||16|| +

uttamaH puruSastvanyaH paramAtmEtyudAhRtaH| yO lOkatrayamAvizya bibhartyavyaya IzvaraH||17|| uttamaH puruSaH tu anyaH paramAtmA iti udAhRtaH| yaH lOkatrayam Avizya bibharti avyayaH IzvaraH||17|| +

yasmAt kSaramatItO'ham akSarAdapi cOttamaH| atO'smi lOkE vEdE ca prathitaH puruSOttamaH||18|| yasmAt kSaram atItaH aham akSarAt api ca uttamaH| ataH asmi lOkE vEdE ca prathitaH puruSOttamaH||18|| +

yO mAmEvamasammUDhO jAnAti puruSOttamam| sa sarvavidbhajati mAM sarvabhAvEna bhArata||19|| yaH mAm Evam asammUDhaH jAnAti puruSOttamam| saH sarvavit bhajati mAM sarvabhAvEna bhArata||19|| +

iti guhyatamaM zAstramidamuktaM mayA'nagha| Etad-buddhvA buddhimAn syAt kRtakRtyazca bhArata||20|| iti guhyatamaM zAstram idam uktaM mayA anagha| Etat buddhvA buddhimAn syAt kRtakRtyaH ca bhArata||20|| +

||OM tatsaditi zrImadbhagavadgItAsUpaniSatsu brahmavidyAyAM yOgazAstrE zrIkRSNArjunasaMvAdE puruSOttamayOgO nAma paJcadazO'dhyAyaH||