From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
zatatama-dazakam -- kEzAdipAdavarNanam
agrE pazyAmi tEjO nibiDatarakalAyAvalIlObhanIyam pIyUSAplAvitO'haM tadanu tadudarE divyakaizOravESam| tAruNyArambharamyaM paramasukharasAsvAdarOmAJcitAGgai- rAvItaM nAradAdyaivilasadupaniSatsundarImaNDalaizca||1|| |
nIlAbhaM kuJcitAgraM ghanamamalataraM saMyataM cArubhaGgyA ratnOttaMsAbhirAmaM valayitamudayaccandrakaiH piJchajAlaiH| mandArasraG{}nivItaM tava pRthukabarIbhAramAlOkayE'ham snigdhazcEtOrdhvapuNDrAmapi ca sulalitAM phAlabAlEnduvIthIm||2|| |
hRdyaM pUrNAnukampArNavamRdulaharIcaJcalabhrUvilAsai- rAnIlasnigdhapakSmAvaliparilasitaM nEtrayugmaM vibhO tE| sAndracchAyaM vizAlAruNakamaladalAkAramAmugdhatAram kAruNyAlOkalIlAziziritabhuvanaM kSipyatAM mayyanAthE||3|| |
uttuGgOllAsinAsaM harimaNimukuraprOllasadgaNDapAlI- vyAlOlatkarNapAzAJcitamakaramaNIkuNDaladvandvadIpram| unmIladdantapaGktisphuradaruNataracchAyabimbAdharAntaH- prItiprasyandimandasmitazizirataraM vaktramudbhAsatAM mE||4|| |
bAhudvandvEna ratnOjvalavalayabhRtA zONapANipravALE- nOpAttAM vENunALIM prasRtanakhamayUkhAGgulIsaGgazArAm| kRtvA vaktrAravindE sumadhuravikasadrAgamudbhAvyamAnaiH zabdabrahmAmRtaistvaM ziziritabhuvanaissiJca mE karNavIthIm||5|| |
utsarpatkaustubhazrItatibhiraruNitaM kOmaLaM kaNThadEzam vakSaH zrIvatsaramyaM taraLatarasamuddIprahArapratAnam| nAnAvarNaprasUnAvalikisalayinIM vanyamAlAM vilOla- llOlambAM lambamAnAmurasi tava tathA bhAvayE ratnamAlAm||6|| |
aGgE paJcAGgarAgairatizayavikasatsaurabhAkRSTalOkam lInAnEkatrilOkIvitatimapi kRzAM bibhrataM madhyavallIm| zakrAzmanyastataptOjvalakanakanibhaM pItacElaM dadhAnam dhyAyAmO dIptarazmisphuTamaNirazanAkiGgiNImaNDitaM tvAm||7|| |
UrU cArU tavOrU ghanamasRNarucau cittacOrau ramAyA vizvakSObhaM vizaGkya dhruvamanizamubhau pItacElAvRtAGgau| AnamrANAM purastAnnyasanadhRtasamastArthapALIsamudga- cchAyAM jAnudvayaM ca kramapRthulamanOjJE ca jaGghE niSEvE||8|| |
maJjIraM maJjunAdairiva padabhajanaM zrEya ityAlapantam pAdAgraM bhrAntimajjatpraNatajanamanOmandarOddhArakUrmam| uttuGgAtAmrarAjannakharahimakarajyOtsnayA cA'zritAnAm santApadhvAntahattrIM tatimanukalayE maGgalAmaGgulInAm||9|| |
yOgIndrANAM tvadaGgESvadhikasumadhuraM muktibhAjAM nivAsO bhaktAnAM kAmavarSadyutarukisalayaM nAtha tE pAdamUlam| nityaM cittasthitaM mE pavanapurapatE kRSNa kAruNyasindhO hRtvA niHzESatApAnpradizatu paramAnandasandOhalakSmIm||10|| |
ajJAtvA tE mahattvaM yadiha nigaditaM vizvanAtha kSamEthAH stOtraM caitatsahasrOttaramadhikataraM tvatprasAdAya bhUyAt| dvEdhA nArAyaNIyaM zrutiSu ca januSA stutyatAvarNanEna sphItaM lIlAvatArairidamiha kurutAmAyurArOgyasaukhyam||11|| |
||iti zrImannArAyaNIyE zatatama-dazakaM sampUrNam||
