From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
zuddhA niShkAmadharmaiH pravaragurugirA tatsvarUpaM paraM tE zuddhaM dEhEndriyAdivyapagatamakhilavyAptamAvEdayantE| nAnAtvasthaulyakArzyAdi tu guNajavapussaGgatO'dhyAsitaM tE vahnErdAruprabhEdEShviva mahadaNutAdIptatAzAntatAdi||1|| |
AchAryAkhyAdharasthAraNisamanumiLachChiShyarUpOttarAra\- NyAvEdhOdbhAsitEna sphuTataraparibOdhAgninA dahyamAnE| karmAlIvAsanAtatkRtatanubhuvanabhrAntikAntArapUrE dAhyAbhAvEna vidyAzikhini cha viratE tvanmayI khalvavasthA||2|| |
EvaM tvatprAptitO'nyO nahi khalu nikhilaklEzahAnErupAyO naikAntAtyantikAstE kRShivadagadaShADguNyaShaDkarmayOgAH| durvaikalyairakalyA api nigamapathAstatphalAnyapyavAptA mattAstvAM vismarantaH prasajati patanE yAntyanantAnviShAdAn||3|| |
tvallOkAdanyalOkaH kvanu bhayarahitO yatparArdhadvayAntE tvadbhItassatyalOkE'pi na sukhavasatiH padmabhUH padmanAbha| EvambhAvE tvadharmArjitabahutamasAM kA kathA nArakANAm tanmE tvaM Chindhi bandhaM varada kRpaNabandhO kRpApUrasindhO||4|| |
yAthArthyAttvanmayasyaiva hi mama na vibhO vastutO bandhamOkShau mAyAvidyAtanubhyAM tava tu virachitau svapnabOdhOpamau tau| baddhE jIvadvimuktiM gatavati cha bhidA tAvatI tAvadEkO bhuGktE dEhadrumasthO viShayaphalarasAnnAparO nirvyathAtmA||5|| |
jIvanmuktatvamEvaMvidhamiti vachasA kiM phalaM dUradUrE tannAmAzuddhabuddhErna cha laghu manasaH zOdhanaM bhaktitO'nyat| tanmE viShNO kRShIShThAstvayi kRtasakalaprArpaNaM bhaktibhAram yEna syAM maGkShu kiJchidguruvachanamiLattvatprabOdhastvadAtmA||6|| |
zabdabrahmaNyapIha prayatitamanasastvAM na jAnanti kEchit kaShTaM vandhya zramAstE cirataramiha gAM bibhratE niSprasUtim| yasyAm visvAbhirAmAH sakalamalaharA divyalIlAvatArAH sachchitsAndraM cha rUpaM tava na nigaditaM tAM na vAchaM bhriyAsam||7|| |
yO yAvAnyAdRzO vA tvamiti kimapi naivAvagachChAmi bhUma\- nnEvaJchAnanyabhAvastvadanubhajanamEvAdriyE chaidyavairin| tvalliGgAnAM tvadaG{}ghripriyajanasadasAM darzanasparzanAdi\- rbhUyAnmE tvatprapUjAnatinutiguNakarmAnukIrtyAdarO'pi||8|| |
yadyallabhyEta tattattava samupahRtaM dEva dAsO'smi tE'ham tvadgEhOnmArjanAdyaM bhavatu mama muhuH karma nirmAyamEva| sUryAgnibrAhmaNAtmAdiShu lasitachaturbAhumArAdhayE tvAm tvatprEmArdratvarUpO mama satatamabhiShyandatAM bhaktiyOgaH||9|| |
aikyaM tE dAnOhOmavrataniyamatapassAGkhyayOgairdurApam tvatsaGgEnaiva gOpyaH kila sukRtitamAH prApurAnandasAndram| bhaktEShvanyEShu bhUyassvapi bahumanuShE bhaktimEva tvamAsAm tanmE tvadbhaktimEva dRDhaya hara gadAnkRShNa vAtAlayEza||10|| |
||iti zrImannArAyaNIyE caturnavatitama-dazakaM sampUrNam||
