From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
SODaza-dazakam -- naranArAyaNAvatAraH
dakzO viriJcatanayO'tha manOstanUjAm labdhvA prasUtimiha SODaza cApa kanyAH| dharmE trayOdaza dadau pitRSu svadhAM ca svAhAM havirbhuji satIM girizE tvadaMzE||1|| |
mUrtirhi dharmagRhiNI suSuvE bhavantam nArAyaNaM narasakhaM mahitAnubhAvam| yajjanmani pramuditAH kRtaturyaghOSAH puSpOtkarAnpravavRSurnunuvuH suraughAH||2|| |
daityaM sahasrakavacaM kavacaiH parItam sAhasravatsaratapassamarAbhilavyaiH| paryAyanIrmitatapassamarau bhavantau ziSTaikakaGkaTamamuM nyahatAM salalim||3|| |
anvAcarannupadizannapi mOkSadharmam tvaM bhrAtRmAn badarikAzramamadhyavAtsIH| zakrO'tha tE zamatapObalanissahAtmA divyAGganAparivRtaM prajighAya mAram||4|| |
kAmO vasantamalayAnilabandhuzAlI kAntAkaTAkSavizikhairvikasadvilAsaiH| vidhyanmuhurmuhurakampamudIkSya ca tvAm bhItastvAyAtha jagadE mRduhAsabhAjA||5|| |
bhItyAlamaGgajavasantasurAGganA vO manmAnasantviha juSudhvamiti bruvANaH| tvaM vismayEna paritaH stuvatAmathaiSAm prAdarzayaH svaparicArakakAtarAkSIH||6|| |
sammOhanAya militA madanAdayastE tvaddAsikAparimaLaiH kila mOhamApuH| dattAM tvayA ca jagRhustrapayaiva sarva- svarvAsigarvazamanIM punarurvazIM tAm||7|| |
dRSTvOrvazIM tvaM kathAM ca nizamya zakraH paryAkulO'jani bhavanmahimAvamarzAt| EvaM prazAntaramaNIyatarO'vatAras tvattO'dhikO varada kRSNatanustvamEva||8|| |
dakSastu dhAturatilALanayA rajOndhO nAtyAdRtastvayi ca kaSTamazAntirAsIt| yEna vyarundha sa bhavattanumEva zarvam yajJO ca vairapizunE svasutAM vyamAnIt||9|| |
kRddhEzamarditamakhaH sa tu kRttazIrSO dEvaprasAditaharAdatha labdhajIvaH| tvatpUritakratuvaraH punarApa zAntim sa tvaM prazAntikara pAhi marutpurEza||10|| |
||iti zrImannArAyaNIyE SODaza-dazakaM sampUrNam||
