tripaJcAzattama-dazakam -- dhEnukAsuravadhaH

atItya bAlyaM jagatAM patE tvam upEtya paugaNDavayO manOjJam|
upEkSya vatsAvanamutsavEna prAvartathA gOgaNapAlanAyAm||1||

upakramasyAnuguNaiva sEyaM marutpurAdhIza tava pravRttiH|
gOtrAparitrANakRtE'vatINastadEva dEvA''rabhathAstadA yat||2||

kadApi rAmENa samaM vanAntE vanazriyaM vIkSya caransukhEna|
zrIdAmanAmnaH svasakhasya vAcA mOdAdagA dhEnukakAnanaM tvam||3||

uttAlatAlInivahE tvaduktyA balEna dhUtE'tha balEna dOrbhyAm|
mRduH kharazcAbhyapatatpurastAt phalOtkarO dhEnukadAnavO'pi||4||

samudyatO dhainukapAlanE'haM vadhaM kathaM dhainukamadya kurvE|
itIva matvA dhruvamagrajEna suraughayOddhAramajIghatastvam||5||

tadIyabhRtyAnapi jambukatvEnOpAgatAnagrajasaMyutastvam|
jambUphalAnIva tadA nirAsthastAlESu khElanbhagavan nirAsthaH||6||

vinighnati tvayyatha jambukaughaM sanAmakatvAdvaruNastadAnIm|
bhayAkulO jambukanAmadhEyaM zrutiprasiddhaM vyadhitEti manyE||7||

tavAvatArasya phalaM murArE saJjAtamadyEti surairnutastvam|
satyaM phalaM jAtamihEti hAsI bAlaiH samaM tAlaphalAnyabhuGkthAH||8||

madhudravasrunti bRhanti tAni phalAni mEdObharabhRnti bhuktvA|
tRptaizca dRptairbhavanaM phalaughaM vahadbhirAgAH khalu bAlakaistvam||9||

hatO hatO dhEnuka ityupEtya phalAnyadadbhirmadhurANi lOkaiH|
jayEti jIvEti nutO vibhO tvaM marutpurAdhIzvara pAhi rOgAt||10||