From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
EkOnatriMza-dazakam -- mOhinI avatAraH
udgacchatastava karAdamRtaM haratsu daityESu tAnazaraNAnanunIya dEvAn| sadhastirOdadhitha dEva bhavatprabhAvAd udyatsayUthyakalahA ditijA babhUvuH||1|| |
zyAmAM rucApi vayasApi tanuM tadAnIm prAptO'si tuGgakucamaNDalaMbhaGgurAM tvam| pIyuSakumbhakalahaM parimucya sarvE tRSNAkulAH pratiyayustvadurOjakumbhE||2|| |
kA tvaM mRgAkSi vibhajasva sudhAmimAmi- tyArUDharAgavivazAnabhiyAcatO'mUn| vizvasyatE mayi kathaM kulaTAsmi daityA ityAlapannapi suvizvasitAnatAnIH||3|| |
mOdAtsudhAkalazamESu dadatsu sA tvam duzcESTitaM mama sahadhvamiti bruvANA| paGktiprabhEdavinivEzitadEvadaityA lIlAvilAsagatibhiH samadAH sudhAM tAm||4|| |
asmAsviyaM praNayinItyusurESu tESu jOSaM sthitESvatha samApya sudhAM surESu| tvaM bhaktalOkavazagO nijarUpamEtya svarbhAnumardhaparipItasudhaM vyalAvIH||5|| |
tvattaH sudhAharaNayOgyaphalaM parESu dattvA gatE tvayi suraiH khalu tE vyagRhNan| ghOrE'tha mUrchati raNE balidaityamAyA- vyAmOhitE suragaNE tvamihAvirAsIH||6|| |
tvaM kAlanEmimatha mAlisukhAJjaghantha zakrO jaghAna balijambhavalAn sapAkAn| zuSkArdraduSkaravadhE namucau ca lUnE phEnEna nAradagirA nyaruNO raNaM tvam||7|| |
yOSAvapurdanujamOhanamAhitaM tE zrutvaM vilOkanakutUhalavAnmahEzaH| bhUtaissamaM girijayA ca gataH padaM tE stutvAbravIdabhimataM tvamathO tirOdhAH||8|| |
ArAmasImani ca kandukaghAtalIlA- lOlAyamAnanayanAM kamanIM manOjJAm| tvAmESa vIkSya vigaLadvasanAM manObhU- vEgAdanaGgaripuraGga samAliliGga||9|| |
bhUyO'pi vidrutavatImupadhAvya dEvO vIryapramOkSavikasatparamArthabOdhaH| tvanmAnitastava mahattvamuvAca dEvyai tattAdRzastvamava vAtanikEtanAtha||10|| |
||iti zrImannArAyaNIyE EkOnatriMza-dazakaM sampUrNam||
