From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
paJcasaptatitama-dazakam -- kaMsavadhaH
prAtaH santrastabhOjakSitipativacasA prastutE mallatUryE saGghE rAjJAM ca maJcAnabhiyayuSi gatE nandagOpE'pi harmyam| kaMsE saudhAdhirUDhE tvamapi sahabalaH sAnugazcAruvESO raGgadvAraM gatO'bhUH kupitakuvalayApIDanAgAvalIDham||1|| |
pApiSThApEhi mArgAd{}drutamiti vacasA niSThurakruddhabuddhE- ragbaSThasya praNOdAdadhikajavajuSA hastinA gRhyamANaH| kElImuktO'tha gOpIkucakalazaciraspardhinaM kumbhamasya vyAhatyAlIyathAstvaM caraNabhuvi punarnirgatO valguhAsI||2|| |
hastaprApyO'pyagamyO jhaTiti munijanasyEva dhAvangajEndram krIDannApatya bhUmau punarabhipatatastasya dantaM sajIvam| mUlAdunmUlya tanmUlagamahitamahAmauktikAnyAtmamitrE prAdAstvaM hAramEbhirlalitaviracitaM rAdhikAyai dizEti||3|| |
gRhNAnaM dantamaMsE yutamatha halinA raGgamaGgAvizantam tvAM maGgalyAGgabhaGgIrabhasahRtamanOlOcanA vIkSya lOkAH| haMhO dhanyO nu nandO nahi nahi pazupAlAGganA nO yazOdA nO nO dhanyEkSaNAH smastrijagati vayamEvEti sarvE zazaMsuH||4|| |
pUrNaM brahmaiva sAkSAnniravadhiparamAnandasAndraprakAzam gOpESu tvaM vyalAsIrna khalu bahujanaistAvadAvEditO'bhUH| dRSTvAtha tvAM tadEdaMprathamamupagatE puNyakAlE janaughAH pUrNAnandA vipApAH sarasamabhijagustvatkRtAni smRtAni||5|| |
cANUrO mallavIrastadanu nRpagirA muSTikO muSTizAlI tvAM rAmaM cAbhipEdE jhaTajhaTiti mithO muSTipAtAtirUkSam| utpAtApAtanAkarSaNavividharaNAnyAsatAM tatra citram mRtyOH prAgEva mallaprabhuragamadayaM bhUrizO bandhamOkSAn||6|| |
hA dhikkaSTaM kumArau sulalitavapuSau mallavIrau kaThOrau na drakSyAmO vrajAmastvaritamiti janE bhASamANE tadAnIm| cANUraM taM karAd{}bhrAmaNavigaladasuM pOthayAmAsithOrvyAm piSTO'bhUnmuSTikO'pi drutamatha halinA naSTaziSTairdadhAvE||7|| |
kaMsassaMvAryaM tUryaM khalamatiravidankAryamAryAn pitRRMstA- nAhantuM vyAptamUrtEstava ca samaziSaddUramutsAraNAya| ruSTO duSTOktibhistvaM garuDa iva giriM maJcamaJcannudaJcat khaGgavyAvadgadussaGgrahamapi ca haThAtprAgrahIraugrasEnim||8|| |
sadyO niSpiSTasandhiM bhuvi narapatimApAtya tasyOpariSTAt tvayyApAtyE tadaiva tvadupari patitA nAkinAM puSpavRSTiH| kiM kiM brUmastadAnIM satatamapi bhiyA tvadgatAtmA sa bhEjE sAyujyaM tvadvadhOtthA parama paramiyaM vAsanA kAlanEmEH||9|| |
tad{}bhrAtRRnaSTa piSTvA drutamatha pitarau sannamannugrasEnam kRtvA rAjAnamuccairyadukulamakhilaM mOdayankAmadAnaiH| bhaktAnAmuttamamJcOddhavamamaragurOrAptanItiM sakhAyam labdhvA tuSTO nagaryAM pavanapurapatE rundhi mE sarvarOgAn||10|| |
||iti zrImannArAyaNIyE paJcasaptatitama-dazakaM sampUrNam||
