From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
SaTSaSTitama-dazakam -- gOpIjanAhlAdanam
upayAtAnAM sudRzAM kusumAyudhabANapAtavivazAnAm| abhivAJchitaM vidhAtuM kRtamatirapi tA jagAtha vAmamiva||1|| |
gaganagataM muninivahaM zrAvayituM jagitha kulavadhUdharmam| dharmyaM khalu tE vacanaM karma tu nO nirmalasya vizvAsyam||2|| |
AkarNya tE pratIpAM vANImENIdRzaH paraM dInAH| mA mA karuNAsindhO parityajEtyaticiraM vilEpustAH||3|| |
tAsAM ruditairlapitaiH karuNAkulamAnasO murArE tvam| tAbhiH samaM pravRttO yamunApuLinESu kAmamabhirantum||4|| |
candrakarasyandalasatsundarayamunAtaTAntavIthISu| gOpIjanOttarIyairApAditasaMstarO nyaSIdastvam||5|| |
sumadhuranarmAlapanaiH karasaGgrahaNaizca cumbanOllAsaiH| gADhAliGganasaGgaistvamaGganAlOkamAkulIcakRSE||6|| |
vAsOharaNadinE yadvAsOharaNaM pratizrutaM tAsAm| tadapi vibhO rasavivazasvAntAnAM kAntasubhruvAmadadhAH||7|| |
kandaLitadharmalEzaM kundamRdusmEravak{}trapAthOjam| nandasuta tvAM trijagatsundaramupagUhya nanditA bAlAH||8|| |
virahESvaGgAramayaH zRGgAramayazca saGgamE'pi tvam| nitarAmaGgAramayastatra punaH saGgamE'pi citramidam||9|| |
rAdhAtuGgapayOdharasAdhuparirambhalOlupAtmAnam| ArAdhayE bhavantaM pavanapurAdhIza zamaya sakalagadAn||10|| |
||iti zrImannArAyaNIyE SaTSaSTitama-dazakaM sampUrNam||
