From StotraSamhita
zrImannArAyaNIyam | |
---|---|
dazakam | |
01 02 03 04 05 06 07 08 09 10 | |
11 12 13 14 15 16 17 18 19 20 | |
21 22 23 24 25 26 27 28 29 30 | |
31 32 33 34 35 36 37 38 39 40 | |
41 42 43 44 45 46 47 48 49 50 | |
51 52 53 54 55 56 57 58 59 60 | |
61 62 63 64 65 66 67 68 69 70 | |
71 72 73 74 75 76 77 78 79 80 | |
81 82 83 84 85 86 87 88 89 90 | |
91 92 93 94 95 96 97 98 99 100 |
SaSTitama-dazakam -- gOpIvastrApaharaNam
madanAturacEtasO'nvahaM bhavadaGghridvayadAsyakAmyayA| yamunAtaTasImni saikatIM taraLAkSyO girijAM samArcican||1|| |
tava nAmakathAratAH samaM sudRzaH prAtarupAgatAH nadIm| upahArazatairapUjayan dayitO nandasutO bhavEditi||2|| |
iti mAsamupAhitavratAstaraLAkSIrabhivIkSya tA bhavAn| karuNAmRdulO nadItaTaM samayAsIttadanugrahEcchayA||3|| |
niyamAvasitau nijAmbaraM taTasImanyavamucya tAstadA| yamunAjalakhElanAkulAH puratastvAmavalOkya lajjitAH||4|| |
trapayA namitAnanAsvathO vanitAsvambarajAlamantikE| nihitaM parigRhya bhUruhO viTapaM tvaM tarasAdhirUDhavAn||5|| |
iha tAvadupEtya nIyatAM vasanaM vaH sudRzO yathAyatham| iti narmamRdusmitE tvayi vruvati vyAmumuhE vadhUjanaiH||6|| |
ayi jIva ciraM kizOra nastava dAsIravazIkarOSi kim| pradizAmbaramambujEkSaNEtyuditastvaM smitamEva dattavAn||7|| |
adhiruhya taTaM kRtAJjalIH parizuddhAH svagatIrnirIkSya tAH| vasanAnyakhilAnyanugrahaM punarEvaM giramapyadA mudA||8|| |
viditaM nanu vO manISitaM vaditArastviha yOgyamuttaram| yamunApulinE sacandrikAH kSaNadA ityabalAstvamUcivAn||9|| |
upakarNya bhavanmukhacyutaM madhuniSyandi vacO mRgIdRzaH| praNayAdayi vIkSya vIkSya tE vadanAbjaM zanakairgRhaM gatAH||10|| |
iti nanvanugRhya ballavIrvipinAntESu purEva saJcaran| karuNAzizirO harE hara tvarayA mE sakalAmayAvalim||11|| |
||iti zrImannArAyaNIyE SaSTitama-dazakaM sampUrNam||