From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
paJcatriMza-dazakam -- zrIrAmAvatAraH - 2
nItassugrIvamaitrIM tadanu dundubhEH kAyamuccaiH kSiptvAGguSThEna bhUyO lulavitha yugapatpatriNA sapta sAlAn| hatvA sugrIvaghAtOdyatamatulabalaM vAlinaM vyAjavRttyA varSAvElAmanaiSIrvirahataraLitastvaM mataGgAzramAntE||1|| |
sugrIvENAnujOktyA sabhayamabhiyatA vyUhitAM vAhinIM tA- mRkSANAM vIkSya dikSu drutamatha dayitAmArgaNAyAvanamrAm| sandEzaM cAngulIyaM pavanasutakarE prAdizO mOdazAlI mArgE mArgE mamArgE kapibhirapi tadI tvatpriyA saprayAsaiH||2|| |
tvadvArtAkarNanOdyadgarudurujavasampAtisampAtivAkya- prOttIrNArNOdhirantarnagari janakajAM vIkSya dattvA'GgulIyam| prakSudyOdyAnamakSakSapaNacaNaraNaH sODhabandhO dazAsyam dRSTvA pluSTvA ca laGkAM jhaTiti sa hanumAnmauliratnaM dadau tE||3|| |
tvaM sugrIvAGgadAdiprabalakapicamUcakravikrAntabhUmI- cakrO'bhikramya pArEjaladhi nizicarEndrAnujAzrIyamANaH| tatprOktAM zatruvArtAM rahasi nizamayanprArthanApArthyarOSa- prAstAgnEyAstratEjastrasadudadhigirA labdhavAnmadhyamArgam||4|| |
kIzairAzAntarOpAhRtagirinikaraiH sEtumAdhApya yAtO yAtUnyAmardya daMSTrAnakhazikharizilAsAlazastraiH svasainyaiH| vyAkurvansAnujastvaM samarabhuvi paraM vikramaM zakrajEtrA vEgAnnAgAstrabaddhaH patagapatigarunmArutairmOcitO'bhUH||5|| |
saumitristvatra zaktiprahRtigaLadasurvAtajAnItazaila- ghrANAtpraNAnupEtO vyakRNuta kusRtizlAghinaM mEghanAdam| mAyAkSObhESu vaibhISaNavacanahRtastambhanaH kumbhakarNam samprAptaM kampitOrvItalamakhilacamUbhakSiNaM vyakSiNOstvam||6|| |
gRhNan jambhArisamprESitarathakavacau rAvaNEnAbhiyudhyan brahmAstrENAsya bhindan gaLatatimabalAmagnizuddhAM pragRhNan| dEva zrENIvarOjjIvitasamaramRtairakSatairRkSasaGghair- laGkAbhartrA ca sAkaM nijanagaramagAH sapriyaH puSpakENa||7|| |
prItO divyAbhiSEkairayutasamadhikAnvatsarAnparyaraMsI- rmaithilyAM pApavAcA ziva ziva kila tAM garbhiNImabhyahAsIH| zatrughnEnArdayitvA lavaNanizicaraM prArdayaH zUdrapAzam tAvadvAlmIkigEhE kRtavasatirupAsUta sItA sutau tE||8|| |
vAlmIkEstvatsutOdgApitamadhurakRtErAjJayA yajJavATE sItAM tvayyAptukAmE kSitimavizadasau tvaM ca kAlArthitO'bhUH| hEtOH saumitrighAtI svayamatha sarayUmagnanizzESabhRtyaiH sAkaM nAkaM prayAtO nijapadamagamO dEva vaikuNThamAdyam||9|| |
sO'yaM martyAvatArastava khalu niyataM martyazikSArthamEvam vizlESArtirnirAgastyajanamapi bhavEtkAmadharmAtisaktyA| nO cEtsvAtmAnubhUtEH kvanu tava manasO vikriyA cakrapANE sa tvaM sattvaikamUrtE pavanapurapatE vyAdhunu vyAdhitApAn||10|| |
||iti zrImannArAyaNIyE paJcatriMza-dazakaM sampUrNam||
