From StotraSamhita
zrImannArAyaNIyam | |
---|---|
dazakam | |
01 02 03 04 05 06 07 08 09 10 | |
11 12 13 14 15 16 17 18 19 20 | |
21 22 23 24 25 26 27 28 29 30 | |
31 32 33 34 35 36 37 38 39 40 | |
41 42 43 44 45 46 47 48 49 50 | |
51 52 53 54 55 56 57 58 59 60 | |
61 62 63 64 65 66 67 68 69 70 | |
71 72 73 74 75 76 77 78 79 80 | |
81 82 83 84 85 86 87 88 89 90 | |
91 92 93 94 95 96 97 98 99 100 |
tricatvAriMza-dazakam -- tRNAvartavadhaH
tvamEkadA gurumarutpuranAtha vODhum gADhAdhirUDhagarimANamapArayantI| mAtA nOdhAya zayanE kimidaM batEti dhyAyantyacESTata gRhESu niviSTazaGkA||1|| |
tAvadvidUramupakarNitaghOraghOSa- vyAjRmbhipAMsupaTalIparipUritAzaH| vAtyAvapuH sa kila daityavarastRNAva- rtAkhyO jahAra janamAnasahAriNaM tvAm||2|| |
uddAmapAMsutimirAhatadRSTipAtE draSTuM kimapyakuzalE pazupAlalOkE| hA bAlaksya kimiti tvadupAntamAptA mAtA bhavantamavilOkya bhRzaM rurOda||3|| |
tAvatsa dAnavavarO'pi ca dInamUrti- rbhAvatkabhAraparidhAraNalUnavEgaH| saGkOcamApa tadanu kSatapAMsughOSE ghOSE vyatAyata bhavajjananIninAdaH||4|| |
rOdOpakarNanavazAdupagamya gEham krandatsu nandamukhagOpakulESu dInaH| tvAM dAnavastvakhilamuktikaraM mumukSu- stvayyapramuJcati papAta viyatpradEzAt||5|| |
rOdAkulAstadanu gOpagaNA bahiSTha- pASANapRSThabhuvi dEhamatisthaviSTham| praikSanta hanta nipantamamuSya vakSa- syakSINamEva ca bhavantamalaM hasantam||6|| |
grAvaprapAtaparipiSTagariSThadEha- bhraSTAsuduSTadanujOpari dhRSTahAsam| AghnAnamambujakarENa bhavantamEtya gOpA dadhurgirivarAdiva nIlaratnam||7|| |
EkaikamAzu parigRhya nikAmananda- nnandAdigOpaparirabdhavicumbatAGgam| AdAtukAmaparizaGkitagOpanArI- hastAmbujaprapatitaM praNumO bhavantam||8|| |
bhUyO'pi kinnu kRNumaH praNatArtihArI gOvinda Eva paripAlayatAtsutaM naH| ityAdi mAtarapitRpramukhaistadAnIm samprArthitastvadavanAya vibhO tvamEva||9|| |
vAtAtmakaM danujamEvamayi pradhUnvan vAtOdbhavAnmama gadAnkimu nO dhunOSi| kiM vA karOmi puranapyanilAlayEza nizzESarOgazamanaM muhurarthayE tvAm||10|| |
||iti zrImannArAyaNIyE tricatvAriMza-dazakaM sampUrNam||