From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
traiguNyAdbhinnarUpaM bhavati hi bhuvanE hInamadhyOttamaM yat\- jJAnaM zraddhA cha kartA vasatirapi sukhaM karma chAhArabhEdAH| tvatkShEtratvanniShEvAdi tu yadiha punastvatparaM tattu sarvam prAhurnairguNyaniShThaM tadanubhajanatO maGkShu siddhO bhavEyam||1|| |
tvayyEva nyastachittaH sukhamayi vicharansarvachEShTAstvadartham tvadbhaktaissEvyamAnAnapi charitacharAnAzrayan puMNyadEzAn| dasyau viprE mRgAdiShvapi cha samamatirmuchyamAnAvamAna\- spardhAsUyAdidOShaH satatamakhilabhUtEShu saMpUjayE tvAm||2|| |
tvadbhAvO yAvadEShu sphurati na vizadaM tAvadEvaM hyupAstim kurvannaikAtmyabOdhE jhaTiti vikasati tvanmayO'haM charEyam| tvaddharmasyAsya tAvatkimapi na bhagavan prastutasya praNAza\- stasmAtsarvAtmanaiva pradiza mama vibhO bhaktimArgaM manOjham||3|| |
taJchainaM bhaktiyOgaM draDhayitumayi mE sAdhyamArOgyamAyu\- rdiShTyA tatrApi sEvyaM tava charaNamahO bhEShajAyEva dugdham| mArkaNDEyO hi pUrvaM gaNakanigaditadvAdazAbdAyuruchchaiH sEvitvA vatsaraM tvAM tava bhaTanivahairdrAvayAmAsa mRtyum||4|| |
mArkaNDEyazchirAyussa khalu punarapi tvatparaH puShpabhadrA\- tIrE ninyE tapasyannatulasukharatiH ShaT tu manvantarANi| dEvEndrassaptamastaM surayuvatimarunmanmathairmOhayiShyan yOgOShmapluShyamANairna tu punarazakattvajjanaM nirjayEt kaH||5|| |
prItyA nArAyaNAkhyastvamatha narasakhaH prAptavAnasya pArzvam tuShTyA tOShTUyamAnaH sa tu vividhavarairlObhitO nAnumEnE| draShTuM mAyAM tvadIyAM kila punaravRNOdbhaktitRptAntarAtmA mAyAduHkhAnabhijJastadapi mRgayatE nUnamAzcharyahEtOH||6|| |
yAtE tvayyAzu vAtAkulajaladagaLattOyapUrNAtighUrNa\- tsaptArNOrAzi magnE jagati sa tu jalE sambhramanvarShakOTIH| dInaH praikShiShTa dUrE vaTadalazayanaM kaJchidAzcharyabAlam tvAmEva zyAmaLAGgaM vadanasarasijanyastapAdAGgulIkam||7|| |
dRShTvA tvAM hRShTarOmA tvaritamabhigataH spraShTukAmO munIndraH zvAsEnAntarniviShTaH punariha sakalaM dRShTavAn viShTapaugham| bhUyO'pi zvAsavAtairbahiranupatitO vIkShitastvatkaTAkShai\- rmOdAdAzlEShTukAmastvayi pihitatanau svAzramE prAgvadAsIt||8|| |
gauryA sArdhaM tadagrE purabhidatha gatastvatpriyaprEkShaNArthI siddhAnEvAsya dattvA svayamayamajarAmRtyutAdIn gatO'bhUt| EvaM tvatsEvayaiva smararipurapi sa prIyatE yEna tasmA\- nmUrtitrayyAtmakastvaM nanu sakalaniyantEti suvyaktamAsIt||9|| |
tryaMzE'sminsatyalOkE vidhiharipurabhinmandirANyUrdhvamUrdhvam tEbhyO'pyUrdhvaM tu mAyAvikRtivirahitO bhAti vaikuNThalOkaH| tatra tvaM kAraNAmbhasyapi pazupakulE zuddhasattvaikarUpI sachchidbrahmAdvayAtmA pavanapurapatE pAhi mAM sarvarOgAt||10|| |
||iti zrImannArAyaNIyE saptanavatitama-dazakaM sampUrNam||
