From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
catuzcatvAriMza-dazakam -- nAmakaraNam
gUDhaM vasudEvagirA kartuM tE niSkriyasya saMskArAn| hRdgatahOrAtat{}vO gargamunistvadgRhM vibhO gatavAn||1|| |
nandO'tha nanditAtmA vRndiSTaM mAnayannamuM yaminAm| mandasmitArdramUcE tvatsaMskArAn vidhAtumutsukadhIH||2|| |
yaduvaMzAcAryatvAt sunibhRtamidamArya kAryamiti kathayan| gargO nirgatapuLakazcakrE tava sAgrajasya nAmAni||3|| |
kathamasya nAma kurvE sahasranAmnO hyanantanAmnO vA| iti nUnaM gargamunizcakrE tava nAma nAma rahasi vibhO||4|| |
kRSidhAtuNakArAbhyAM sattAnandAtmatAM kilAbhilapat| jagadaghakarSitvaM vA kathayadRSiH kRSNanAma tE vyatanOt||5|| |
anyAMzca nAmabhEdAn vyAkurvannagrajE ca rAmAdIn| atimAnuSAnubhAvaM nyagadattvAmaprakAzayanpitrE||6|| |
snihyati yatsava putrE muhyati sa na mAyikaiH punazzOkaiH| dRhyati yassa tu nazyEdityavadattE mahattvamRSivaryaH||7|| |
jESyati bahutaradaityAn nESyati nijabandhulOkamamalapadam| zrOSyati suvimalakIrtIrasyEti bhavadvibhUtimRSirUcE||8|| |
amunaiva sarvadurgaM taritAstha kRtAsthamatra tiSThadhvam| harirEvEtyanabhilapannityAdi tvAmavarNayat sa muniH||9|| |
gargE'tha nirgatE'smin nanditanandAdinandyamAnastvam| madgadamudgatakaruNO nirgamaya zrImarutpurAdhIza||10|| |
||iti zrImannArAyaNIyE catuzcatvAriMza-dazakaM sampUrNam||
