From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
catuHSaSTitama-dazakam -- gOvindAbhiSEkaH
AlOkya zailOddharaNAdirUpaM prabhAvamuccaistava gOpalOkAH| vizvEzvaraM tvAmabhimatya vizvE nandaH bhavajjAtakamanvapRcchan||1|| |
gargOditO nirgaditO nijAya vargAya tAtEna tava prabhAvaH| pUrvAdhikstvayyanurAga ESAmaidhiSTa tAvadbahumAnabhAraH||2|| |
tatO'vamAnOditatattvabOdhaH surAdhirAjaH saha divyagavyA| upEtya tuSTAva sa naSTagarvaH spRSTvA padAb{}jaM maNimaulinA tE||3|| |
snEhastunaistvAM surabhiH payObhirgOvindanAmAGkitamabhyaSiJcat| airAvatOpAhRtadivyagaGgApAthObhirindrO'pi ca jAtaharSaH||4|| |
jagattrayEzE tvayi gOkulEza tathA'bhiSiktE sati gOpavATaH| nOkE'pi vaikuNThapadE'pyalabhyAM zriyaM prapEdE bhavataH prabhAvAt||5|| |
kadAcidantaryamunaM prabhAtE snAyan pitA vAruNapUruSENa| nItastamAnEtumagAH purIM tvaM tAM vAruNIM kAraNamartyarUpaH||6|| |
sasambhramaM tEna jalAdhipEna prapUjitastvaM pratigRhya tAtam| upAgatastatkSaNamAtmagEhaM pitA'vadattaccaritaM nijEbhyaH||7|| |
hariM vinizcitya bhavantamEtAn bhavatpadAlOkanabaddhatRSNAn| nirIkSya viSNO paramaM padaM taddurApamanyaistvamadIdRzastAn||8|| |
sphuratparAnandarasapravAhaprapUrNakaivalyamahApayOdhau| ciraM nimagnAH khalu gOpasaGghAstvayaiva bhUman punaruddhRtAstE||9|| |
karabadaravadEvaM dEva kutrAvatArE nijapadamanavApyaM darzitaM bhaktibhAjAm| tadiha pazuparUpI tvaM hi sAkSAtparAtmA pavanapuranivAsin pAhi mAmAmayEbhyaH||10|| |
||iti zrImannArAyaNIyE catuHSaSTitama-dazakaM sampUrNam||
