caturazItitama-dazakam -- samantapaJcakayAtrA

kvachidatha tapanOparAgakAlE puri nidadhatkRtavarmakAmasUnU|
yadukulamahiLAvRtaH sutIrthaM samupagatO'si samantapaJchakAkhyam||1||

bahutarajanatAhitAya tatra tvamapi punanvinimajjya tIrthatOyaM|
dvijagaNaparimuktavittarAziH samamiLathAH kurupANDavAdimitraiH||2||

tava khalu dayitAjanaiH samEtA drupadasutA tvayi gADhabhaktibhArA|
taduditabhavadAhRtiprakArairatimumudE samamanyabhAminIbhiH||3||

tadanu cha bhagavan nirIkShya gOpAnatikutukAdupagamya mAnayitvA|
chirataravirahAturAGgarEkhAH pazupavadhUH sarasaM tvamanvayAsIH||4||

sapadi cha bhavadIkShaNOtsavEna pramuShitamAnahRdAM nitambinInAm|
atirasaparimuktakaJchulIkE parichayahRdyatarE kuchE nyalaiShIH||5||

ripujanakalahaiH punaH punarmE samupagatairiyatI vilamban'AbhUt|
iti kRtaparirambhaNE tvayi drAgativivazA khalu rAdhikA nililyE||6||

apagatavirahavyathAstadA tA rahasi vidhAya dadAtha tattvabOdham|
paramasukhachidAtmakO'hamAtmEtyudayatu vaH sphuTamEva chEtasIti||7||

sukharasaparimizritO viyOgaH kimapi purAbhavaduddhavOpadEzaiH|
samabhavadamutaH paraM tu tAsAM paramasukhaikyamayI bhavadvichintA||8||

munivaranivahaistavAtha pitrA duritazamAya zubhAni pRchChyamAnaiH|
tvayi sati kimidaM zubhAntarairityuruhasitairapi yAjitastadAsau||9||

sumahati yajanE vitAyamAnE pramuditamitrajanE sahaiva gOpAH|
yadujanamahitAstrimAsamAtraM bhavadanuShaGgarasaM purEva bhEjuH||10||

vyapagamasamayE samEtya rAdhAM dRDhamupagUhya nirIkShya vItakhEdAm|
pramuditahRdayaH puraM prayAtaH pavanapurEzvara pAhi mAM gadEbhyaH||11||