From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
Ekasaptatitama-dazakam -- kEzivadhaH vyOmAsuravadhazca
yatnESu sarvESvapi nAvakEzI kEzI sa bhOjEzituriSTabandhuH| tvaM sindhujAvApya itIva matvA saMprAptavAnsindhujavAjirUpaH||1|| |
gandharvatAmESa gatO'pi rUkSairnAdaiH samudvEjitasarvalOkaH| bhavadvilOkAvadhi gOpavATIM pramardya pApaH punarA patattvAm||2|| |
tArkSyArpitAGghrEstava tArkSya ESa cikSEpa vakSObhuvi nAma pAdam| bhRgOH padAghAtakathAM nizamya svEnApi zakyaM taditIva mOhAt||3|| |
pravaJcayannasya khurAJcalaM drAgamuM ca vikSEpitha dUradUram| saMmUrchitO'pi hatimUrchitEna krOdhOSmaNA khAditumAdrutastvAm||4|| |
tvaM vAhadaNDE kRtadhIzca bAhAdaNDaM nyadhAstasya mukhE tadAnIm| tad{}vRddhiruddhazvasanO gatAsuH saptIbhavannapyayamaikyamAgAt||5|| |
AlambhamAtrENa pazOH surANAM prasAdakE nUtna ivAzvamEdhE| kRtE tvayA harSavazAtsurEndrAstvAM tuSTuvuH kEzavanAmadhEyam||6|| |
kaMsAya tE zaurisutatvamuktvA taM tadvadhOtkaM pratirudhya vAcA| prAptEna kEzikSapaNAvasAnE zrInAradEna tvamabhiSTutO'bhUH||7|| |
kadApi gOpaiH saha kAnanAntE nilAyanakrIDanalOlupaM tvAm| mayAtmajaH prApa durantamAyO vyOmAbhidhO vyOmacarOparOdhI||8|| |
sa cOrapAlAyitavallavESu cOrAyitO gOpazizUnpazUMzca| guhAsu kRtvA pidadhE zilAbhistvayA ca buddhvA parimarditO'bhUt||9|| |
EvaMvidhaizcAdbhutakElibhEdairAnandamUrchAmatulAM vrajasya| padE padE nUtanayannasImAM parAtmarUpin pavanEzapAyAH||10|| |
||iti zrImannArAyaNIyE Ekasaptatitama-dazakaM sampUrNam||
