From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
paJcaviMza-dazakam -- narasiMhAvatAraH
stambhE ghaTTayatO hiraNyakazipOH karNau samAcUrNaya- nnAdhUrNajjagadaNdakuNDakuharO ghOrastavAbhUdravaH| zrutvA yaM kila daityarAjahRdayE pUrvaM kadApyazrutam kampaH kazcana sampapAtcalitO'pyambhOjabhUrviSTarAt||1|| |
daityE dikSu visRSTacakSuSi mahAsaMrAmbhiNI stambhataH sambhUtaM na mRgAtmakaM na manujAkAraM vapustE vibhO| kiM kiM bhISaNamEtadadbhutamiti vyud{}bhrAntacittE'surE visphUrjaddhavalOgrarOmavikasadvarSmA samAjRmbhathAH||2|| |
taptasvarNasavarNaghUrNadatirUkSAkSaM saTAkEsara- prOtkampapranikumbitAmbaramahO jIyAttavEdaM vapuH| vyAttavyAptamahAdarIsakhamukhaM khaGgOgravadganmahA- jihvAnirgamadRzyamAnasumahAdaMSTrAyugODDAmaram||3|| |
utsarpadvalibhaGgabhISuNahanuM hrasvasthavIyastara- grIvaM pIvaradOzzatOdgatanakhakRRrAMzudUrOdbaNam| vyOmOllaGghighanAghanOpamaghanapradhvAnanirdhAvita- spardhAluprakaraM namAmi bhavatastannArasiMhaM vapuH||4|| |
nUnaM viSNurayaM nihanmyamumiti bhrAmyadgadAbhISaNam daityEndraM samupAdravantamadhRthA dOrbhyAM pRthubhyAmamum| vIrO nirgaLitO'tha khaDgaphalakau gRhNanvicitrazramAn vyAvRNvanpunarApapAta bhuvanagrAsOdyataM tvAmahO||5|| |
bhrAmyantaM ditihAdhamaM punarapi prOdgRhya dOrbhyAM javAd dvArE'thOruyugE nipAtya nakharAnvyutnkhAya vakSObhuvi| nirbhindannadhigarbhanirbharagaLadraktAmbu baddhOtsavam pAyaM pAyamudairayO bahujagatsaMhArisiMhAravAn||6|| |
tyaktvA taM hatamAzu raktalaharIsiktOnnamadvarSmaNi pratyutpatya samastadaityapaTalIM cAkhAdyamAnE tvayi| bhrAmyadbhUmi vikampitAmbudhikulaM vyAlOlazailOtkaram prOtsarpatkhacaraM carAcaramahO duHsthAmavasthAM dadhau||7|| |
tAvanmAMsavapAkarALavapuSaM ghOrAntramAlAdharam tvAM madhyEsabhamiddharOSamuSitaM durvAragurvAravam| abhyEtuM na zazaka kO'pi bhuvanE dUrE sthitA bhIravaH sarvE zarvaviriJcavAsavamukhAH pratyEkamastOSata||8|| |
bhUyO'pyakSatarOSadhAmni bhavati brahmAjJayA bAlakE prahlAdE padayOrnamatyapabhayE kAruNyabhArAkulaH| zAntastvaM karamasya mUrdhni samadhAH stOtrairathOdnAyata- stasyAkAmadhiyO'pi tEnitha varaM lOkAya cAnugraham||9|| |
EvaM nATitaraudracESTita vibhO zrItApanIyAbhidha- zrutyantasphuTagItasarvamahimannatyantazuddhAkRtE| tattAdRG{}nikhilOttaraM punarahO kastvAM parO laGghayEt prahlAdapriya hE marutpurapatE sarvAmayAtpAhi mAm||10|| |
||iti zrImannArAyaNIyE paJcaviMza-dazakaM sampUrNam||
