From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
catuHsaptatitama-dazakam -- bhagavataH madhurApurIpravEzaH
samprAptO mathurAM dinArdhavigamE tatrAntarasminvasa- nnArAmE vihitAzanaH sakhijanairyAtaH purImIkSitum| prApO rAjapathaM cirazrutidhRtavyAlOkakautUhala- strIpuMsOdyadagaNyapuNyanigaLairAkRSyamANO nu kim||1|| |
tvatpAdaddutivatsarAgasubhagAstvanmUrtivadyOSitaH samprAptA vilasatpayOdhararucO lOlA bhavad{}dRSTivat| hAriNyastvadurassthalIvadayi tE mandasmitaprauDhiva- nnairmalyOllasitAH kacaugharucivadrAjatkalApAzritAH||2|| |
tAsAmAkalayannapAGgavalanairmOdaM praharSAdbhuta- vyAlOlESu janESu tatra rajakaM kaJcitpaTIM prArthayan| kastE dAsyati rAjakIyavasanaM yAhIti tEnOditaH sadyastasya karENa zIrSamahRthAH sO'pyApa puNyAM gatim||3|| |
bhUyO vAyakamEkamAyatamatiM tOSENa vESOcitam dAzvAMsaM svapadaM ninEtha sukRtaM kO vEda jIvAtmanAm| mAlAbhiH stabakaiH stavairapi punarmAlAkRtA mAnitO bhaktiM tEna vRtAM didEzitha parAM lakSmIM ca lakSmIpatE||4|| |
kub{}jAmab{}javilOcanAM pathi punardRSTvAGgarAgE tayA dattE sAdhu kilAGgarAgamadadAstasyA mahAntaM hRdi| cittasthAmRjutAmatha prathayituM gAtrE'pi tasyAH sphuTam gRhNanmaJju karENa tAmudanayastAvajjagatsundarIm||5|| |
tAvannizcitavaibhavAstava vibhO nAtyantapApA janA yatkiJciddadatE sma zaktyanuguNaM tAmbUlamAlyAdikam| gRhNAnaH kusumAdi kiJcana tadA mArgE nibaddhAJjali- rnAtiSThaM bata yatO'dya vipulAmArtiM vrajAmi prabhO||6|| |
ESyAmiti vimuktayApi bhagavannAlEpadAtryA tayA dUrAtkAtarayA nirIkSitagatistvaM prAvizO gOpuram| AghOSAnumitatvadAgamamahAharSOllaladdEvakI- vakSOjapragalatpayOrasamiSAttvatkIrtirantargatA||7|| |
AviSTO nagarIM mahOtsavavatIM kOdaNDazAlAM vrajan mAdhuryENa nu tEjasA nu puruSairdUrENa dattAntaraH| sragbhirbhUSitamarcitaM varadhanurmAmEti vAdAtpuraH prAgRhNAH samarOpayaH kila samAkrAGkSIrabhAGkSIrapi||8|| |
zvaH kaMsakSapaNOtsavasya purataH prArambhatUryOpama- zcApadhvaMsamahAdhvanistava vibhO dEvAnarOmAJcayat| kaMsasyApi ca vEpathustaduditaH kOdaNDakhaNDadvayI- caNDAbhyAhatarakSipUruSaravairutkUlitO'bhUttvayA||9|| |
ziSTairduSTajanaizca dRSTamahimA prItyA ca bhItyA tataH saMpazyanpurasampadaM pravivaransAyaM gatO vATikAm| zrIdAmnA saha rAdhikAvirahajaM khEdaM vadanprasvapa- nnAnandannavatArakAryaghaTanAdvAtEza saMrakSa mAm||10|| |
||iti zrImannArAyaNIyE catuHsaptatitama-dazakaM sampUrNam||
