From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
vaidaissarvANi karmANyaphalaparatayA varNitAnIti budhvA tAni tvayyarpitAnyEva hi samanucaran yAni naiSkarmyamIza| mA bhUdvEdairniSiddhE kuhacidapi manaHkarmavAcAH pravRtti- rdurvarjjaJcEdavAptaM tadapi khalu bhavatyarpayE citprakAzE||1|| |
yastvanyaH karmayOgastava bhajanamayastatra cAbhISTamUrtim hRdyAM sattvaikarUpAM dRSadi hRdi mRdi kvApi vA bhAvayitvA| puSpairgandhairnivEdyairapi ca viracitaiH zaktitO bhaktipUtai- rnityaM varyAM saparyAM vidadhadayi vibhO tvatprasAdaM bhajEyam||2|| |
strIzUdrAstvatkathAdizravaNavirahitA AsatAM tE dayArhA- stvatpAdAsannayAtAndvijakulajanuSO hanta zOcAmyazAntAn| vRttyarthaM tE yajantO bahukathitamapi tvAmanAkarNayantO dRptA vidyAbhijAtyaiH kimu na vidadhatE tAdRzaH mA kRthA mAm||3|| |
papO'yaM kRSNa rAmEtyabhilapati nijaM gUhituM duzcAritram nirlajjasyAsya vAcA bahutarakathanIyAni mE vighnitAni| bhrAtA mE vandhyazIlO bhajati kila sadA viSNumitthaM budhAMstE nindantyuccairhasanti tvayi nihitaratIMstAdRzaM mA kRthA mAm||4|| |
zvEtacchAyaM kRtE tvAM munivaravapuSaM prINayantE tapObhi\- strEtAyAM sruksruvAdyaGkitamaruNatanuM yajJarUpaM yajantE| sEvantE tantramArgairvilasadarigadaM dvAparE zyAmalAGgam nIlaM saGkIrtanAdyairiha kalisamayE mAnuSAstvAM bhajantE||5|| |
sO'yaM kAlEyakAlO jayati muraripO yatra saGkIrtanAdyai- rniryatnairEva mArgairakhilada nacirAttvatprasAdaM bhajantE| jAtAstrEtAkRtAdAvapi hi kila kalau sambhavaM kAmayantE daivAttatraiva jAtAnviSayaviSarasairmA vibhO vaJcayAsmAn||6|| |
bhaktAstAvatkalau syurdramiLabhuvi tatO bhUrizastatra cOccaiH kAvErIM tAmraparNImanukila dhRtamAlAJca puNyAM pratIcIm| hA mAmapyEtadantarbhavamapi ca vibhO kiJcidaJcidrasaM tva\- yyAzApAzairnibadhya bhramaya na bhagavan pUraya tvanniSEvAm||7|| |
dRSTvA dharmadruhaM taM kalimapakaruNaM prAGmahIkSitparIkSi\- ddhantuM vyAkRSTakhaDgO'pi na vinihatavAn sAravEdI guNAMzAt| tvatsEvAdyAzu sidhyEdasadiha na tathA tvatparE caiSa bhIru- ryattu prAgEva rOgAdibhirapaharatE tatra hA zikSayainam||8|| |
gaGgA gItA ca gAyatryapi ca tuLasikA gOpikAcandanaM tat sALagrAmAbhipUjA parapuruSa tathaikAdazI nAmavarNAH| EtAnyaSTApyayatnAnyayi kalisamayE tvatprasAdapravRddhyA kSipraM muktipradAnItyabhidadhurRSayastESu mAM sajjayEthAH||9|| |
dEvarSINAM pitRRNAmapi na punarRNI kiGgarO vA sa bhUman yO'sau sarvAtmanA tvAM zaraNamupagataH sarvakRtyAni hitvA| tasyOtpannaM vikarmApyakhilamapanudasyEva cittasthitastvam tanmE pApOtthatApAnpavanapurapatE rundi bhaktiM praNIyAH||10|| |
||iti zrImannArAyaNIyE dvinavatitama-dazakaM sampUrNam||
