From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
paJcadaza-dazakam -- kapilOpadEzaH
matiriha guNasaktA bandhakRttESvasaktA tvamRtakRduparundhE bhaktiyOgastu saktim| mahadanugamalabhyA bhaktirEvAtra sAdhyA kapilatanuriti tvaM dEvahUtyai nyagAdIH||1|| |
prakRtimahadahaGkArAzca mAtrAzca bhUtA- nyapihRdapi dazAkSI pUruSaH paJcaviMzaH| iti viditavibhAgO mucyatE'sau prakRtyA kapilatanuriti tvaM dEvahUtyai nyagAdIH||2|| |
prakRtigataguNaughairnAjyatE pUruSO'yam yadi tu sajati tasyAM tadguNAstaM bhajEran| madanubhajanatattvAlOcanaiH sApyapEyAt kapilatanuriti tvaM dEvahUtyai nyagAdIH||3|| |
vimalamatirupAttairAsanAdyairmadaGgam garuDasamadhirUDhaM divyabhUSAyudhAGkam| rucitulitatamAlaM zIlayEtAnuvElam kapilatanuriti tvaM dEvahUtyai nyagAdIH||4|| |
mama guNaguNalIlAkarNanaiH kIrtinAdyaiH mayi surasaridOghaprakhyacittAnuvRttiH| bhavati paramabhaktiH sA hi mRtyOrvijEtrI kapilatanuriti tvaM dEvahUtyai nyagAdIH||5|| |
aha ha bahulahiMsAsaJcitArthaiH kuTumbam pratidinamanupuSNan strIjitO bAlalALI| vizati hi gRhasaktO yAtanAM mayyabhaktaH kapilatanuriti tvaM dEvahUtyai nyagAdIH||6|| |
yuvatijaTharakhinnO jAtabOdhO'pyakANDE prasavagalitabOdhaH pIDayOllaMGghya bAlyam| punarapi bata muhyatyEva tAruNyakAlE kapilatanuriti tvaM dEvahUtyai nyagAdIH||7|| |
pitRsuragaNayAjI dhArmikO yO gRhasthaH sa ca nipatati kAlE dakSiNAdhvOpagAmI| mayi nihitamakAmaM karma tUdakpathArthE kapilatanuriti tvaM dEvahUtyai nyagAdIH||8|| |
iti suviditavEdyAM dEva hE dEvahUtim kRtanutimanugRhya tvaM gatO yOgisaGghaiH| vimalamatirathA'sau bhaktiyOgEna muktA tvamapi janahitIrthaM vartasE prAgudIcyAm||9|| |
parama kimu bahUktyA tvatpadAmbhOjabhaktim sakalabhayavinEtrIM sarvakAmOpanEtrIm| vadasi khalu dRDhaM tvaM tvadvidhUyAmayAnmE gurupavanapurEza tvayyupAdhatsva bhaktim||10|| |
||iti zrImannArAyaNIyE paJcadaza-dazakaM sampUrNam||
