From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
EkOnasaptatitama-dazakam -- rAsakrIdA
kEzapAzadhRtapiJchikAvitati saJcalanmakarakuNDalam hArajAlavanamAlikAlalitamaGgarAgaghanasaurabham| pItacEladhRtakAJcikAJcitamudaJcadaMzumaNinUpuram rAsakEliparibhUSitaM tava hi rUpamIza kalayAmahE||1|| |
tAvadEva kRtamaNDanE kalitakaJculIkakucamaNDalE gaNDalOlamaNikuNDalE yuvatimaNDalE'tha parimaNDalE| antarA sakalasundarIyugalamindirAramaNa saJcaran maJjuLAM tadanu rAsakElimayi kaJjanAbha samupAdadhAH||2|| |
vAsudEva tava bhAsamAnamiha rAsakELirasasaurabham dUratO'pi khalu nAradAgaditamAkalayya kutukAkulAH| vESabhUSaNavilAsapEzalavilAsinIzatasamAvRtA nAkatO yugapadAgatA viyati vEgatO'tha suramaNDalI||3|| |
vENunAdakRtatAnadAnakalagAnarAgagatiyOjanA- lObhanIyamRdupAdapAtakRtatAlamElanamanOharam| pANisaGkvaNitakaGkaNaM ca muhuraM salambitakarAmbujam zrONibimbacaladambaraM bhajata rAsakELirasaDambaram||4|| |
zraddhayA viracitAnugAnakRtatAratAramadhurasvarE nartanE'tha lalitAGgahAraluLitAGgahAramaNibhUSaNE| sammadEna kRtapuSpavarSamalamunmiSaddiviSadAM kulam cinmayE tvayi nilIyamAnamiva saMmumOha savadhUkulam||5|| |
svinnasannatanuvallarI tadanu kApi nAma pazupAGganA kAntamaMsamavalambatE sma tava tAntibhAramukulEkSaNA| kAcidAcalitakuntaLA navapaTIrasAranavasaurabham vaJcanEna tava saJcucumba bhujamaJcitOrupuLakAGkuram||6|| |
kApi gaNDabhuvi sannidhAya nijagaNDamAkulitakuNDalam puNyapUranidhiranvavApa tava pUgacarvitarasAmRtam| indirAvihRtimandiraM bhuvanasundaraM hi naTanAntarE tvAmavApya dadhuraGganAH kimu na sammadOnmadadazAntaram||7|| |
gAnamIza virataM kramENa kila vAdyamELanamupAratam brahmasammadarasAkulAH sadasi kEvalaM nanRturaGganAH| nAvidannapi ca nIvikAM kimapi kuntalImapi ca kaJculIm jyOtiSAmapi kadambakaM divi vilambitaM kimaparaM bruvE||8|| |
mOdasImni bhuvanaM vilApya vihRtiM samApya ca tatO vibhO kElisammRditanirmalAGganavagharmalEzasubhagAtmanAm| manmathAsahanacEtasAM pazupayOSitAM sukRtacOdita- stAvadAkalitamUrtirAdadhitha mAravIraparamOtsavAn||9|| |
kELibhEdaparilOlitAbhiratilAlitAbhirabalALibhiH svairamIza nanu sUrajApayasi cAru nAma vihRtiM vyadhAH| kAnanE'pi ca visArizItalakizOramArutamanOharE sUnasaurabhamayE vilEsitha vilAsinIzatavimOhanam||10|| |
kAminIriti hi yAminISu khalu kAmanIyakanidhE bhavAn pUrNasammadarasArNavaM kamapi yOgigamyamanubhAvayan| brahmazaGkaramukhAnapIha pazupAGganAsu bahumAnayan bhaktalOkagamanIyarUpa kamanIya kRSNa paripAhi mAm||11|| |
||iti zrImannArAyaNIyE EkOnasaptatitama-dazakaM sampUrNam||
