From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
dvyazItitama-dazakam -- bANayuddham
pradyumnO raukmiNEyaH sa khalu tava kalA zambarENAhRtastam hatvA ratyA sahAptO nijapuramaharadrukmikanyAM cha dhanyAm| tatputrO'thAniruddhO guNanidhiravahadrOchanAM rukmipautrIm tatrOdvAhE gatastvaM nyavadhi musalinA rukmyapi dyUtavairAt||1|| |
bANasya sA balisutasya sahasrabAhOrmAhEzvarasya mahitA duhitA kilOShA| tvatpautramEnamaniruddhamadRShTapUrvaM svapnE'nubhUya bhagavan virahAturA'bhUt||2|| |
yOginyatIva kuzalA khalu chitralEkhA tasyAH sakhI vilikhatI taruNAnazEShAn| tatrAniruddhamuShayA viditaM nizAyA\- mAnEShTa yOgabalatO bhavatO nikEtAt||3|| |
kanyApurE dayitayA sukhamAramantaM chainaM kathaJchana babandhuShi zarvabandhau| zrInAradOktatadudantadurantarOShaistvaM tasya zONitapuraM yadubhirnyarundhAH||4|| |
purIpAlaH zailapriyaduhitRnAthO'sya bhagavAn samaM bhUtavrAtairyadubalamazaGkaM nirurudhE| mahAprANO bANO jaTiti yuyudhAnEna yuyudhE guhaH pradyumnEna tvamapi purahantrA jaghaTiShE||5|| |
niruddhAzEShAstrE mumuhuShi tavAstrENa girizE drutA bhUtA bhItAH pramathakulavIrAH pramathitAH| parAskandatskandaH kusumazarabANaizcha sachivaH sa kumbhANDO bhANDaM navamiva balEnAzu bibhidE||6|| |
chApAnAM paJchazatyA prasabhamupagatE ChinnachApE'tha bANE vyarthE yAtE samEtO jvarapatirazanairajvari tvajjvarENa| jJAnI stutvAtha dattvA tava charitajuShAM vijvaraM sajvarO'gAt prAyO'ntarjJAnavantO'pi cha bahutamasA raudrachEShTA hi raudrAH||7|| |
bANaM nAnAyudhOgraM punarabhipatitaM durpadOShAdvitanvan nirlUnAzEShadOShaM sapadi bubudhuShA zaGkarENOpagItaH| tadvAchA ziShTabAhudvitayamubhayatO nirbhayaM tatpriyaM tam muktvA taddattamAnO nijapuramagamaH sAniruddhaH sahOShaH||8|| |
muhustAvachChakraM varuNamajayO nandaharaNE yamaM bAlAnItau davadahanapAnE'nilasakham| vidhiM vatsastEyE girizamiha bANasya samarE vibhO vizvOtkarShI tadayamavatArO jayati tE||9|| |
dvijaruShA kRkalAsavapurdharaM nRganRpaM tridivAlayamApayan| nijajanE dvijabhaktimanuttamAmupadizan pavanEzvara pAhi mAm||10|| |
||iti zrImannArAyaNIyE dvyazItitama-dazakaM sampUrNam||
