From StotraSamhita
zrImannArAyaNIyam | |
---|---|
dazakam | |
01 02 03 04 05 06 07 08 09 10 | |
11 12 13 14 15 16 17 18 19 20 | |
21 22 23 24 25 26 27 28 29 30 | |
31 32 33 34 35 36 37 38 39 40 | |
41 42 43 44 45 46 47 48 49 50 | |
51 52 53 54 55 56 57 58 59 60 | |
61 62 63 64 65 66 67 68 69 70 | |
71 72 73 74 75 76 77 78 79 80 | |
81 82 83 84 85 86 87 88 89 90 | |
91 92 93 94 95 96 97 98 99 100 |
pRthOstu naptA pRthudharmakarmaThaH prAcInabarhiryuvatau zatadRRtau| pracEtasO nAma sucEtasaH sutAnajIjanattvatkaruNAGkurAniva||1|| |
pituH sisRkSAniratasya zAsanAdbhavattapasyAbhiratA dazApi tE| payOnidhiM pazcimamEtya tattaTE sarOvaraM sandadRzurmanOharam||2|| |
tadA bhavattIrthamidaM samAgatO bhavO bhavatsEvakadarzanAdRtaH| prakAzamAsAdya puraH pracEtasAmupAdizadbhaktatamastavastavam||3|| |
stavaM japantastamamI jalAntarE bhavantamAsEviSatAyutaM samAH| bhavatsukhAsvAdarasAdamISviyAnbabhUva kalO dhruvavanna zIghratA||4|| |
tapObhirESAmatimAtravardhibhiH sa yajJahiMsAniratO'pi pAvitaH| pitA'pi tESAM gRhayAtanAradapradarzitAtmA bhavadAtmatAM yayau||5|| |
kRpAbalEnaiva puraH pracEtasAM prakAzamAgAH patagEndravAhanaH| virAji cakrAdivarAyudhAMzubhiH bhujAbhiraSTAbhirudaJcitadyutiH||6|| |
pracEtasAM tAvadayAcatAmapiH tvamEva kAruNyabharAdvArAnadAH| bhavadvicintA'pi zivAyadEhinAM bhavatvasau rudranutizca kAmadA||7|| |
avApya kAntAM tanayAM mahIruhAM tayA ramadhvaM dazalakzavatsarIm| sutO'stu dakSO nanu tatkSaNAcca mAM prayAsyathEti nyagadO mudaiva tAn||8|| |
tatazca tE bhUtalarOdhinastarUnkRdhA dahantO druhiNEna vAritAH| drumaizca dattAM tanayAmavApya tAM tvaduktakAlaM sukhinO'bhirEmirE||9|| |
avApya dakSaM ca sutaM kRtAdhvarAH pracEtasO nAradalabdhayAdhiyA| avApurAnandapadaM tathAvidhastvamIza vAtAlayanAtha pAhimAm||10|| |
||iti zrImannArAyaNIyE EkOnaviMza-dazakaM sampUrNam||