From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
saptatitama-dazakam -- sudarzana-zApa-mOkSaH
iti tvayi rasAkulaM ramitavallabhE vallavAH kadApi punarambikAkamiturambikAkAnanE| samEtya bhavatA samaM nizi niSEvya divyOtsavam sukhaM suSuvuragrasId{}vrajapamugranAgastadA||1|| |
samunmukhamathOnmukairabhihatE'pi tasminbalA- damuJcati bhavatpadE nyapati pAhi pAhIti taiH| tadA khalu padA bhavAnsamupagamya pasparza tam babhau sa ca nijAM tanuM samupasAdya vaidyAdharIm||2|| |
sudarzanadhara prabhO nanu sudarzanAkhyO'smyaham munInkvacidapAhasaM ta iha mAM vyadhurvAhasam| bhavatpadasamarpaNAdamalatAM gatO'smItyasau stuvannijapadaM yayau vrajapadaM ca gOpA mudA||3|| |
kadApi khalu sIriNA viharati tvayi strIjanai- rjahArdhanadAnugaH sa kila zaGkhacUDO'balAH| atidrutamanudrutastamatha muktanArIjanam rurOjitha zirOmaNiM halabhRtE ca tasyAdadAH||4|| |
dinESu ca suhRjjanaiH saha vanESu lIlAparam manObhavamanOharaM rasitavENunAdAmRtam| bhavantamamarIdRzAmamRtapAraNAdAyinam vicintya kimu nAlapan virahatApitA gOpikAH||5|| |
bhOjarAjabhRtakastvatha kazcitkaSTaduSTapathadRSTirariSTaH| niSThurAkRtirapaSThuninAdastiSThatE sma bhavatE vRSarUpI||6|| |
zAkvarO'tha jagatIdhRtihArI mUrtimESa bRhatIM pradadhAnaH| paGktimAzu parighUrNya pazUnAM chandasAM nidhimavApa bhavantam||7|| |
tuGgazRGgamukhamAzvabhiyantaM sasaGgRhayya rabhasAdabhiyaM tam| bhadrarUpamapi daityamabhadraM mardayannamadayaH suralOkam||8|| |
citramadya bhagavan vRSaghAtAtsusthirAjani vRSasthitirurvyAm| vardhatE ca vRSacEtasi bhUyAnmOda ityabhinutO'si surastvam||9|| |
aukSakANi paridhAvata dUraM vIkSyatAmayamihOkSavibhEdI| itthamAttahasitaiH saha gOpairgEhagastvamava vAtapurEza||10|| |
||iti zrImannArAyaNIyE saptatitama-dazakaM sampUrNam||
