From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
aSTasaptatitama-dazakam -- balarAmavivAhaH
tridazavardhakivardhitakauzalaM tridazadattasamastavibhUtimat| jaladhimadhyagataM tvamabhUSayO navapuraM vapuraJcitarOciSA||1|| |
daduSi rEvatabhUbhRti rEvatIM halabhRtE tanayAM vidhizAsanAt| mahitamutsavaghOSamapUpuSaH samuditairmuditaiH saha yAdavaiH||2|| |
atha vidarbhasutAM khalu rukmiNIM praNayinIM tvayi dEva sahOdaraH| svayamaditsata cEdimahIbhujE svatamasA tamasAdhumupAzrayan||3|| |
ciradhRtapraNayA tvayi bAlikA sapadi kAGkSitabhaGgasamAkulA| tava nivEdayituM dvijamAdizatsvakadanaM kadanaGgavinirmitam||4|| |
dvijasutO'pi ca tUrNamupAyayau tava puraM hi durAzadurAsadam| mudamavApa ca sAdarapUjitaH sa bhavatA bhavatApahRtA svayam||5|| |
sa ca bhavantamavOcata kuNDinE nRpasutA khalu rAjati rukmiNI| tvayi samutsukayA nijadhIratArahitayA hi tayA prahitO'smyaham||6|| |
tava hRtAsmi puraiva guNairahaM harati mAM kila cEdinRpO'dhunA| ayi kRpAlaya pAlaya mAmiti prajagadE jagadEkapatE tayA||7|| |
azaraNAM yadi mAM tvamupEkSasE sapadi jIvitamEva jahAmyaham| iti girA sutanOratanOdbhRzaM suhRdayaM hRdayaM tava kAtaram||8|| |
akathayastvamathainamayE sakhE tadadhikA mama manmathavEdanA| nRpasamakSamupEtya harAmyahaM tadayi tAM dayitAmasitEkSaNAm||9|| |
pramuditEna ca tEna samaM tadA rathagatO laghu kuNDinamEyivAn| gurumarutpuranAyaka mE bhavAnvitanutAM tanutAmakhilApadAm||10|| |
||iti zrImannArAyaNIyE aSTasaptatitama-dazakaM sampUrNam||
