From StotraSamhita
< Bhagavatam | Skandha 01
dwitIyO'dhyAyaH
vyAsa uvAca
iti sampraznasaMhRSTO viprANAM raumaharzaNiH| pratipUjya vacastEzAM pravaktumupacakramE||1|| |
sUta uvAca
yaM pravrajantamanupEtamapEtakRtyaM dvaipAyanO virahakAtara AjuhAva| putrEti tanmayatayA taravO'bhinEdustaM sarvabhUtahRdayaM munimAnatO'smi||2|| |
yaH svAnubhAvamakhilazrutisAramEkamadhyAtmadIpamatititIrSatAM tamO'ndham| saMsAriNAM karuNayAha purANaguhyaM taM vyAsasUnumupayAmi guruM munInAm||3|| |
nArAyaNaM namaskRtya naraM caiva narOttamam| dEvIM sarasvatIM vyAsaM tatO jayamudIrayEt||4|| |
munayaH sAdhu pRSTO'haM bhavadbhirlOkamaGgalam| yatkRtaH kRSNasampraznO yEnAtmA suprasIdati||5|| |
sa vai puMsAM parO dharmO yatO bhaktiradhOkSajE| ahaitukyapratihatA yayAtmA suprasIdati||6|| |
vAsudEvE bhagavati bhaktiyOgaH prayOjitaH| janayatyAzu vairAgyaM jJAnaM ca yadahaitukam||7|| |
dharmaH svanuSThitaH puMsAM viSvaksEnakathAsu yaH| nOtpAdayEdyadi ratiM zrama Eva hi kEvalam||8|| |
dharmasya hyApavargyasya nArthO'rthAyOpakalpatE| nArthasya dharmaikAntasya kAmO lAbhAya hi smRtaH||9|| |
kAmasya nEndriyaprItirlAbhO jIvEta yAvatA| jIvasya tattvajijJAsA nArthO yazcEha karmabhiH||10|| |
vadanti tattattvavidastattvaM yajjJAnamadvayam| brahmEti paramAtmEti bhagavAniti zabdyatE||11|| |
tacchraddadhAnA munayO jJAnavairAgyayuktayA| pazyantyAtmani cAtmAnaM bhaktyA zrutagRhItayA||12|| |
ataH pumbhirdvijazrESThA varNAzramavibhAgazaH| svanuSThitasya dharmasya saMsiddhirharitOSaNam||13|| |
tasmAdEkEna manasA bhagavAnsAtvatAM patiH| zrOtavyaH kIrtitavyazca dhyEyaH pUjyazca nityadA||14|| |
yadanudhyAsinA yuktAH karmagranthinibandhanam| chindanti kOvidAstasya kO na kuryAtkathAratim||15|| |
zuzrUSOH zraddadhAnasya vAsudEvakathAruciH| syAnmahatsEvayA viprAH puNyatIrthaniSEvaNAt||16|| |
zRNvatAM svakathAH kRSNaH puNyazravaNakIrtanaH| hRdyantaHsthO hyabhadrANi vidhunOti suhRtsatAm||17|| |
naSTaprAyESvabhadrESu nityaM bhAgavatasEvayA| bhagavatyuttamazlOkE bhaktirbhavati naiSThikI||18|| |
tadA rajastamObhAvAH kAmalObhAdayazca yE| cEta EtairanAviddhaM sthitaM sattvE prasIdati||19|| |
EvaM prasannamanasO bhagavadbhaktiyOgataH| bhagavattattvavijJAnaM muktasaGgasya jAyatE||20|| |
bhidyatE hRdayagranthizchidyantE sarvasaMzayAH| kSIyantE cAsya karmANi dRSTa EvAtmanIzvarE||21|| |
atO vai kavayO nityaM bhaktiM paramayA mudA| vAsudEvE bhagavati kurvantyAtmaprasAdanIm||22|| |
sattvaM rajastama iti prakRtErguNAstairyuktaH paramapuruSa Eka ihAsya dhattE| sthityAdayE hariviriJciharEti saMjJAH zrEyAMsi tatra khalu sattvatanOrnRNAM syuH||23|| |
pArthivAddAruNO dhUmastasmAdagnistrayImayaH| tamasastu rajastasmAtsattvaM yadbrahmadarzanam||24|| |
bhEjirE munayO'thAgrE bhagavantamadhOkSajam| sattvaM vizuddhaM kSEmAya kalpantE yE'nu tAniha||25|| |
mumukSavO ghOrarUpAnhitvA bhUtapatInatha| nArAyaNakalAH zAntA bhajanti hyanasUyavaH||26|| |
rajastamaHprakRtayaH samazIlA bhajanti vai| pitRbhUtaprajEzAdInzriyaizvaryaprajEpsavaH||27|| |
vAsudEvaparA vEdA vAsudEvaparA makhAH| vAsudEvaparA yOga vAsudEvaparAH kriyAH||28|| |
vAsudEvaparaM jJAnaM vAsudEvaparaM tapaH| vAsudEvaparO dharmO vAsudEvaparA gatiH||29|| |
sa EvEdaM sasarjAgrE bhagavAnAtmamAyayA| sadasadrUpayA cAsau guNamayAguNO vibhuH||30|| |
tayA vilasitESvESu guNESu guNavAniva| antaHpraviSTa AbhAti vijJAnEna vijRmbhitaH||31|| |
yathA hyavahitO vahnirdAruSvEkaH svayOniSu| nAnEva bhAti vizvAtmA bhUtESu ca tathA pumAn||32|| |
asau guNamayairbhAvairbhUtasUkSmEndriyAtmabhiH| svanirmitESu nirviSTO bhuGktE bhUtESu tadguNAn||33|| |
bhAvayatyESa sattvEna lOkAnvai lOkabhAvanaH lIlAvatArAnuratO dEvatiryaGnarAdiSu||34|| |
||iti zrImadbhAgavatE mahApurANE pAramahaMsyAM saMhitAyAM prathamaskandhE dwitIyO'dhyAyaH||
