Jump to: navigation, search

saptaviMzO'dhyAyaH

nArada uvAca

itthaM puraJjanaM sadhryagvazamAnIya vibhramaiH|
puraJjanI mahArAja rEmE ramayatI patim||1||

sa rAjA mahiSIM rAjansusnAtAM rucirAnanAm|
kRtasvastyayanAM tRptAmabhyanandadupAgatAm||2||

tayOpagUDhaH parirabdhakandharO rahO'numantrairapakRSTacEtanaH|
na kAlaraMhO bubudhE duratyayaM divA nizEti pramadAparigrahaH||3||

zayAna unnaddhamadO mahAmanA mahArhatalpE mahiSIbhujOpadhiH|
tAmEva vIrO manutE paraM yatastamO'bhibhUtO na nijaM paraM ca yat||4||

tayaivaM ramamANasya kAmakazmalacEtasaH|
kSaNArdhamiva rAjEndra vyatikrAntaM navaM vayaH||5||

tasyAmajanayatputrAnpuraJjanyAM puraJjanaH|
zatAnyEkAdaza virADAyuSO'rdhamathAtyagAt||6||

duhitRRrdazOttarazataM pitRmAtRyazaskarIH|
zIlaudAryaguNOpEtAH pauraJjanyaH prajApatE||7||

sa paJcAlapatiH putrAnpitRvaMzavivardhanAn|
dAraiH saMyOjayAmAsa duhitRRH sadRzairvaraiH||8||

putrANAM cAbhavanputrA Ekaikasya zataM zatam|
yairvai pauraJjanO vaMzaH paJcAlESu samEdhitaH||9||

tESu tadrikthahArESu gRhakOzAnujIviSu|
nirUDhEna mamatvEna viSayESvanvabadhyata||10||

IjE ca kratubhirghOrairdIkSitaH pazumArakaiH|
dEvAnpitRRnbhUtapatInnAnAkAmO yathA bhavAn||11||

yuktESvEvaM pramattasya kuTumbAsaktacEtasaH|
AsasAda sa vai kAlO yO'priyaH priyayOSitAm||12||

caNDavEga iti khyAtO gandharvAdhipatirnRpa|
gandharvAstasya balinaH SaSTyuttarazatatrayam||13||

gandharvyastAdRzIrasya maithunyazca sitAsitAH|
parivRttyA vilumpanti sarvakAmavinirmitAm||14||

tE caNDavEgAnucarAH puraJjanapuraM yadA|
hartumArEbhirE tatra pratyaSEdhatprajAgaraH||15||

sa saptabhiH zatairEkO viMzatyA ca zataM samAH|
puraJjanapurAdhyakSO gandharvairyuyudhE balI||16||

kSIyamANE svasambandhE EkasminbahubhiryudhA|
cintAM parAM jagAmArtaH sarASTrapurabAndhavaH||17||

sa Eva puryAM madhubhukpaJcAlESu svapArSadaiH|
upanItaM baliM gRhNanstrIjitO nAvidadbhayam||18||

kAlasya duhitA kAcittrilOkIM varamicchatI|
paryaTantI na barhiSmanpratyanandata kazcana||19||

daurbhAgyEnAtmanO lOkE vizrutA durbhagEti sA|
yA tuSTA rAjarSayE tu vRtAdAtpUravE varam||20||

kadAcidaTamAnA sA brahmalOkAnmahIM gatam|
vavrE bRhadvrataM mAM tu jAnatI kAmamOhitA||21||

mayi saMrabhya vipula madAcchApaM suduHsaham|
sthAtumarhasi naikatra madyAcJAvimukhO munE||22||

tatO vihatasaGkalpA kanyakA yavanEzvaram|
mayOpadiSTamAsAdya vavrE nAmnA bhayaM patim||23||

RSabhaM yavanAnAM tvAM vRNE vIrEpsitaM patim|
saGkalpastvayi bhUtAnAM kRtaH kila na riSyati||24||

dvAvimAvanuzOcanti bAlAvasadavagrahau|
yallOkazAstrOpanataM na rAti na tadicchati||25||

athO bhajasva mAM bhadra bhajantIM mE dayAM kuru|
EtAvAnpauruSO dharmO yadArtAnanukampatE||26||

kAlakanyOditavacO nizamya yavanEzvaraH|
cikIrSurdEvaguhyaM sa sasmitaM tAmabhASata||27||

mayA nirUpitastubhyaM patirAtmasamAdhinA|
nAbhinandati lOkO'yaM tvAmabhadrAmasammatAm||28||

tvamavyaktagatirbhuGkSva lOkaM karmavinirmitam|
yA hi mE pRtanAyuktA prajAnAzaM praNESyasi||29||

prajvArO'yaM mama bhrAtA tvaM ca mE bhaginI bhava
carAmyubhAbhyAM lOkE'sminnavyaktO bhImasainikaH||30||

||iti zrImadbhAgavatE mahApurANE pAramahaMsyAM saMhitAyAM caturthaskandhE saptaviMzO'dhyAyaH||

See Also