From StotraSamhita

dwAviMzO'dhyAyaH

zrIzuka uvAca

mitrAyuzca divOdAsAccyavanastatsutO nRpa| sudAsaH sahadEvO'tha sOmakO jantujanmakRt||1||

tasya putrazataM tESAM yavIyAnpRSataH sutaH sa tasmAddrupadO jajJE sarvasampatsamanvitaH drupadAddraupadI tasya dhRSTadyumnAdayaH sutAH||2||

dhRSTadyumnAddhRSTakEturbhArmyAH pAJcAlakA imE| yO'jamIDhasutO hyanya RkSaH saMvaraNastataH||3||

tapatyAM sUryakanyAyAM kurukSEtrapatiH kuruH| parIkSiH sudhanurjahnurniSadhazca kurOH sutAH||4||

suhOtrO'bhUtsudhanuSazcyavanO'tha tataH kRtI| vasustasyOparicarO bRhadrathamukhAstataH||5||

kuzAmbamatsyapratyagra cEdipAdyAzca cEdipAH| bRhadrathAtkuzAgrO'bhUdRSabhastasya tatsutaH||6||

jajJE satyahitO'patyaM puSpavAMstatsutO jahuH| anyasyAmapi bhAryAyAM zakalE dvE bRhadrathAt||7||

yE mAtrA bahirutsRSTE jarayA cAbhisandhitE| jIva jIvEti krIDantyA jarAsandhO'bhavatsutaH||8||

tatazca sahadEvO'bhUtsOmApiryacchrutazravAH| parIkSiranapatyO'bhUtsurathO nAma jAhnavaH||9||

tatO vidUrathastasmAtsArvabhaumastatO'bhavat| jayasEnastattanayO rAdhikO'tO'yutAyvabhUt||10||

tatazcAkrOdhanastasmAddEvAtithiramuSya ca| RkSastasya dilIpO'bhUtpratIpastasya cAtmajaH||11||

dEvApiH zAntanustasya bAhlIka iti cAtmajAH| pitRrAjyaM parityajya dEvApistu vanaM gataH||12||

abhavacchAntanU rAjA prAGmahAbhiSasaMjJitaH| yaM yaM karAbhyAM spRzati jIrNaM yauvanamEti saH||13||

zAntimApnOti caivAgryAM karmaNA tEna zAntanuH| samA dvAdaza tadrAjyE na vavarSa yadA vibhuH||14||

zAntanurbrAhmaNairuktaH parivEttAyamagrabhuk| rAjyaM dEhyagrajAyAzu purarASTravivRddhayE||15||

EvamuktO dvijairjyESThaM chandayAmAsa sO'bravIt| tanmantriprahitairviprairvEdAdvibhraMzitO girA||16||

vEdavAdAtivAdAnvai tadA dEvO vavarSa ha| dEvApiryOgamAsthAya kalApagrAmamAzritaH||17||

sOmavaMzE kalau naSTE kRtAdau sthApayiSyati| bAhlIkAtsOmadattO'bhUdbhUrirbhUrizravAstataH||18||

zalazca zAntanOrAsIdgaGgAyAM bhISma AtmavAn| sarvadharmavidAM zrESThO mahAbhAgavataH kaviH||19||

vIrayUthAgraNIryEna rAmO'pi yudhi tOSitaH| zAntanOrdAsakanyAyAM jajJE citrAGgadaH sutaH||20||

vicitravIryazcAvarajO nAmnA citrAGgadO hataH| yasyAM parAzarAtsAkSAdavatIrNO harEH kalA||21||

vEdaguptO muniH kRSNO yatO'hamidamadhyagAm| hitvA svaziSyAnpailAdInbhagavAnbAdarAyaNaH||22||

mahyaM putrAya zAntAya paraM guhyamidaM jagau| vicitravIryO'thOvAha kAzIrAjasutE balAt||23||

svayaMvarAdupAnItE ambikAmbAlikE ubhE| tayOrAsaktahRdayO gRhItO yakSmaNA mRtaH||24||

kSEtrE'prajasya vai bhrAturmAtrOktO bAdarAyaNaH| dhRtarASTraM ca pANDuM ca viduraM cApyajIjanat||25||

gAndhAryAM dhRtarASTrasya jajJE putrazataM nRpa| tatra duryOdhanO jyESThO duHzalA cApi kanyakA||26||

zApAnmaithunaruddhasya pANDOH kuntyAM mahArathAH| jAtA dharmAnilEndrEbhyO yudhiSThiramukhAstrayaH||27||

nakulaH sahadEvazca mAdryAM nAsatyadasrayOH| draupadyAM paJca paJcabhyaH putrAstE pitarO'bhavan||28||

yudhiSThirAtprativindhyaH zrutasEnO vRkOdarAt| arjunAcchrutakIrtistu zatAnIkastu nAkuliH||29||

sahadEvasutO rAjanchrutakarmA tathAparE| yudhiSThirAttu pauravyAM dEvakO'tha ghaTOtkacaH||30||

bhImasEnAddhiDimbAyAM kAlyAM sarvagatastataH| sahadEvAtsuhOtraM tu vijayAsUta pArvatI||31||

karENumatyAM nakulO naramitraM tathArjunaH irAvantamulupyAM vai sutAyAM babhruvAhanam maNipurapatEH sO'pi tatputraH putrikAsutaH||32||

tava tAtaH subhadrAyAmabhimanyurajAyata| sarvAtirathajidvIra uttarAyAM tatO bhavAn||33||

parikSINESu kuruSu drauNErbrahmAstratEjasA| tvaM ca kRSNAnubhAvEna sajIvO mOcitO'ntakAt||34||

tavEmE tanayAstAta janamEjayapUrvakAH| zrutasEnO bhImasEna ugrasEnazca vIryavAn||35||

janamEjayastvAM viditvA takSakAnnidhanaM gatam| sarpAnvai sarpayAgAgnau sa hOSyati ruSAnvitaH||36||

kAlaSEyaM purOdhAya turaM turagamEdhaSAT| samantAtpRthivIM sarvAM jitvA yakSyati cAdhvaraiH||37||

tasya putraH zatAnIkO yAjJavalkyAttrayIM paThan| astrajJAnaM kriyAjJAnaM zaunakAtparamESyati||38||

sahasrAnIkastatputrastatazcaivAzvamEdhajaH| asImakRSNastasyApi nEmicakrastu tatsutaH||39||

gajAhvayE hRtE nadyA kauzAmbyAM sAdhu vatsyati| uktastatazcitrarathastasmAcchucirathaH sutaH||40||

tasmAcca vRSTimAMstasya suSENO'tha mahIpatiH| sunIthastasya bhavitA nRcakSuryatsukhInalaH||41||

pariplavaH sutastasmAnmEdhAvI sunayAtmajaH| nRpaJjayastatO dUrvastimistasmAjjaniSyati||42||

timErbRhadrathastasmAcchatAnIkaH sudAsajaH| zatAnIkAddurdamanastasyApatyaM mahInaraH||43||

daNDapANirnimistasya kSEmakO bhavitA yataH| brahmakSatrasya vai yOnirvaMzO dEvarSisatkRtaH||44||

kSEmakaM prApya rAjAnaM saMsthAM prApsyati vai kalau| atha mAgadharAjAnO bhAvinO yE vadAmi tE||45||

bhavitA sahadEvasya mArjAriryacchrutazravAH| tatO yutAyustasyApi niramitrO'tha tatsutaH||46||

sunakSatraH sunakSatrAdbRhatsEnO'tha karmajit| tataH sutaJjayAdvipraH zucistasya bhaviSyati||47||

kSEmO'tha suvratastasmAddharmasUtraH samastataH| dyumatsEnO'tha sumatiH subalO janitA tataH||48||

sunIthaH satyajidatha vizvajidyadripuJjayaH bArhadrathAzca bhUpAlA bhAvyAH sAhasravatsaram||49||

||iti zrImadbhAgavatE mahApurANE pAramahaMsyAM saMhitAyAM navamaskandhE dwAviMzO'dhyAyaH||

See Also

• http://vedabase.net/sb/9/22/en